ما سبب ذهابها لصديقتها ؟؟؟؟

مثل ماتفضلت ماهمك المال كثر ماهمك الثقه والأمان مع هذه الأنسانه ..

طيب انت سوي خطه تحفظ ماء وجهها لو كانت هي اللي سرقت المال لأنها ماتقدر تعترف لا تحشرها تعترف صعب عليها لو كانت هي اللي اخذتهم .. قولها مثلاً .. باقي السطح انا مادورت فيه .. او المكان الفلاني انا مادورت فيه وانا خلاص انقرفت ماني مدور .. روحي انتي دوري لعل وعسى تلاقينهم بديت اظلم العمال اللي في العمل عندي .. قول انا احوس في البيت في كل مكان ادخل واطلع يمكن اني "خبيتهم من حرصي عليهم في اي شيء وانا ناسي ..روحي انتي دوريهم .. و اطلع من البيت وقت طويييل وخليها في البيت .. يمكن تكلم صاحبتها وتقول لها بليز خلاص رجعيهم لي قبل لا يرجع زوجي للبيت ... انت خليك يوم كامل تحجج قول معزوم وبعدين بأزور اهلي ..الخ علمها برنامجك علشان تتطمن انك حتجلس وقت طويل ماراح ترجع للبيت ..
وخليها تدور هي ... شوف يمكن تطلعها لك وتقول .. تراك ظلمتني ! لقيتهم هنا !! ... وسوي نفسك غبي معليش وقول صحيح انا مادورت هنا ... شكرا انك لقيتيهم ... ولو قالت لك مالقيتهم ..ارجع في نفس المكان اللي قلت لها انها هي تدور فيه .. يمكن تبيك انت تدور وتلاقيهم بنفسك ...

والله احنى سوينا هذي الطريقه مع الشغالات لمن سرقوني مره ونفعت ورجعوا الفلوس المسروقة .. وادعي ربك ياجامع الناس ليوم لا ريب فيه رد لي ضالتي ..


وبنفس الوقت .. انت راجع نفسك لا يكون طاحت منك في المسجد مثلا او احد سرقها منك وانت تصلي او او او ..الخ
لا تكون ظالمها وانت ماتدري ..

اخي الفاضل ..الله يهدي بينكم الامور لو ماحسستها انك فاقد فلوس وتارك الموضوع بعد فتره تصرفت افضل بواجد من ان الموضوع طلع بين اهلها هذي مو حلوه بحقك انسى الفلوس وخلها ترجع لبيتك وكن شي لم يكن وحاول تدرس تحركاتها عن قرب وشوف وش اللي يب يصير افضل حل لك

طبعا ماراح تعترف...مستحيل لانها خايفه منك..وخايفه لاتنعدم ثقتك فيها..

بس انا عندي لك اقتراح...لما تروح للشغل اتصل في زوجتك وقلها...ممكن تدوري الفلوس تحت مرتبة السرير..لاني اشك اني حطيتها هناك ونسيت..وقلها..دوريها الحين وردي علي لاني مره حطيت فلوس تحت السرير ونسيتها واتذكرت بعد سنه ..
انا متاكده لو الفلوس مازالت عندها ومااعطتها احد ولاتصرفت فيها ..اكيد بتطلعها وتقلك لقيتها تحت السرير..
اما اذا تصرفت في الفلوس.واعطتها صديقتها.ماراح تفيدك هذي الخطه بشي..بس ان شاء الله ماتكون تصرفت فيها

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

أشكر كل من مر وعلق دون إستثناء وحفظكم الله على تواجدكم ومقترحاتكم ونصحكم

إخواني أكتشفت أن حتى مالها قد صرفته ومن هنا يتضح أنها أخذت من المال الذي كان معي وأكملته بمالها ومن ثم لاأدري أين ذهب كل هذا المال هباءً منثوراً

المشكلة الأكبر أن هناك شرخ كبير في داخلي وتغيرت نظرتي عنها 360 درجة واصبحت لاأثق فيها ولاأئتمنها علي شيء وأشعر أنها طعنت في ظهري وخذلتني وفوق كل هذا كلمت أهلها وحاولت أن تسيء إلي وقامت بعمل هذه التمثيلية كلها

ولم أعد أشعر بالراحة النفسية كماهو في السابق وأشعر بالضيق كل يوم وأشعر بالألم كل يوم وأسأل الله أن ينصفني منها فأنا لم أسامحها ولن أسامحها. وليس همي المال. همي الصدق والصراحة والأمانة والإعتذار لكي أشعر بالإرتياح تجاهها وأسامحها بداخلي

عدنا لطاولة الطعام سوياً ولكن الشرخ باقيٍ وهو شرخ كبير للأسف وقد قلت لها مهما حاولتِ فأنت من أخذت مالي وللأسف هو هذا ماحدث فعلاً رغم إنكارها

أخي الله يعوض عليك....
كان عندي شك من اول ماقلت انك بتكلم الشرطه واختلقت المشكله وقالت لاتجي البيت! كل هذا تشتيت لفكرك عن البلاغ
ان شاء الله انا مانظلمها... العلم عند الله

لكن شف كلام الأخ/الأخت بحر العطاء واقرأه اكثر من مره وخصوصاً آخر جمله....
الإنسان عندما يكون تحت ضغوط يتصرف تصرفات على غير طبيعته ويصدم اللي حوله لأن ما احد يدري عن قوة تلك الضغوط اللي يمكن تصل به لحد التهور

نصيحتي تطلب الله العوض واهم شيء تتأكد فلوسك لمين راحت!!!

كانت لي زميلة تحب المظاهر جدا ..
رغم توفر كل جديد وجميل استدانت مبلغ وقدره من أجل مظاهر لا تقدم ولا تؤخر لحفل زفاف أختها..
لم تطلب من زوجها لعلمها المسبق بالرفض..(لأنه موفر لها كل شي وطبيعي سيرفض المبالغات)
مرت الأيام وهي محرجة ممن استدانت منهم فاضطرت لسرقة المبلغ من مال زوجها..على ان تعيده دون علمه..
الزوج اكتشف,,سألها أنكرت وبشدة,,,حلفت,,........الخ.

المهم

مرت الشهور وفي لحظة صفاء صارحت زوجها بأنها هي من أخذت المبلغ من اجل اختها كانت محتاجتهم ضروري..
وألفت كذبة لحاجة الأخت.

أقول إذا كانت زوجتك ممكن يحبون المظاهر..ربما بالغت في تجهيزات العرس واستدانت..والآن لا تملك المال

والدائن يطالبها..فأخذت المبلغ من مالك على أن تعيده من مصروفهاعلى مراحل دون أن تدري!!..

الله أعلم.

اخي سوال


وش سبب ذهابها لصديقتها ؟؟؟

وليه انت سمحت لها الله يهديك ؟؟!
افرض كان المبلغ معها وعطت صديقتها ذاك اليوم انا ماودي اشتت او ازيد الطين بله
او انها ذهب لها تطلب المبلغ منها

الاهم

من هروب زوجتك يوم قلت لها عن الشرطه فشتت تفكيرك
هنا انا تاكدت !

لو انها واثقه او انها مو هي لكان قالت جيبهم لاجل نعرف من الصادق

وصديقتها بتلك الايام هل دخلت بيتكم لو زياره حتى !

__________________
اللهم فرج همي وهم كل مسلم ...

انا احساسي الموضوع ابعد من كذا

ماتوقع صديقتها محتاجه 20000 الف

انت لازم تبحث عن المووضوع وتعرف اين ذهبت ليس لانها سرقت الفلوس ولاكن الى من اعطتهم اياه

ممكن سوال

هل تثق في زوجتك انت ؟

أخي الكريم
الله يعينك ويصبرك ومافيه اقسى على الزوجين من خيانة الأمانه وخصوصا الزوجه
لانها مستأمنه على بيتك ومالك وعرضك فكيف من يسرقك زوجتك
مافي غير حل واحد
تقولها تروح بيت اهلها الي ماتلاقي الحرامي لأنو البيت معاد فيه آمان وانت خايف عليها
يمكن تراجع نفسها وتعترف ..ان شاء الله يرجع لك المبلغ ...المال الحلال مايضيع
واكثر من قولك حسبي الله ونعم الوكيل وعلى من مسمع منها ممكن تتاثر وتخاف من عقاب الله

__________________
العـمـر ذآ..فآنـي ولا شكـ ..تــدرون!لآبد أصير بيـوم . [ذكـرى قـديمـه!!تـكـفوـون لآمن غبت يا إخوان تدعون!!يآآرب ترزقـهـآ الجنان .. العظيمـه!!