المشاركة الأصلية كتبت بواسطة Crestalla

نعم يا هاله ضعف الحيوان المنوي يسبب جنين ضعيف معرض للاسقاط
يعني اللي حصل رحمه من ربك لانه الجنين يمكن كان مشوه او بوه عيب

الحمدلله رب العالمين


لا تكدري على نفسك وتقولي ابني كمل ثلاث سنين وماعرف ايش وزهقان
ليش قاعده تجلدي حالك؟؟ انتي عارفه انتي كانك ماسكه السوط وبتضربي على ضهرك منك ومن نفسك محد بيضربك انتي بتضربي نفسك كل يوم وتعذبي نفسك كل دقيقه ومش شايفه الجانب الكويس من اللي حصل؟؟

حتقولي وين الجانب الكويس اللي حصل ؟؟

انا رح اوضحلك تفاصيل الصوره بما اني خارج الموضوع وبنظره من خارج الاطار

انتي يا ستي قلتي انه الحيوانات المنويه كانت صفر صح؟

وبعد العلاج بشوي حملتي ( رغم انه نزل) لكن حملتي وحصل تلقيح

هذا ايش معناته؟؟؟؟

معناته انه نسبة الحيونات المنويه في ارتفاع لدرجة انه لقحت بويضه هو صحيح حيوان منوي ضعيف بس لقح احسن من (صفففففففففففففففففر) مليون مره ..وهذا ان دل على شي فهو يدل على انه زوجك بيستجيب للعلاج كويس والمساله مسالة وقت بسيط حتى يرجع الوضع طبيعي ..

الله يجزيك الخير نبهتيني لنقطة كنت غافلة عنها

وياشيخه انتي بغربه صدقيني انه احسنلك يكون ولدك اكبر شوي ومعتمد على نفسه انتظم بالمدرسه لانك بغربه زي ما قلتي محد رح يشيل عنك شي ولا احد قلبه عليكي صدقيني انه ربي مختارلك الافضل والاريح لك وبكره تتذكري كلامي
عارفه لما تحملي المره الجايه ان شاء الله رح تقولي يااااااااااااااااااااااااااه ربي رحيم عليا واعطاني الحمل بالوقت الصح المناسب...

ان شاء الله ياكريستالا الله يسمع منك

بجد صدقيني الحمل والوحم بوجود طفل صغير صعب صعب خصوصا بغربه طبعا حتقولي اشمعنى انتي يا كرستاله حقولك لانه انا ظرفي غير ولازم اجيب ورى بعض اذا الله اراد لانه عمر زوجي مش صغير لذلك مضطره وكمان فوق كذا ارادة ربنا غصبن عن الكل..

لا صدقيني ياكريستالا عمري ماقارنت حالي بحدا لانه كل انسان وظروفه الخاصه فيه....الله يقويك ويعطيك القوة والعافية ويخفف عنك ويرزقك ذرية صالحة سليمة معافية بارّة تكون ذخر للإسلام والمسلمين يارب.



المهم ما ابغاكي تفكري بالسلبيه هذي وتقعدي تحسبي عمر ابنك كانك بسباق مع الزمن
بعد عشر سنين مش رح يفرق لو ولدك انولد عام 2011 او عام 2012 صدقيني

واذا عالناس ما بيملى فمهم غير التراب اذا سال احد قولي نبغاه ينتظم بالمدرسه وانه زوجك مش بيحب دوشة البيبيات .. لا تبيني انك ضعيفه او مشتهيه الحمل وانا لو منك كان فهمت الناس انه الحمل هذا اللي راح اصلا كان بالغلط يعني حمل مش مخططله وما سعيتوله عشان لا يقعدو يزعجوك كل شهر..

صدقيني انه انا ما ببيّن للناس اني بحاول احمل.. كل مرة بطلع بقصة لكن لما الناس يتقصدوك..ساعتها حسبي الله وكفى.


اسفه طولت عليكي لكن حسيت انك محتاجه شحنه من التشجيع والتفاؤل ..