__________________

المشكلة متراكمات سابقة .. يعني زوجي كان يلاحظ بعض السلوكيات من اخوي داخل البيت وماكانت تعجبه وكان يقولي وصار كم مرة اني زعلت منه وكانت تعدي الامور .. بس اخر مرة المشكلة تتلخص في الاتي .. اخوي مشتري سيارة جديدة وموقفها تحت العمارة وتعرضت لمحاولة سرقة .. ولما عرف اخوي بعد صلاة المغرب عصب وسوى مشاكل تحت العمارة وزوجي تفشل .. وصار كم مرة اني نبهته لايسوي كذا عشان شكلنا قدام الجيران .. المهم على السحور دخل علينا اخوي معصب وقعد يتكلم على زوجي ويقول له انت ماتساعدني اذا احتجتك لان اخوي طلب من زوجي يروح معه بعد العشاء يسوون شي في السيارة وزوجي اعتذر لاني كنت تعبانة ومايبي يروح ويتركني ممكن اتعب اكثر .. بس هو ما قال له الا انا مشغول .. فقاله زوجي على السحور ما اقدر اروح معك واختك تعبانه .. فقال اخوي ماكنت ادري انها تعبانه .. بس ليش ما انتبهت للسيارة كانت بتنسرق وانت صليت الجمعة وطلعت العصر وماكنت منتبه .. قاله زوجي ليش انا حارس عليها .. وشد الموقف .. وقام زوجي من على السحور زعلان وارسلي انه ماراح يرجع واخوي في البيت .. وصار اللي صار

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ولما هديت الامور قالي زوجي ان اللي عصبه اكثر شي وخلاه يرسل لاخوي انه يجمع اغراضه ويطلع من البيت انه كان بيفقدني اغلى مااملك الا هو انا ..

وقالي بعد انه لما قالي لما طلبت منه اني اروح لاهلي ان مالي رجعه كان مجرد كلام عشان لا اروح زعلانه .. لان لاسمح الله لو رحتي لاهلك زعلانه ماراح اتركك وراح اراضيك وارجعك لو اجيب اهلي كلهم .. وقالي تأكدي اني احبك ومستحيل اتخلى عنك وربي يشهد علي...

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

من غير ماتقولين أو يقول ..
أصلا واااضح إنه يحبك ..
بس الريال يبي يرتاح ببيته ..
وأخوك الله يهديه ماحترم رغبة زوجه ..
وبدل ما يجلس ببيته بدون مشاكل ..
قاعد يتصرف راحته جدا ولا تجنب اللي يضايق زوجك ..
وأنتي كان المفروض من زمان تجلسين مع أخوك وتفهمينه اللي يحبه زوجك واللي مايحبه ..
وتحاولين تنصحينه إنه لا يضايق زوجك بتصرفاته ولا يشد معاه بالحكي ..
انتي حاولي تصلحين بينه وبين اخوك ..
كلمي زوجك وقوليله أخوي ندمان .. وكلمي أخوك وقوليله زوجي ندمان ..
وقوليلهم شهر الخير والغفران .. والعيد جاي وخلو القلوب تتصافى لأن الموضوع مايسوى ..

بصراحه انت تميلين لاخوك كثيرا واكيد تحبينه اكثر من زوجك وإلا ماكان تصرفتي مع زوجك كذا ...

تقولين المفروض زوجي يحشمني علشان اخوي ... وما ملا عينك يوم جلس بالبيت معك علشانك تعبانه
تقولين ساعدته بالايجار وبالمصاريف هو اصلا لو عنده الامكانيه كان ماطلب منك بس وش يسوي اذا صار امكانياته ضعيفه
وغير كذا هو ماتمنن عليك وقال انا سواق لك اوديك مشاوريك واجيب اغراض البيت وغيره من امور حياتكم

والله بصراحه شي يقهر لو اخت زوجي جايه لبيتنا وتغلط علي واخرتها زوجي يقف معها بمبرر ليش تطردينها او بمبرر لو حشمتيني ماطردتي اختي ..

اصلا هو وافق على سكن اخيك عندكم لانه يحبك
و مافي رجل يحب يدخل احدا في بيته و يسلب راحته
بصراحه اسفه على الكلمه المفروض ما تنحازين لاحد
انا رايي كالاتي:
لو حصلت مشكله بين الاخ و الزوج الحياديه افضل الحلول والطلب منهم ان يحلوا مشاكلهم مع بعض
لان دخول الزوجه لجانب احد منهما يهدم اما العلاقه الزوجيه او العائليه
و الراي عند الحكماء ان اخطأت فليصححوا
ارجو لك من الله التوفيق

__________________
[img]http://im33.***********/edShu.gif[/img]

السلام عليكم ..
الامور رجعت لطبيعتها بس احس في توتر من ناحيتي انا .. ما احس اني احبه مثل قبل بالرغم والله العظيم انه مدلعني ويطلعني ويجيبني زي ما ابي .. حتى البيت يساعدني فيه .. والفطور اهو اللي يحضره يقول بيريحني .. حتى لما كنا نتكلم قالي ان شاءالله ماراح اظلمك او اقهرك طول عمري .. قاطعته وقلت له ماراح تظلمني انا متأكدة بس القهر انت قهرتني .. سألني متى قهرتك قلت خلاص صار اللي صار .. قال لا قولي لي متى قهرتك قريب ولا بعيد قلت قريب .. هز رأسه عرف اني اقصد سالفته مع اخوي ..

الحين احنا مسافرين يوم الجمعة .. كنا متفقين قبل انا نروح عند اهله ونعيد عندهم ونسافر يوم العيد لاهلي ونقعد عندهم يومين .. طبعا اهلي بمدينة تبعد عن مدينه اهله. سبع ساعات .. بس بعد اللي صار طلبت منه انه يوديني لاهلي اعيد عليهم وهو يعيد عند اهله .. طبعا لو عندنا بيت في مدينة اهلي او امكانياته المادية ميسورة كان قعد معي ورحنا لاهله اليوم الثاني للعيد بس الوضع مايساعد .. عموما وافق بس حسيت انه تضايق وقالي ليش احنا ما اتفقنا اننا نعيد عند اهلي بعدين ننزل .. قلت له لا خلاص اشتقت لاهلي عنهم شهرين ماشفتهم.. قالي براحتك اهم شي عندي اللي يريحك ..


هذي مستجدات الامور .. ياليت اسمع تعليقاتكم ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

اكبري بعينه وعيدي عند اهله
انتم ماعندكم تطفال

لا ماعندنا اطفال .. متزوجين لنا تسع اشهر ..

شوفي اختي حنا من ايام الملكة اتفقنا ان عيد اعيد عن اهلي وعيد اعيد عند اهله .. تزوجنا قبل عيد الاضحى وطبعا اخذنا يومين عند اهله بعيد الاضحى ضمن ايام شهر العسل .. وهالعيد من البداية متفقين اعيد عند اهلي وهو عادي لاننا متفقين .. بس بعدين قلت له ما احس للعيد طعم وحنا بعيدين عن بعض .. وهو قال فعلا بس اتفاقنا من اول وما اقدر اغصبك .. قلت لا خلاص بنعيد عند اهلك واليوم الثاني نسافر لاهلي نقعد عندهم يومين .. طبعا هذا كله قبل اللي صار بينه وبين اخوي .. بس بعدين طلبت منه اعيد عند اهلي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

اعذريني اختي العيد مفروض تعيدي مع زوجك واهله وبعدها تمشي تعيدي على اهلك هذا هو المفروض والمتعارف عليه عند الكل