أخوي La isla

ليت تقرأ ردي بتمعن ، و بدون التحيز لأي طرف ..
بما إني موظفة ، فأرفض رفض تام ( تعميمك الحكم عالموظفات ) .. راح أضرب لك مثال فقط ..
علشان ألاحظ أي موضوع فيه نقاش عن الموظفة و الغير موظفة
( على طول يقولوا ربة البيت وحدة جالسة تهتم بأطفالها ؟؟؟ )

أو على بالهم الموظفة ، وحدة بيتها متسخ و أطفالها عند الشغالة على طول ..

.
.

أنا موظفة ياخوي ..

يعني ما توظفت ، إلا و أنا متحصلة على شهادة علمية ( و فيه ربات بيوت برضو عندهم شهادات علمية عالية )
بس بأوضح لك .. إني وحدة متعلمة ، فلابد قبل لا أنظر لمصلحة المجتمع ( إني انظر لمصلحة أولادي و بيتي و زوجي )

و الحمد لله .. الشغالة جايبتها على حسابي ..
مو علشان تمسك أولادي ..

( علشان زوجي ما يبغاني امسك شي بالبيت .. و يبغى الشغالة تمسك الأولاد و أنا و هو نعيش زي العرسان )
طيب ؟؟؟؟؟

فين كلامك إنه الشغالة على حساب الرجال ؟
فين كلامك إنه الموظفة رامية أولادها عند الشغالة ؟

زوجي يقول لي ( إنت ماسكة العصاية بالعرض ، لييييش ما تتركي الأولاد عند الشغالة و تروحي تتمشي بالسوق ؟ )
بس أنا اللي أرفض

.
.

أوكي ..

نشوف حالة وحدة متزوجة و غير موظفة من مجتمعي ، عشان لا نروح بعيد ..

قريبتي ما تشتغل ، اخر مرة زوجها ترك لها البيت و غاب يومين .. زعلان منها ، تعرف ليه ؟؟؟
جايب لها شغالة على حسابه ، و سواق من جيبه ، و هي ناااااااااااااااااااايمة طول الوقت لحد الساعة 1 الظهر ..

الشغالة تصحى الساعة 8 الصبح و تنظف البيت ، و تمسك ولدها الصغير و تأكله و تشربه و تلعبه و تنيمه ..
الشغالة تقطع الدجاج و الخضراوات و كل شي تجهزه ..
تقوم صحبة البيت عالساعة 1 .. كل شئ جاهز ..

خلاص ، بس تطبخ و تحط السفرة لزوجها عالساعة 2 الظهر ..

زوجها ينام و يرجع يروح شغله بعد العصر ..
تجلس هي مع التلفون ، تتكلم عن فلانة و علانة و تنقل كلام مابين و بين .. و تتضارب مع الشغالة ووو إلخ
بعد المغرب تخرج أي مكان و تترك الأولاد مع الشغالة ..

ترجع البيت ، و تسهر لوحدها عالقنوات و الأفلام التركية لحد الفجر ..
أولادها يروحوا المدرسة بعد الفجر ، و ترجع تنام .. و تعاملها مع أولادها بس ضرب * ضرب بالسلك و العقال ..

الأولاد ، لسانهم بذيئ .. شخصيتهم مهزوزة .. كسلانين بالمدارس و المعلمين يشتكوا للأب ..

( زوجها ترك البيت يومين ، عشان يأدبها .. قال لها هذه مو عيشة ؟ )

تحسنت يومين و رجعت لحالها السابق ..

أنا عرفت ، لإني من زمان كنت ملاحظة الشي هذا و أنصحها و ما يعجبها ..
و وقت زوجها زعل منها ، دقت علي تبكي و خايفة إنه يكون أخد غيرها .. تحسنت يومين و رجعت مثل قبل

.
.

و مع كذا ، في السنة هي تسافر برة السعودية مع زوجها ( ماشاء الله تبارك الله ) للخارج ..
و البيت و كل شي على حسابه ..

(( هل لإنها تستحق الكرم أكثر من المتزوجة ؟ ))

.
.

و دحين مجرد ما جاتها وظيفة عن قريب ..

زوجها قال لها (( راتب الشغالة عليك ، مصروفك عليك ، كل شي عليك ، جوالك عليك ))

.
.

على إيش يدل الشي هذا ؟؟؟؟؟؟؟؟؟؟؟؟؟؟؟؟؟؟

__________________
من اجل التغيير الفعال لانفسنا.. يتوجب علينا تغيير مفاهيمنا اولا..

و شي أخير ..

ماحد ضرب الرجال على يده ، إنه يتزوج وحدة موظفة ..
عشان يشتكي بعدين إنها تخرج من البيت للعمل ؟؟؟

زوجي يبغى موظفة .. لإنه ما يبغى وحدة ( ست بيت )
هو كذا شخصيته .. يبغى إمرأة استقلالية ..

لكن اللي يبغى ربة بيت ، فما يتزوج موظفة و يحاسبها على وظيفتها

__________________
من اجل التغيير الفعال لانفسنا.. يتوجب علينا تغيير مفاهيمنا اولا..

أنا أئيد كلامك بحالة وحدة ..

قريبي ، تزوج وحدة شهادتها متوسطة لإنها ما تحب الدراسة ..
صرف عليها و درسها ثانوية و جامعة ، لحد ما تخرجت ..
و جامعتها بمدينة تانية ..

كان يمسك الأطفال لحد ما تخلص اختباراتها انتساب ..

بعد ما تخرجت زوجته ، و كان متحمل كم سنة و ساعدها على دراستها ..

زوجته .. جاتها وظيفة..
و زوجها ما طلب منها تساعده ، بس هي تقول لي :
( أنا ما راح أدفع قرش واحد ،، و بأحتفظ كله لنفسي .. لإنه الرجال ما أضمنهم ) ؟؟؟؟؟

.
.

هذه مثلا ..
زوجها تزوجها و هي ماهي موظفة ، و ما عندها شهادة ..
من حقه عليها إنه يمنعها عن الوظيفة ، لإنه تزوجها على أساس إنها ربة منزل ..

و بعدين هذه اللي ممكن نسميها بخيلة .. و ما تقدر المعروف ..

.
.

على عكس صحبتي ،، نفس الحالة ..
زوجها ساعدها و كملت تعليمها و حماتها كانت تمسك أولادها ..
و كانت كل يوم صجبتي تداوم بالجامعة و حماتها تمسك أولادها ..

تخرجت و توظفت ، و دحين صحبتي بتصرف على بيتها و زوجها و أطفالها ..
و على أهلها ( و أهل زوجها ) ..

هي تكفلت بعملية لحماها ، و عملية لحماتها و لأبوها ..
و تساعد زوجها ..

و صايرة ماشاء الله دكتورة بالجامعة ..
و هي بالفعل دكتورة بالأخلاق و التعامل و الإنسانية ..

__________________
من اجل التغيير الفعال لانفسنا.. يتوجب علينا تغيير مفاهيمنا اولا..

سأجيب يا عصامية P:
عشان بعض الرجال يقدر يغض النظر عن الاهمال في الاطفال
مقابل القرووش ^^
و لا من أول ما شاف تقصير على الاولاد يقولها ستوب مافي وظيفة
او مافي سفر
الخ
لكن النقود لها طعم آخر
ويفتن بها الرجال و النساء سواء
والله اعلم

__________________

معليش انا قصدت يقتنع بالواقع مو هو.. اقصد يعني زوجته تساعده، أو المعاملة بالمثل، لأن الانسان بيعيش حياته مرة وحده بس.. والله يعين اللي زوجاتهم كذا،،

شخصياً لو كنت مكانها بيقل عطائي كثير في العمل المنزلي وغير المنزلي، ترا صعب تعيشين مع انسان ياخذ ولا يعطي..


والله ياخيتي هذا لونكم يالحريم، الموظفه تذم ربة البيت وربت البيت تذم الموظفة، بالنهاية اللي بياكلها الرجال
طيب دامها تتذمر من الوظيفه خليها تتركها وتجلس في بيتها احسن لها وانتهى الموضوع!
بعدين ليش تقيسين الرجال على حالات معدودة الله يهديك؟

وترا نفس الكلام اللي صار لصديقتك يصير للرجال، لما يزيد دخل الرجل بشكل كبير "10 الاف مثلاً" اول ما تعرف الزوجة بتزيد طلباتها صح؟! بدال ما تشتري الشنطة بـ 3 الاف تصير تبيها بـ 5 ،،
على ايش يدل هذا؟!

وش هالمنطق بالله؟! حلوة ذي محد ضرب يده يتزوج موظفه؟!
ايش فيها اذا تزوج موظفه يعني الاصل عندك ان الانسان يكون بخيل؟!

انا ماني عارف الى الان كيف تفكر البنت هنا.. تفكير البنات مع الاسف غير منصف ابداً، اغلب اللي اعرفهن معارضات لمساعدة ازواجهن لما أسألها لو زوجك غربي بتساعديه تقول لك ايه اكيد! ليش؟؟ لانه عندهم عرف ولو اخذ غيري بتساعده وووو.... المشكلة انه هالكلام صدق البنت اذا تزوجت غربي شقت مخباتها شق!!

احيانا الاحاديث والمعتقدات المنتشره في اجتماعات النساء والرجال تؤثر بشكل كبير في المشاكل الزوجيه وخاصه الخلافات المادية وجميعهم يقايضون بعض ولكن كلا بطريقته

هذا بالمن
وهي حتئ لا تندم في المستقبل او تقلد او تبخل او لا تعوده علئ ذلك

في النهايه التاثير واضح علئ الطرفين وهذا ما لاحظته من الردود


والدليل حتئ المنتديات لها دور في زيادة المشاكل هذه
والشيطان له دور كبير في كل شي


اخي الكريم زوجتك وانت اعلم بحبها وتقديرها لك

اترك المال وعطائها المادي اخر شي

بالاسلوب والاقناع انت اكثر شخص ستؤثر عليها ولكن دع كل الاحتمالات السابقه في بالك

ولا تعيش في تعاسه وانت ما زلت معرس

والله يسعدكم والحثوا عن السعاده ولا تبحثوا عن المنغصات والكلام الذي يسمم العقول والعلاقه الزوجيه

مساكم الله ب الخير جميعاا

الجديد في موضوعي الاخوان كانوا يقولون لي انت ما طلبت منها مباشرة ولاوجهتها قبل كم يوم قلت لها مامعي فلوس وابي فلوس واخر الشهر مطفر قالت طيب وطلعت بوكها واعطتني 30 ريال والله انها 30 ريال بس حطيتها في جيبي وسكت ورحت اليوم الثاني للبيت اختي
اختي تقريبا في سن زوجتي متزوجه وموظفه قلت لها ابي فلوس قالت طيب ودخلت داخل وجابت لي 2000 قلت م ابي الا 500 الي اخر الشهر قالت خذ الفلوس كلها قلت لاوالله اخذت ال 500 وقالتي والله مايرجع لي منها ريال اعتبرها هديه اختي عندها اطفال وعندهم ايجار وضروفهم مو ذاك الزود خنقتني العبرة والله ومشيت

بعدها بكم يوم قالت زوجتي ودني السوق وديتهاوسحبت لها من حسابها 1000 ريال وباقي في رصيدها 10000الاف والمهم دخلت السوق وجلست تتقضي ومشينا

المهم في الموضوع هي ليه تسوي كذا وايش ممكن تفكيرها انا والله مافرقت معي بس احس انها تتعمل معي كني ابي استغلها او ابي اخذ فلوسها

هل هذا اختبار...آخر
!!!!
زوجتك غريبة و انت اخي أيضا غريب انك لم تنتبه الى انها لم تطلب نقود
منك قي السوق و أخذت الكماليات من نقودها !
وهذا يعتبر نوع من المساعدة
ً.......
فليس بالضرورة ان تضع المال بيدك
.........

و ايضا تقدر ترفض شيء يزيد عن قدرتك اذا فعلا انك لا تملك قوت يومك
بينما انت انتبهت الى رصيدها!!!

ومقارنتك بها مع أختك و هي جديدة عهد بك غير عادلة
هي اما تحتاج وقت لتعرف نيتك لان انت لديك شقة ملك و راتب جيد!
فقد تكون غير مصدقتك
او انها حريصة....بخل
و انت اخي الكريم فأنت شوي حاط عيونك على ما تملك و الله اعلم
ً.....
سؤال مهم
كيف هي أخلاقها معك بشكل عام
وهل هي تخدمك او تقوم بشؤونك او تشعر بحبها لك؟

__________________

اخي في الله


انسى انها موظفه وهذا حقها

باين عليها ماتبي تعطيك بالله الثلاثين وش تسوي

كان صارحتها بالمبلغ المطلوب

كما قلت انسى انها موظفه وريح بالك وهدئي اعصابك

اذا هي تطلب شي ثانوي ماهو واجب هي تدفعه ماهو انت

ومن ناحية السفر والتمشيات للخارج بالنص

اقصد اي شي ثانوي زايد عن حده وماهو واجب


اكثر من االدعااء واستغفار تنفرج عليك من ناحية الديون وغيره

اعطاك الله ماتتمنى عاجلا غير ىجل اللهم آميييييييييييين

__________________
للمتزوجين..من يريد منا الذريه فلنستغفر كل يوم وكل دقيقه
من دعاء زكرياسورة الأنبياء..نقول دائمافي السجود(ربي لاتذرني فردا وانت خير الوارثين) وآل عمران(رب هب لي من لدنك ذرية طيبة انك سميع الدعاء) لغيرمتزوجين..من يريد منا الزواج فلنستغفر كل يوم مع الدعاء..نقول دائما في السجود (ربي اني لما انزلت اليي من خير فقير) لطلب الوظيفه والمال وغيرالكثير...فلنستغفركثيرا..دعواتكم لي بالزوج الصالح ولإخواتي المسلمات
اللهم ارزقنا ازواج صالحين عاجلا غير آجل اللهم آمييين