امممممم اختي اصعب حكايه ما ودي اطول الموضوع بس عشان الاعضاء ما يملون منه
بس تدرين انا السالفه لازم اقولها لك عشان احطك بالصوره لاني كذا ما خليتك تفهمين علي ,, شوفي غاليتي

انا مرتين رحت لهم او ثلاث ماني متذكره زين بس كان في البدايه زياره نبارك لهم فيها بالبيت ومثل ما تقولين ترحيب فيهم من باب الذوق والا انا ماني عارفه ان عندهم اخوان او اني اكون اخطط لشي معين

اخته الكبيره تقريبا عمرها 30 او اقل طلبت مني رقمي وصارت ترسل بالمناسبات تبارك برمضان مثلا او تهنيني بالعيد يعني في المناسبات وصارت تكلمني وتتطمن علينا من فتره لفتره

هم عندهم خبر من اول ما جو للحاره اني مخطوبه وسبق وسولفنا في الموضوع بعد ما عرفتها زين وقتها كنت زايرتهم من قبل يعني امون شوي عليها فتحت هي موضوع خطوبتي وقلت لها ماني مقتنعه ومن الكلام هذا يعني عندها فكره هي اني ماني ناويه استمر يعني من ناحية اني انا افتح قدامهم الموضوع مستحيل

سألوني كان بها ما سألوا معناها مو مهتمين كل الامور راح تتضح بمجرد جيتهم عندنا ان شاء الله وانا طبعا راح اعلمكم اي شي يستجد بالموضوع لاني اشوفكم متفاعلين مع المووضوع ربي يخليكم

وبالنسبه لتأثير الووحده على زوجها نادرا ما يكون لها تأثير والادهى والامر لو انتكس الواحد عسى الله يصلح كل شباب المسلمين ويهديهم

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )

انا فكرت انهم اول مراا يلتقو فيك ,,,
اختي الله يكتب لك الخير في كل شي..
واأي شي يستجد بالموضووع خبريناا,,,الله يووفقك ويسعدك ياارب وبنآت المسلميين,,
بأنتظار جديدك..

__________________
[SIGPIC][/SIGPIC

لا لا ,, فيه معرفه سابقه
الله يكتب لنا ولكم الخير في كل امر من امور حياتنا

وان شاء الله راح اتواصل معكم واخبركم باللي يصير اول بأول

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )

أختي أمل

متابعة معكم و متحمسة ^_^
بس ربي يكتب لك الخير إن شاء الله

السلام عليكم ...

بداية اختي اعلمي اني احببتك في الله واتمنى معرفتك .. ولو اعرفك ولي اخ لخطبتك له بدووون تردد .. ما شاء الله تبارك الله ..

ثانيا : سأطرح لك تجربة زوجي المشابهة لتجربتك لتتعرفي على نظرة بعض الرجال لهذه المواقف ..
يقول زوجي ان صديقة أخته في الجامعة طلبت منها الزواج من اخوها ... واخته بدورها فاتحته في الموضوع وهو واااااافق ..يقولك انه وافق لأنها شاريته واللي يشتريني ما ابيعه وهذا الكلام لزوجي ... وفعلا تقدموا رسمي وخطبوا البنت وما بقي الا الملكة وفي اااااخر لحظة البنت تراجعت سبحاااااان الله ..

ثالثا : نصيحة مجرب الحي بالدعاء في كل وقت ... سبحانه فارج الهم والكربات ... اخلصي نيتك في اسباب رغبتك بالزواج من هذا الرجل وسيسوقه الله لك سوقا ان كان فيه خير لك ..

رابعا واللي كان مفروض يكون اولا : استخيري من الآن فيه حتى لو ما صار شي ترى لها تاثير عجيب سبحان .. ولو ما صار نصيب تاكدي مليون المية انها خيرة خفية من رب العالمين اللي اعلم بمصلحتك منك ومن امك واخوك ومن كل الناس ..

وختاما الله يسعدك ويرزقك بابن الحلال اللي يستاهلك ويخاف الله فيك

دمتي في حفظ الرحمن ،،،

فديتك والله ربي يكتب لنا ولكم كل مافيه خير مشكوووره ما قصرتي بس لا تتحمسين كثير مثل اختنا اصعب حكايه ههههه الله يوفقها متحمسه من قلب

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )

عليكم السلام ورحمة الله وبركاته
اختي رسيل احبك الله الذي احببتيني فيه اشكرك على الاطراء ان شاء الله اكون عند حسن الظن

سبحان الله القصه غريبه هي بدأت بالموضوع وبادرت وتمنت الارتباط به وفي الاخير تتراجع سبحان الله فعلا الزواج قسمه ونصيب ومالهم نصيب في بعض


وهذا اللي اتمناه ان الله يشرح خاطره لي او خاطر اللي افضل منه ويسوقه لي لان عندي قلق من ناحية الاختيار خايفه ما يطلع مثل ما اتمنى واجلس الوم نفسي طول العمر

عسى الله يقسمنا في الطيبين ويعطينا على قد نياتنا

الله يسعدك على الكلام الحلو كلامك يطمن ومعك حق في كل كلمه قلتيها الخيره فيما اختاره الله وراضيه بكل ما يكتبه لي رب العالمين لان اكيد فيه خير


اللهم امين الله يسمع منك ويرزق كل انسان ما يتمنى

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )

لكل من تفاعل معي لكم الشكر الجزيل على مشاركتي همي والادلاء بآرائكم التي استفدت منها بشكل كبير جزاكم الله كل خير ووفقكم في الدراين

حبيت اوضح للي حرصوا على تطورات الموضوع ان الموضوع ما استجد بأي شكل من الاشكال كل ما حاولت القى حل اجيبه يمين يسار مافي فايده ,, كل ما اقول بديت اتقدم خطوه ارجع لورا مية خطوه

في اليوم اللي قررت اني اكلم بنات الجيران واعزمهم في البيت دقيت على البنت عشان يزورونا قالت لي ياليت والله نجي بس بكره مسافرين .. طيب سافروا ,, وراح يرجعون بس متى يرجعون لما نكون احنا بدينا نرمم البيت وما راح يخلص الا بعد شهر او اكثر الفتره هذي ما نقدر نستقبل احد واحتمال نطلع من البيت مره وحده
قلت الحين بيخلص القلق والتفكير في هذا اللقاء المبهر لقيت مافي نهايه للقلق والهم

عيا الحظ ما يضبط معي كل ما اقول بتفرج اشوفها تتقفل بوجهي اكثر والله انا منحوسه او دعوه صابتني كل يوم اسمع عن ناس بنات واولاد وناس كبار تجيهم اخبار تفرحهم ما شاء الله عليهم ما احسدهم والله يزيدهم من النعيم اكثر واكثر بس انا ما جاني خبر يسر لا وظيفه ولا زواج ولا تسلسل الاحداث الحلوه اللي تصير بعد الزواج من سكن بيت جديد وحمل واطفال ولا شي وش بقى من العمر من يضمن انه بيعيش ربع اللي راح .. خلاص مليت وانا اصبر نفسي بكلام كلنا عارفين اننا نصبر انفسنا فيه وبس ( انتي باقي صغيره .. ومااشتد الحبل الا وانقطع .. ونصيبك راح يجيك .. اطلعي خلي الناس يشوفونك .. اشغلي نفسك باي شي .. الف واحد يتمناك بس اصبري .....) طيب وبعدين والنهايه

والمصيبه الناس اللي احبهم واحطهم بعيوني هم اللي صاروا يعايروني شافوني ما اهتم لكلام الناس اللي برا قالوا احنا نخليها تهتم ونسمعها كلمتين زي السم .. قسم بالله حتى الاطفال تكلموا عيال اخواني اشوف في نظراتهم علامات تعجب بنت اخوي عمرها 6 سنوات امس تسألني انتي ليه للحين ما تزوجتي وليه ما عندك عيال مثل ماما < ناقصتها انا طبعا
قالت انتي ماراح تتزوجين اذا صرتي عجوز , بس لازم اول شي تكبرين شوي وبعدها راح تتزوجين ( لا والله طمنتني رفعت معنوياتي الصراحه )
لا وقبل فتره اختي الصغيره باول ابتدائي انا امها طبعا انا اللي اهتميت فيها وربيتها ودللتها اخر دلال وحطيتها بعيوني في الاخير حصل سوء تفاهم معها قالت روحي اطلعي من البيت المفروض انك متزوجه مو عندنا في البيت ؟؟ ؟؟ وش اسوي طيب انتحر مثلا

والله شي يقهر وجهي ماصار شي قدام زوجة اخوي انثبرت وقتهاورحت غرفتي والكلمه تصقع باذني للحين
متضايقه مره والاحداث اللي صارت تراكمت وبديت ادقق على اللي صار

اللي زادني قهر ان محد يسأل ولا احد يهتم الكل مشغول بنفسه وعياله وانا ما علي خلاف
والله ما اذكر متى اخر مره طلعت فيها من البيت اقول بكره بيجي اللي يعوضني بس مدري وينه الظاهر جاي بالطريق بس ياخذ نفس استراحة محارب
سامحوني بس والله ما عاد اطيق الوضع هذا ابغا افضفض قبل ما انفجر

وش اقول وش اخلي يمكن العوض في الآخره خير من الدنيا ومافيها
الله لا يجعلني من اليائسين والله لا يواخذني على الكلام كل اللي املكه هو املي في الله انه ما يخيبني ولا يطول انتظاري اكثر

اتمنى من مشرفات القسم غلق الموضوع ونقله لأي منفى

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )

السلام عليكم ورحمه الله وبركاته

حبيبتي اموله ربي يرزقك ويوفقك ويكتبلك الخير وين مكان ويرضيك فيه سواء مع ولد جيرانكم او غيرة اهم شي ربي يرزقك الصالح الى يخاف الله فيك ويعينك ويقويك على الطاعه


حبيبتي اقولك شي ذكرتيني بنفسي
يمكن لو ترجعين لموضيعي اول بهالقسم غير تضحكين على
لكن الحمدلله كما ينبغي لجلال وجهك وعظيم سلطانك الى ربي وفرجها علي ورزقني بالزوج الى احسسبه والله حسيبه انه من الطيبين الحمدلله
والغريب بالموضوع عشان تعرفين انه لكل شي ميعاد وكل وحدة ماتاخذ غير نصيبها
انه طلع من عيال خالي وانا كل هالعمر قدمهم شفتي وشلووووووووون كل هالعمر انتظر شيخ الشباب وطلع من عيال خالي ومن انا نونو اعرفهم
والله يالغاليه نصيبك ورزقك غير يجيك وغير ربي يعوضك خير تطمني واستبشري خير


الله يالغاليه يرزقك الزوج الصالح التقي النقي عاجلا غير اجلا

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

اختي امل..
وضعي مطاابق لوضعك بنسبة 99,9%,,
كنت اتضاايق وازعل لان صاحباتي كلهم تزووجو ما بقيت الا انا برااسي,, رااحت وحده من صاحباتي وقريبة مني جدآ وكلمت لي خطاابة مع اني مو مقتنعه بالفكرة ابدآآآ,, لكن قلت نسعى ونبذل الاسبااب,, وبعد فترة اتصلت صاحبتي وقالت لي فيه عريس مواصفااته كذا وكذا ,,قلت لها اوك ,واخذت رقم اخوي على اسااس تعطية الرجال ويكلم اخوي, وكنت متردده وادعي الله ان كان فيه خير لي ييسره وان كان فيه شر يبعده عني ويرضيني بالأفضل منه,, وسبحان الله ما ارتحت وقلت لها الغي الموضوع وخلآص انا رااضية ومقتنعه بالي ربي كاتبه لي,,
والآن كل الي اسويه اني ادعي واستغفر كثير اكثر من 1000 مرة واقوم الليل وادعي ان الله يرزقني بالزوج الصالح, والله يشهد اني ما نسيتك ولآ نسيت اخوااتي في المنتدى بدون ذكر اسماء عشان محد يزعل
وخلآص ريحت رااسي من ذا المووضوع , ونصيبي بآخذه لو صار عمري 40 سنه
رووقي وفلي النوونة وخليك مثل معرفك((آمـــــل)) واحسني الظن بالله وربي يكون معك..
وش نسوي يا اختي اذا هذا قدرنآ ومكتوب علينا,,
عن ابن عباس ضي الله عنه

قال:كنت خلف النبي صَلَّى اللَّهُ عَلَيْهِ وَسَلَّم يوما
فقَالَ
:يا غلام إني أعلمك كلمات
احفظ اللَّه يحفظك،
احفظ اللَّه تجده تجاهك،
إذا سألت فسأل اللَّه،
وإذا استعنت فاستعَنْ باللَّه،
واعلم
أن الأمة لو اجتمعت عَلَى أن ينفعوك بشيء
لم ينفعوك إلا بشيء قد كتبه اللَّه لك،
وإن اجتمعوا عَلَى أن يضروك بشيء
لم يضروك إلا بشيء قد كتبه اللَّه عليك،
رفعت الأقلام وجفت الصحف>
رَوَاهُ الْتِّرْمِذِيُّ وَقَالَ حَدِيثٌ حَسَنٌ صحيح

اعتذر عن الاطاله اختي,,وكتابة موضووعك فيه خيره,يكفي ان عرفتك اخت طيبة وعزيزة ولن انسااها من دعائي..

__________________
[SIGPIC][/SIGPIC