بصراحه رسالتها تدل على مدى وقاحتها و استهتارها بالحياه الزوجيه و عدم احترامك ..

نصيحتي

خلي الرسالة عندك .. احتياط لا تمسحه ..

و لا تاخد البنت و طنشها أكثررررررر من قبل .. بقي القليل و بإذن الله يطيح الحطب اللي في راسها ،،

هي قالت كذا علشان تبغاك تتصل عليها و تبغى تستفزك أكثرررررر ..
هي محروقة من حياة العزوبية تبعها .. لا تحسبها مبسوطة ..

- هي تبغاك تنقهر من رسالتها و تنحرق و تروح تاخدها من عند اهلها
تبغى تبين لك إنها مبسوطة من حياة العزوبية ،، و صدقني إنها محروقة و مقهورة لكن ( تكابر ) و غرورها مانعها من
انها تتصل أو تعتذر .. و لو انك اتصلت و رجعتها دحين ما راح تستفيد شئ و هي راح تزيد اكثر من قبل

لكن لو إنك طنشتها كمان ،، راح تندم بعد فترة و راح تعتذر ..

انت لا تطلع اشاعة و لا يحزنون حاليا ،، خليك على ما انت عليه ..

و لو تقدر تاخد امك و ابوك و تسافرواا يومين و ترجعوا .. صدقني راح تفكر مع نفسها و تاكل في نفسها
و تعرف إنك مبسووط و إنها ما همتك ابداااااااااااااااااااااااااااااااا .. و انه غيابها ما يأثر فيك


نصيحتي لك :
- لا تاخد البنت و اعتبر نفسك ما شفت الرسالة .. هي بتلوي ذراعك .. و تستفزك و تعرف كيف تلعب بأعصابك لإنك زوجها
- خذ لك اجازة يومين ، او يوم الخميس و الجمعة سافر مع أي أحد من اهلك و لو تكون وحدة من اخواتك أفضللللللل
علشان النقطتين هذولا راح تخليهم تندم و تتوب ما تكسر كلمتك قدام اهلها و تحترمك ..

إذا انك رجعتها دحين فراح تسبك بكرة النهار قدام امك و ابوك إذا دحين طردتك من عند بيت اهلها و قدام امها

و اهلها عارفين انها غلطانة صدقني

اذا المـــرء لا يرعـــاك الا تكلفــــا
فدعــــه ولا تكثـــر عليــه التأسفـــا



ففـي النـاسِ أبـدال وفـي الـتركِ راحـة
وفـي القلـبِ صبـر للحبيـب ولـو جفـا


فـلا كـــل مـن تهـــواه يهــواك قلبــه
ولا كـل مـن صافيتـه لـك قـد صفـا


اذا لـم يكـن صفــو الــوداد طبيعــة
فـلا خيــر فـي ود يجـــيء تكلفـــا


ولا خيــر في خــل يخــون خليلـــه
ويرميــه مـن بعــد المــودة بالجفـــا


ســلام علـى الدنيـا اذا لــم يكــن بهــا
صديق صدوق صــادق الوعد منصفـا



للامام الشافعي

لا حول ولاقوة الا بالله .. الله يعينك على زوجتك يبدو انها مستهترة جدددا بداية من استهتارها بعدم السلام على اخواتك لم تقدرك ولم تقدر امك وابوك اضافة لطردها لك و يبدو ان امها كذلك فالام الحقيقية هي من تنهى بنتها عن الخطأ و تؤدبها حتى وان كانت متزوجه .. فإذا كنت مستعد للعيش بمشاكل و اهانة معها تنازل واذا اردت ان تعيش الحياة الزوجية المطمئنة اعمل بنصيحة اخواتي بتطنيشها و الحزم معها حتى وان عادت فنحن نساء ونعلم نفسيات بنات جنسنا اكثر..
و في الاول والاخير الله يكتب لك الخير

شر البلية ما يضحك الحقيقة راحت ايام ان الام تذبح روحها من أجل ااعيالها الحين بالساهل عليهم الاستغناء عنهم


هذه مو أم بل نصف أم أو اقل


تحياتي

بورسل

بحاول ألخص المشكلة ...بشكل مختصر جداً جداً .

1- صار لنا من تزوجنا 4 سنوات ....رزقنا الله ببنت عمرها الآن سنتان .

2- أخوها تقدم لأختي العام الماضي .. صار نصيب ....وملكوا على بعض مباشرة ...تزوجوا قبل شهر .

3- مشاكل صغيرة من الحريم من الطرفين ( هذي ما زارتني في مناسبة كذا - هذي ما سلمت علي - هذي ما احترمتني - هذي ما وجبتني ....إلخ )..أفرزت توتر في العلاقة بين الحريم في العائلتين.

4- هالمشاكل الصغيرة سووت مشاكل كبيرة جداً .ليلة زوج أختي بأخو زوجتي ....( لا أبالغ في قولي كبيرة جداً فعلاً هي كذلك ) ..

5- في يوم الزواج استمرت المشاكل ....وأخذت أبعاداً أخرى.....لم يهنأ العروسين الجديدين لا ليلة زواجهما ولا بيومه ولا بالأيام الأولى لهما.

6- هدأت المعركة قليلاً لمدة يومين تقريبا....ولكن في أمور بسيطة تحدث....ولكن النفوس مشحونة.

7- بعد أسبوع من الزواج أختي وزوجها كانا جالسين في بيت أهله( اللي هو بيت أهل زوجتي ) تم فتح ملفات المشاكل اللي حصلت في ليلة الزواج طبعا الكلام بين أختي وأخوات زوجها بس ( هذي أمي ...وأمي أنا ماهيب أم يعني ...الي غلط لازم يؤدب ....انا ما بتنازل عن حقي ....ومن هالكلام ) ....

8- صار تطاول على أختي طارت غرفتها وهي منفعله جداً جداً ...لم يستطع زوجها تهدأتها ...زوجها اتصل على أبوي ...قال فلانه مو جايه تهدا ...قال تعالوا اثنينكم ونشوف السالفة..

9- جلس أبوي معهم وهدأ أختي ....ولكن هو في نفسه الأشياء الكبيرة الي صارت ليلة الزواج ... والموقف الأخير خلاه يعصب جداً ....يقول اشفيهم على بنتي يبوا يخربوا عليها وعلى زوجها ....اتصل بي أبي وقال زوجتك لها وعدها إذا جيت من العمل ....لأن لها دور في المشكلة...فقال بيكلم واحد من خوانهم عشان يصير حل للي قاعد يصير....أنا امتصيت غضب أبوي وقلت له خل الموضوع علي ...ولازم تكون جلست رجال عشان توقف مهزلة هالحريم اللي صايره ...قال أوكي.

10- أنا كنت في مدينة ثانية لأمور العمل..ولما نزلت ما كنت أعطي زوجتي وجه وهي تحس بهالشي ( طبعاً ما أعطيها وجه لأمرين تعاملها معي وعدم احترامها لي ...والأمر الثاني بسبب تصرفاتها في هالمشاكل الحالية اللي قاعده تصير ).

11- كانت تحاول أن أتحدث معها وش اللي فيني عليها ....أنا أتجنب الحديث في ذلك .

12 - ضلت تصر لمدة يومين علي لازم أطلع اللي في قلبي ...وأنا مدرك أن لا فائدة وكلامي معها راح يزيد الطين بلة.

13- بعد ذلك قلت لها " أنتي ما تحترميني ولا تحترمي أهلي " . >>> أخواني أخواتي حطوا خط على انتي ما تحترميني .. بتكلم في هالنقطة فيما بعد.

14- مع الكلام ....وهي مشحونه بسبب المشاكل اللي بين العائلتين وأنا كذلك ....انفعلنا .

15- قلت لها لو يجتمعوا أهلك كلهم ( قصدي خواتها ) عشان يفرقوا أختي وزوجها ما راح يقدروا .

16- انفعلت انفعال شديد جداً .....طلبت الطلاق كعادتها بشدة وهي تبكي...كررت الطلاق أكثر من مره ...قلت لها بطلقك بس عشان تفك عني ...طارت على الجوال كعادتها عشان بتنقل لأهلها وش اللي صار وأني بطلقها...كلمت أمها ..واخ كبير لها .

17- كلمني هذا الأخ ....وكان منفعل علي ....أنا امتصيت غضبه وقلت له الموضوع كله يحتاج وقفة رجال ..واتفقنا على أن بنجلس مع بعض عشان نحط حد للمشاكل .

18- بعد مكالمتي مع أخوها ..أصرت أني أوديها بيت أهلها ....أنا رافض رفض قاطع....اتصلت بامها كلمتني أمها قالت جيبها ...قلت هي في بيتها معززة مكرمة ولا راح تطلع منه ...قالت جيبها عشان تهدا ويصير خير ...

19- قلت لها والله العظيم يا عمتي أني راح أجيبها احتراماً وتقديراً لك ولكن إذا جبتها ما راح أرجعها أنا من نفسي. لأني مو أنا اللي مخليها تروح.

20 - أخذت ملابسها ....وركبنا السيارة ووديتها ...

21- أنا نزلت عشان ابي اشوف عمتي شخصيا ...وتكلمنا ....بعدين جت زوجتي يمنا قالت لي " اطلع برا "

22- قلت لعمتي شهدتي عليها ....أطرقت براسها ساكته .....كررت زوتي كلمتها " اطلع برا " نظرت الى السماء وقلت اللهم اشهد اني أديت ما علي .

23 - عزمت على الخروج فقالت زوجتي أخذ بنتك ( ذات السنتين ) معك ..قلت خليها عندك قالت عمتي " أخذها تتونس بها "

24 - رمت علي بنتي وخرجت بها .

25- أسبوع كامل مر وبنتي معي وأنا مو عارف وش أسوي ...لا يوجد اي تواصل لا برسايل ولا بجوال بيني وبينها.


26- كلمت أخ آخر ( غير ذلك الأخ الذي كلمني بالجوال وكان منفعلاً ) ...شرحت له الموضوع كاملاً.

27 - أرسلت هي لي رسالة على الجوال بعد أسبوع كامل " أبي أشوف فلانه " يعني بنتي ..طبعاً لم يتكلم معها أخوها بعد...يعني الرسالة من نفسها ومن محض أرادتها .

28- أنا ما رديت عليها ولا على رسالتها ...مطنشنها .

27- جلس معهم الظاهر وقال لزوجتي أول شيء البنت ما تكون مع أبوها وبجيبها.

29- اتصل أخوها وقال لي جيب البنت ....طبعاً هذا بعد 3 أيام من رسالتها .

30 - وديت بنتي ....وقلت لأخوها أني كل بين يومين ابي أجي أخذ بنتي.

31 - وبالفعل كل بين يومين اتصل عليه عشان أخذ بنتي حيث كان هوالوسيط بيني وبين زوجتي في أخذ بنتي ....حيث لا يوجد أي تواصل بيننا.

32- طبعا هذا الأخ في محاولات لإصلاح مشكلتي انا وزوجتي.

33- بعد 14 يوم من طردتها لي ارسلت لي مسج نصها " الحين بس عرفت غلاي" .

34- ما رديت عليها طنشتها ....

35- بعد 17 يوم من طردتها لي اتصل بي اخوها عشان نجلس ثلاثتنا لحل المشكلة ....أنا قلت له مستحيل أني أجلس معاها في مجلس قبل أن تعترف بفداحة طردتها لي أمام أمها ورميها بنتي علي ...

36 - قال لي ستطول المسألة ...قلت انا ما عندي مشكلة في طول المدة أهم شيء يكون الحل جذري.>>>طبعا اصراري كله نابع من معرفتي بزوجتي ونفسيتها ومواقفها .

37- بعد 18 يوم اتصل علي أخوها ..انها بتجي شقتنا بتاخذ أغراض لها ..قلت ما عندي مشكلة جابها أخذت الأغراض وخرجت ...

38- بعد خروجها راحت للشقة ما أشوف الا صورها ليلة الملكة أخذتها كلهم ....وفي صورة لي أنا وهي ليلة الملكة شقت صورتها ورمت صورتي على الأرض.

39 - ما سويت شيء ولا كلمتها ولا أرسلت لها شيء ( طبعا هذا الشيء متواصل من طردتها لي ).

9120 يوم من طردتها لي ما نصها " يا حلوها حياة العزوبية بس لو انك مكمل جميلك ومأخذ فلانه ( يعني بنتي ) كان عال العال .

41 - من طردتني صار الآن 20 يوم ....لم أتواصل معها في أي شيء ..فقط هي ارسلت لي الثلاث الرسائل اللي قلت لكم عنها ..

أخواني أخواتي :

الملخص أعلاه فقط عشان أبي أنتقل إلى بعد آخر من المشكلة ... ابي أنتقل الى وضعي النفسي والروحي والوجداني الحالي ....فأنا فعلاً في هذا الوضع أحتاج إلى عقول اضمها إلى عقلي ...حتى يكون رأيي لا ظلم فيه لا أحد .


طبعاً زوجتي عمرها 22 سنة.

أنا عمري 28 سنة .

صار لنا متزوجين 4 سنوات.

أنا صاحب دراسات عليا ....دارس في دولة أجنبية كانت زوجتي معي .

رزقنا الله في تلك الدولة ببنوته ...عمرها الآن سنتين.

زوجتي يتيمة الاب من كان عمرها 10 سنوات تقريباً .

هي أصغر أخوانها وأخواتها ......عندها 8 أخوان ....و7 أخوات.

عائلتها متعلمة ....ورجال العائلة أصحاب وجاهة وعلم ....والحريم متعلمين أيضاً .

ياخوي اسمح لي .. إنت مانت شايف عيوب زوجتك 100 بالمية مثل ما أبوك شايف بعينه ..
انت زعلان من طردها لك و رميها لبنتك عليك ..

لكن المشكلة أكبر من كذا .. لإنه اللي حصل من طرد و غيره ، ردة فعل نتيجة انعدام الحوار و الإحترام ..
راس المشاكل كلها ،،
( زوجتك تتحمل ثلث من المشاكل اللي حصلت .. و ثلث أهلها اخواتها و امها و ثلث أختك )
لكن اللي أشعل المشاكل هذه كلها ، هي زوجتك .. لإنها ضامنة إنك ما راح تاخد مو


فالمشكلة اللي صارت ممكن انك تستغلها و تضرب أكثر من عصفور بحجر واحد ..

هي ما راح تعتذر لإنك هددتها بالطلاق و ما راح تعترف إنها هي السبب في مشاكل اختك و زوجها .. لإن كيد المراة يغلب الشيطان و راح تتبلى على اختك انه هي السبب

و انت بدورك صعب تقول لاهلها انه هي السبب حتى لا يطلع ابوك شكله امامهم كانه تبلى عليها ..

الحل تتكلم مع اخوها بإنه اخته ما تحترمك و انك تحملت كثيييير و انها كل شئ تحكيه لاهلها و علشان كذا انت في الاخير صرت ما تتحملها

لا تجيب سيرة اختك و زوجها حاليا لإنه زوجتك راج تقلبه على راس اختك

و بعد كذا اخوها راح يعاتبها و اهلها بما إنهم عايلة متعلمة.. و هي رح تعتذر علشان الطرد .. خاصة إذا شافتك جاد في موقفك ..

و إذا هي احترمتك و خافت منك .. فراح من نفسها تتوب تدخل حالها في مشاكل أخوها و زوجته و راح من حالها تحسب لك حساب

أختي روح الطير :

بل أنا عارف وشايف عيوب زوجتي 100% والتي لا يعرفها لا أبوي ولا أهلها .

على فكرة أبوي وامي وأهلي .... لا يستطيعون التدخل في علاقتي الزوجية منذ تزوجت .... والأن بسبب المشاكل ووضوحها تأخذتهم العاطفة على وضعي أن زوجتي في بيت أهلها وانا لوحدي فيحاولون التدخل ..وانا اقول لهم أنا أعرف بوضعي ومشكلتي ..وأستطيع حلها لوحدي. >>> طبعا بأسلوب لبق ..

وبالفعل أنا أعرف .....وأنا ما أمنعهم أنهم ما يتدخلوا فقط لمجرد المنع ولكن لقناعتي أن تدخلهم لا يحل المشكلة بل يزيدها وأن اقتنعوا بعكس ذلك ...

وأزيدك من الشعر بيت ترى أهلي ما يدروا أن زوجتي طردتني ...ولن يعلموا بذلك.

وكل أموري الزوجية هي بيني وبينها الا اللي هي تطلعه لأهلها .


وأنا أتفق معك أن الطرده هي نتيجة لانعدام الحوار والاحترام في علاقتنا الزوجية.

وهذا ما أسعى لعلاجه وهو أساس حياتنا الزوجية ... أنا ماني زعلان على الطرده بما هي طرده ..

أنا زعلان على كيف أحاول إصلاح أساس حياتنا الزوجية ... وهذا يتطلب معرفة طبيعة علاقتنا ببعض خلال ال 4 سنوات والأحداث التى صارت فيها !!!

وإصراري على عدم الحديث معها في أي شيء قبل أن تعتذر ..ليس من باب الانتصار للنفس ورد الاعتبار ....بل هو بداية لحل أزمة العلاقة بيني وبين زوجتي ...


بالنسبة لمشكلتي أنا وزوجتي صرت أنظر لها بمناظر أخر يا أختي روح الطير ...قمت أقلب الأحداث اللي الماضية اللي صارت بينا ..صرت أعيد النظر في كل شيء صار بينا ...عشان بس أوصل لحل جذري ..


وبالنسبة لعلاقة أختي بزوجها ....طيبة ولا فيها شيء والحمد لله وهم عايشين حياتهم في مدينة أخرى بسبب عمل زوجها ....وأنا ما أتدخل فيها ....والحمد لله رب العالمين الاحترام متبادل بيني وبين زوج أختي ( أخو زوجتي ) ....وكذلك أختي تحترمني وتحترم تفكيري ...وكلاهما يحترم رأيي.


وأنا لا أتدخل في علاقتهما .....بل أحاول أن أمنع التدخلات الخارجية من طرف أمي وأوي في أمرهما ...

كيف كانت علاقتكم من كنتم مغتربين

وليش ما تعمل مثل زوج اختك و تبعد انت كمان بمدينه ثانيه

الى ان تكبرو وتعقلو وتركزو

__________________