انزين روضة بسألج
هو مرضيه ان كل المصاريف عليج ؟!

__________________
الحمدلله الذي بنعمته تتم الصالحات

مافاتحته بهالموضوع بس اللي اعرفه راتبه مابعيشني ولاببيلبيلي طلباتي..كل اللي خبرته بعيش في بيت ابويه ..

انزين روضة
سالفة تعيشين في بيت ابوج ما نقول شي لان هذا شرط الوالد حسب ماذكر

بس مهر ، شبكة ، زهبة ، حفلة عرس

المفروض ان حاله من حال اي شاب مقدم على الزواج
يمشي على الزواج حسب الاصول ،،،


مصاريفج عقب الزواج ياروضة ما نقول فيها شي
وايد زوجات شرواج شالات عمارهن

بس قبل الزواج هذا حقج
لو فعلا يغليج ما بيرضى ياخذج ببلاش


ماقولج قصي ظهره
بس يسوي اللي يقدر عليه اكراما لحبيبته اللي مستعدة تعينه بكل شي

بعدين شو قصدج نسلفه ؟!
يعني تسلفينه مهرج ؟!!!

__________________
الحمدلله الذي بنعمته تتم الصالحات

الغاليه انا فاهمتج سالم مابيتقدم الا وهو مرتب اموره.. من قال بلاش
مايصير ابوي يشل نص العرس؟؟
وبعدين اي عرس دخيلج انا مابا زفه ولاابا قاعه ولافستان .. اوكي شعور حلو بس ماباه من خاطري.. وايد ناس املجوا في البيت وتسهلوا واهم شي عشا الرياييل وها مقدور عليه والله.

سالم عايش ع راتبه بس حزة الحزة يلقى خواله شاد ظهره فيهم..
واذا ع نسلفه اسلفه اي مبلغ ليش لا رد لكلام الاخت عن المهر. صار المراجل تنقاس بالفلوس عندكم

للاسف ما اشوفك تستجيبين لنصائح الاخوات !!!

ولكن ثقي تمام الثقة انك ستعودين للشكوى منه
بعد زواجك

وستتذكرين كلام اخوتك هنا
وتعلمين انهم على حق !!!!!!!

لو سالفة المؤخر صج ..
بعد الحمد لله ان البنت واهلها جاتهم الفطانة وطلبوه ..
وعليه بتطلع من هالزواج من مولد بلا حمص ..
وهي مالها ذنب المسكينة ..

خلاص ابشري بنسك حلجها بالثمانين وخل تتهنى بالحمص..

ا

هذا يدل على اللي بنفسج يالطيبة يابنت عرب وبنت أصل ..

بتسلفينه مهرج ؟؟ هههه والله حالة .. وإن شاء الله فيه سداد ولا خلاص بتعفينه منه ؟؟

الله يوفقك يارب عسى ان تكرهوا شيئا وهو خير لكم
الواحد مايدري الخيره وين
لا تفكرين انه احنا نتهجم عليكي عشانك زوجه ثانيه لا والله
اصلا سالم عايش بغربه يعني يبغا يصون نفسه بالحلال
البنات في المنتدى انا فاهمه عليهم
تفكيرك وانتي بنت عند اهلك
يختلف عن تفكيرك لما تعاشرين رجال وتعيشين معه
نبداء نفهم الرجال اكثر وتسقط الاقنعه ونكتشف انهم بشر
مافيهم زود وعلى فكره ما يتنازلون عن حقوقهم كامله
وعلى اكمل وجه

الله يوفقك