الله يعطيكم العافية على ردودكم الطيبة
وإن شاء الله كم يوم وراح تشوف الموضوع بعد ما تسوي إيميل
وكل تأخيره بإذن الله فيها خيرة وأنا ما أبي أضغط عليها أو أصادر حقها بالأختيار
وكنت ساكت أكثر من 6 سنوات بس لما حسيت أن صمتي راح يحرمني منها حبيت
أوضح أشياء في نفسي وقد يكون من الأفضل عدم البوح بها بس أنا مو ندمان
على أي شيء كتبته بالموضوع ..والله يكتب لنا إلي فيه الخير

ماشاء الله تبارك الله كم هي محظوظه بك ياحبر سائل لو وافقت عليك
الله يكتب لكم مافيه خير وصلاح ويجمعكم في بيت واحد سعداء ويرزقكم الذريه الصالحه بأذنه تعالى .

__________________

ماشاء لله ..
الله يحقق أمنيتك ويجعل بها كل الخير..
أخي في الآونة الأخيرة الناس اتصالها بالإيميل ما هو قوي يمكن تتم كثير ما تفتح الإيميل خلها ترسله لها واتس أب >> ذكرت كأنك قلت إنها ما عندها جوال !
طيب لو طولت ما ردت >>>> لازم توصلها حقيقة مشاعرك حتى لو إختك تقولها مباشرة لها ..
وثق مهما كانت النتائج فهي الخيرة لك ..

__________________
{ اللهم صلي وسلم على محمد وآله وصحبه تسليما كثيرا }

أختي (عروسة المستقبل)
لا تنسي حديث الرسول عليه الصلاة و السلام : (( إذا أتاكم من ترضون دينه و خلقه ، فزوجوه))
تأكدي من دينه ،، تأكدي من خلقه ،، فإذا أرضاكي دينه و خلقه فلا تفرطي فيه بسبب عمره ،،
اصعب ما في هالدنيا إنك تلقين من يحب و يتقدم ليعف نفسه بالحلال ،،
محد يقدر يجبرك أو يضغط عليكي بإنك توافقي على حبر سائل ،، بس العمر مو سبب كافي للرفض ،،
أنا الحمدلله مخطوبة كنت من سابع المستحيلات اتخيله زوجي و شريكي ،، ما أنكر إني كنت معجبة بأخلاقه ،، أول ما أهلي خبروني انه خطبني قلت مستحييييييل لااااااا صغيرررر كيييييف اقعد اربيييه ،، كنت نوعًا ما ساذجة بجوابي ،، بس لما سمعت بقصة حبه و إنه كيف كافح أهله عشان يخطبني و إنه كان يقول لهم اذا ما خطبتوها لا تلوموني إذا خذتلي اي وحدة من الشارع!! قعدت اتابع بعض مقابلات الدكاترة الفضلاء مثل دكتور طارق الحبيب و دكتور جاسم المطوع عن اختيار شريك الحياة و بصراحة لقيته هو أكثر المتقدمين لي كفاءة يعني التكافؤ الاجتماعي و الديني و المادي و غيره جدًا قرييييب ،، بعد الاستخارة ما لقيت سبب كافي لأني ارفضه مع إني كنت كليًا معارضة فكرة الزواج برجل أصغر مني ،، و الله ما أكذب عليكي الكل يحسدني عليه و على طيبته و حبه لي ،، حتى أنا الحين صرت أحبه الحمدلله
في النهاية القرار قرارك و محد يقدر يجبرك بس عطي نفسك فرصة فكري فيه و في أخلاقه و حبه
الله يوفقك و يوفقه و يكتب لكم اللي فيه الخير ،،*

اختي فرصة لاتضيعينهااذا كان فعلا يستاهل وبعدين تندمين و تعضين اصابع الندم الناس الله يرحم حالهم

ما ينفعونك بشي . والله انا ندمت على للي رفضتهم بسبب العمر

اختي العروسة بإذن الله ننتظر ردك وكل يوم نتابع من اجلك ....اتمنى انه تنظرين لنفسك ومصلحتك قبل ان تنظري للمجتمع وعاداته التي لم ينزل الله بها من سلطان ...وان كان لك وجهة نظر مخالفه ارجو ان تطرحيها هنا وتشاركينا بها وتاخذي بالاراء المناسبة لك .. مع انه نظن اخونا حبر سائل عريس متميز واضيفي على ذلك حبه لك وتمسكه بك ..اسأل اللله ان يكتب لكم الخير اين ماكان ويرزقكم من واسع فضله

المستجدات

أولاً أشكر جميع المشاركين والمتابعين والله يجزاكم ألف خير

من أسبوعين إلى اليوم ولسى كل يوم عذر.. يوم ما في أيميل
ويوم مافي نت ويوم مشغوله.. المهم الموضوع أخذ أكبر من حجمه
وإذا كان موضوع زواجي منها مو مهم فهذا شيء راجع لها وأنا بصراحة ما أبي أدخل حياة زوجية
مع وحدة ما تكون متحمسة للأرتباط بشكل عام والحمدلله على كل حال

المهم أنا حاولت وما بقى شيء ما سويته ..وبعد تفكير طويل بدأت تجيني قناعة بإنها مو من نصيبي
والأسبوعين إلي راحت تعبت فيها من التفكير, وأقسم بالله إني صرت أكلم نفسي بالسيارة كأني مجنون

وأمس الوالد (الله يحفظه) سألني ع الموضوع وقالي أيش صار وقلت له لسى ما صار شيء فقالي أيش
رايك أروح أكلم أبو البنت عشان الموضوع يكون رسمي أكثر..
وأنا بصراحة ما حبيت أدخل أبوي بالسالفة وخصوصاً إني حاس ردها راح يكون رفض فقلت له يومين وأرد لك خبر

وعلى طول رحت عند أختي وقلت لها إتصلي عليها وقولي لها الموضوع إنمسح ولا أي تصريفة
وقولي لها زبدة الموضوع بإني أفكر بالإرتباط فيها من فترة طويلة وإني مقتنع فيها 100%
وما أبي غيرها وموضوع العمر مقتنع فيه وإذا عندها أي سؤال تسأل وتفكر بالموضوع
(ولو هذا الحقائق ما أقنعتها فأنا بنفسي ما أبيها)
وكمان لو تبيني أزور أبوها وأخوانها لوحدي أو مع أبوي كمان ماعندي مشكلة
عشان يقابلوني ويتعرفوا علي أكثر بس أهم شيء ترد بالقبول أو الرفض ..

والحمدلله أنا ما ينقصني أي شيء وواثق من نفسي وإذا الله ما كتب لي نصيب معاها
بإذن الله راح ألقى البنت إلي تستاهلني وتستاهل إني أضحي بعمري عشانها

إن شاء الله كم يوم وأنهي السالفة عشان ما أتعب في التفكير أكثر من كذا..

الله يكتب لك اللي فيه الخير وعسى ان تكرهوا شيئا وهو خير لكم

__________________
سبحان الله وبحمده ..سبحان الله العظيم

اقتباس:

المشاركة الأصلية كتبت بواسطة حبر سائل المستجدات أولاً أشكر جميع المشاركين والمتابعين والله يجزاكم ألف خير من أسبوعين إلى اليوم ولسى كل يوم عذر.. يوم ما في أيميل ويوم مافي نت ويوم مشغوله.. المهم الموضوع أخذ أكبر من حجمه وإذا كان موضوع زواجي منها مو مهم فهذا شيء راجع لها وأنا بصراحة ما أبي أدخل حياة زوجية مع وحدة ما تكون متحمسة للأرتباط بشكل عام والحمدلله على كل حال المهم أنا حاولت وما بقى شيء ما سويته ..وبعد تفكير طويل بدأت تجيني قناعة بإنها مو من نصيبي والأسبوعين إلي راحت تعبت فيها من التفكير, وأقسم بالله إني صرت أكلم نفسي بالسيارة كأني مجنون وأمس الوالد (الله يحفظه) سألني ع الموضوع وقالي أيش صار وقلت له لسى ما صار شيء فقالي أيش رايك أروح أكلم أبو البنت عشان الموضوع يكون رسمي أكثر.. وأنا بصراحة ما حبيت أدخل أبوي بالسالفة وخصوصاً إني حاس ردها راح يكون رفض فقلت له يومين وأرد لك خبر وعلى طول رحت عند أختي وقلت لها إتصلي عليها وقولي لها الموضوع إنمسح ولا أي تصريفة وقولي لها زبدة الموضوع بإني أفكر بالإرتباط فيها من فترة طويلة وإني مقتنع فيها 100% وما أبي غيرها وموضوع العمر مقتنع فيه وإذا عندها أي سؤال تسأل وتفكر بالموضوع (ولو هذا الحقائق ما أقنعتها فأنا بنفسي ما أبيها) وكمان لو تبيني أزور أبوها وأخوانها لوحدي أو مع أبوي كمان ماعندي مشكلة عشان يقابلوني ويتعرفوا علي أكثر بس أهم شيء ترد بالقبول أو الرفض .. والحمدلله أنا ما ينقصني أي شيء وواثق من نفسي وإذا الله ما كتب لي نصيب معاها بإذن الله راح ألقى البنت إلي تستاهلني وتستاهل إني أضحي بعمري عشانها إن شاء الله كم يوم وأنهي السالفة عشان ما أتعب في التفكير أكثر من كذا..

مرحبـا بك أخ حبر سايل وللأمانة كنا ننتظر ردك أو (بشارتك ) بفارغ الصبر

عموما واضح من خلال ماذكرته لنا عنها من ناحيه أنها لاتملك جوال ولا ايميل وفي هذا العصر (عصر الانفجار المعلوماتي والتقني)..أنها أنسانة حازمة يعني لها خطوط حمراء من الصعب أن تتعداها

يعني نادر جدا بنت شابة في مثل هذا الوقت ما عندها إيميل أو على الأقل جوآل
أذاكانت شخصيتها بهذه الحدة فأظن يصعب عليها تسوي ايميل عشان تقرى الموضوع ممكن أنها مالها رغبة بالايميل ولا تبي شئ يجبرها عليه أو ممكن أصلا أنها ماتعرف كيف تصنع الايميل أو تتعامل معه.

فبإمكانك أنت من يصنع لها ايميل وترسله مع اختك مع رقم سري أو أختك تشرح لها التفاصيل بشكل دقيق جدا كما نقرأه الآن..وأيضا لامانع من أن يدخل والدك في الموضوع كي تتبين لهم رغبتك الجاده في ذلك.

أخيرا توكل على الله واكثر من الاستغفار و لا تمنع أي فرصه أو اي نافذه لايصال رغبتك ومشاعرك لها
فإن تم الموضوع وسار بمسار يسرك فهو لك..وإن تعسّر فتذكر أنه لاخيرة إلا فيما اختاره الله.
فمهما حملت لها من مشاعر فربك اختار لك الخير وصرف عنك سوءا لا تعمله.

تحياتي وتقديري.

مرحبا أخي
لاتعلق نفسك وراء امال لايمكن أن تتحقق .. ف ممكن هي تشوف ان العمر شي مهم بالنسبه لها .. وبهذي الحاله صعب تقنعها
وان كان ماحصل توضيح لك علشان تفهمها من البدايه !! لأنه لو أفترضنا أنها متحمسه للموضوع كان بادرت تقرأ الموضوع او تسال اختك عنك او لمحت بشيء

عموما أنت جرب للمره الاخيرة ويمكن تتشجع إذا تكلم أبوك مع أبوها
الله يكتب اللي فيه الخير ويقدم الصلاح




البرنسيسه..

__________________
اللهم أرزقني زوجآ صالحآ تقيا نقياً ؛ وممن ترضآه من الرجال عندك ..
واحفظ لي ياإلهي (أمي وأبي) ف هم اعز ماأملك ،