حل الموضوع في أمرين :

__________________
الحمدلله الذي بنعمته تتم الصالحات

اختي حابه ارد عليك .. واللي يخوفك يقول ليه تحطين هالموضوع .. غريب عالم نت محد يعرف ثاني والقصص مشابهه وماهي اول قصه نهايتها كذا

فلاتوسوسين نفسهم

اختي

البنت غلطت وصارحت زوجها غيرها يجارون الموقف ويطلعون وهن متزوجات ويدعن الشرف يستطيعن التمثيل ماحب افتح باب للشك و كل شخص الله اعلم بنواياه

فهي يمكن احسن من غيرها والله غفور رحيم يحب توابين

فليش ماتغفرون لشخص وتعاونونه على توبته ولابس فالحين بالشماته ونصايح والتشهير

اول شئ هذا الشخص يشتكى عند الهيئه

ثاني شئ سهام الليل تصيب تدعي الله يكفيها شر هالشخص
وزوجها تدعي يردها لها وتبين انها من باب احترامها له وثقتها فيه علمته لانه ماحبت يسمع من هالشخص وتهديده

لان لو خوفها تهديده سكتت لكن ماهمها ولاجارت الموقف معه فعرفت انها بتنكشف احسن لها ولاتجاري فكان من طرفها احسن يتقبل الموضوع ولامن هالمخادع حتى ماتجرح زوجها

الله يعين وهذا المبتز الطريق اللي يبتزهم عن طريق رقمه تتفق مع الهيئه البنت اذ كانت قويه ويعملوله كمين

ويمسكونه واذ عرفت عنوانه او اسمه كامل تحاول البنت بنفسها تروح لبيت اهله وتصور احد خواته او حريمه باي مكان

وكمان تدين تدان

لان هالنوعيه ماتنتهي واذ حاب يفضح يفضح اهله اول

نوع الضعف ماينفع هالزمن لابد يكون قوي ويتخذ موقف



والعلم عند الله

مرحبا طفلة الماضي..

كلامك الذي قبل ما اقتبسته من ردك حلو و جميل ....

لكن التشهير بأحد من أعراضه و حريمه غلط ، ( إن الذين يحبون أن تشيع الفاحشة في الذين أمنوا لهم عذاب أليم ) الآية.

لا نعالج الخطأ بمثله أبدا..

و جملة (كما تدين تدان) المقصود بها كما تتجنى على الأخرين سيوكل الله من يتجنى عليك ، لا أن على الناس من باب العقوبات أن يتجنوا على الجاني .

( ولا يجرمنكم شنئأن قوم على أن لا تعدلوا اعدلوا هو أقرب للتقوى)

فهمي جملة خبرية لا إنشائية بارك الله فيك

شنو تصور اختة ؟؟ انتم صاحييين !!
لا وربي منتم بصاحيين ولا فيكم ذرة إنسانية

شنو ذنب اختة اذا كانت شريفة ؟؟ البنت اللي صعبانه عليكم كلكم وحاطين قلبكم عليها وادورون لها حلول هي اللي سلمت روحها للولد بإرادتها وبكامل قواها العقلية ف تتحمل اللي جاها ..

لاتزر وازره وزر اخرى

واذا تبون لها حل .. خلاص تغير جميع بياناتها من تلفونات وغيرة ، واذا احد سئلها عن الصورة في حال افتضح امرها .. اذا الصورة مو فاضحة (وافهموا كيف مو فاضحة) تقول انها ماتدري عنها بس هي كانت مرسلتها لوحدة من صاحباتها وهي كلمتها وقالت ان تلفونها انسرق.

__________________
استغفر الله واتوب إليه

من منا بلا خطيئة .. وهل خطيئة الخيانة أكثر وزرا من خطيئة إطلاق ألسنتنا بأعراض المحصنات مثلا أو أكل الأموال بالباطل ؟؟ أو أنواع الشرك الأصغر من تبجيل المسؤولين وغيره ؟؟

كلها خطايا وذنوب نعوذ بالله منها ومن شرور أنفسنا .

ذكري الأم والفتاة بأن من أحبه الله محصه ونقاه من خطاياه في الدنيا فإذا وصل لدار البقاء كان نقيا جاهزا لدخول الجنة .. وما ابتلاءات الدنيا أمام عذاب النار ؟؟؟

فلتحمد الله قبل أن تطلب تفريج كربتها .. ووالله إن نعمه علينا في كل شيء ... وأرى نعمه في البلاء قبل العطايا

__________________

طمنينا عليها شو صار معها

__________________
إلهي أنت تعلم كيف حالي فهل يا سيدي فرج قريب

في ديان يوم الدين فرج هموما في الفؤاد لها دبيب

انزين البنت حاولت تفتح صفحه يديده بس اللي كانت متعرفه عليه ناشب لها نشبه و يهددها !

يعني ريلها لو كان رحيم ع الأقل بيساعدها ويكسب فيها أجر و دعوه من قلبها ! ولو ما يباها خل يردها

بيت أهلها ! غيره يبونها .. بس ما يعاملها بهالطريقه ؟ ندري انها غلطانه بس محد معصوم عن الغلط !!

الله يعينها على ما ابتلاها وحليلها وان شاء الله تنحل المشكله بدون أضرار نفسيه أو غيره : ) !!!!

الله يستر عليها فضحت نفسها وفضحت امها المسكينه وهذا انا لومكانه مابرجع لها هذا اللي جنته على نفسها واسترخصت نفسها لهالذئب البشري خلها تعيش في جحيمها اللي بنته بيدينها

والله يعين امها واللي يقول مسكينه وماافيه احد مايغلط
اقول له اهم شىء للرجال شرفه ليه اتعب على نفسي واكون نفسي واشتق واروح للعمل كل يوم وادفع مهر واخرتها اتزوج وحده مضيعه شرفها وش يضمن لي بعدين انها ماتستمر حتى لو اضمن مابرجع
ماعليش

بلااااااااااااااااهم الرياييل مستوغدين !!!!! حشششى محد يساامح و محد يعفو ..!!!

اذا رب العالمين يتقبل توبة عباده !! .. شحقه نحن ما نسامح ؟؟؟

ويكفي انها صارحته وقالت له كل مشكلتها من طأطأ لين السلام عليكم !!!

يعني كانت تباه عون طلع فرعون !! هاي يزاتها ؟؟ غامضتني البنيه ...

.. ورب العالمين يقول " خير الخطاؤون التوابون " و هذا يدل على انه الخير فيها !

وهي لو كانت خبيثه جان واصلت هالعلاقه من ورا ريلها بدون ما يدري !!! صح ولا لا ؟؟

قسم بالله تفكير بعض الرياييل غبي !! ما أتوقع فيه ( ريــــــــــال ) بالمعنى الحقيقي لهالكلمه
.. انه يشوف بنت مكسووره ومايساعدها ...! وحليلها ما عندها اخوان .. خل يكون لها الأخ و الأب !

يعني الشاب الثاني عارف انها مالها حد يوقف وراها غير امها وهو من النوعيه اللي يستقوون ع البنات وبس!!

والله سبحانه رزق هاي البنت المسكينه بالزوج ! يعني الأمور ما تي عبث اكيد فيها حككمه ! وبما انه ظرف البنت لا ابو لا أخ وهو موجود ف حياتها ! ف المفروض يكون لها مصدر فرررجججج !!!!!

رب العالمين كتب له نصيبه ويا هالبنت .. ووااااااااااااضح من ردة فعله انه قاسي !

المفروض ع الأقل أقل شي يسويه انه يساعدها وبعدين كل واحد فيهم يروح بحال سبيله !!
هذا هو التصرررف الصصصح .... يعني هي لو كانت بتخش وبتدش عنه جان ما قالت له السالفه !
واضح انها تبغي تفتك من هذاااك الثاني و تستقر ويا ريلها .. وهو عافانا الله مب متفهمممم !!!

وبعدين يمكن يكون ابتلاء من رب العالمين للزوج ! ...محد يعرف يمكن هو فماضيه جرح
وحده من البنات !يعني هالشي ما إيي من عبث .. اكيد فيه حكمه من رب العالميين !!

خلونا نكون ( منطقيـيــــن ) شوي !! انا ما أطلب انكم تعاطف منكم ... بس لو هو ريــــااال بالقول والفعل!
جان ماخلا البنت جي مكسوره ! ع الأقل يسااعدها ويفج همها ويكسب دعوه منها ومن قلب امها ولو ما يباها
خل يطلقها محد غاصبنه انه يتم وياها !!يعني اذا هو قد كلمة ( ريـــال ) جان ما خلاها تلجأ للهيئه أصلا !

والشباب لو جافوا وحده مايعرفونها بيموتوون ويساعدونها فمابالكم لو هاي زوجته !
أخير لها الصراحه ^.^ أكره هالنوعيه من الرياييل ! والله تفكيييير منطقي ماااااشي

عااد محححد رده يبرد ع القلب غير اخوي " صاخب جداً "

وربي قله قلييييله اللي مثلك .. و عسى ربي يكثر من امثالك ..

وهذا نمووذج من اللي أقصد ^__^ .. تصرف واعي و صحيح ..

مهما بلغ خطأ البنت المفروض يساعدها .. هو مب مجبور إنه يكمل حياته وياها ..

بس لو فيه ذرة شهامه ! جان ما طاوعه قلبه انه ما يمد لها يد المساعده والعون ...

أتمننننننننننننننننننننننى تكونون فاهمين قصدي ..! انا ما أقول " عادي اللي سوته "

بس يالسه أحط حل جذذذري .. المفروض يكون الفيصل لهالسااالفه اللي ف ساعه ممكن تنحل !

بس كلن يشوف الموضوع من زاويته وانتوا احرار ! بس من الأخيييير ... الحل هو انه يساعدها

و يجوف حياته ويا غيرها لو مايباهاا :* ومن فرج كربة مسلم فرج الله عليه كربه من كرب يوم القيامه ..

وغير جي ماشي حل ^_^