احتويه بمثل ماأخبروكِ الأخوات ..!

حفظه الله ..

انفجار غير متوقع

اخويا دخل عليا الغرفة كالمجنون : انتي قلتي لأبويا اني راح اروح سوريااا
قلتله انا ماكنت اعرف انك بتروح (اختي هيه اللي قالت لي وماتكلمت مع اخويا بشكل مباشر من قبل مجرد نقاشات عابره عن الجهاد)
قال انو ابويا اتصل عليه ومعصب ويهدده،،، قلتله تفاهم معاه بهدوء مو وقته ابويا توصلون له اخبار زي كدا صحته ماتتحمل
وحلفت له يمين اني ماقلت لأبويا وعشان اثبتلك عندي استعداد اكلم ابويا دحين
فعلااا اتصلت بابويا وطلع واحد من اخواني الكبار هو اللي قاله
كان اخويا يغلي جنبي يبغى يعرف من وصل الخبر قلتله ابويا يقول وصله الخبر من الناس
وزي ماقلتلكم ابويا واخواني لايحسنون التصرف
اخويا لجأ لأبويا المريض وماقدر حالته
ابويا لجأ للشدة والتهديد بأشياء لايصدقها عقل وبتسليم ولده للدولة بدون اي دليل
الآن الفكرة حتى لو كانت مجرد فكرة بسيطة برأس اخويا راح تكبر ويآخذها بالعناد وانه رجل وحر التصرف

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

قلت لأخويا بوسط كل هالحوسة
أنا معك وادعمك في قرارك لو كنت بجد تبغى تروح تجاهد
كنت ابغى آخذ اعتراف منه بحكم انه مااعترف لي من قبل
لكنه تهرب ورفع صوته علي

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

انا الآن خرجت من البيت
قلت لأخويا لما ارجع ابغى اتفاهم معاك ونتكلم في الموضوع
قال انا بالليل بطلع مشوار خليها بعدين < تصريفه واضحه

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

قبل هذا كله اتصلت فيني زوجة اخويا الكبير اللي هيه بنت خالتي وتتكلم بتلميحات

قلت لها هاتي من الآخر

للأسف اخوها اللي كنا نقول عليه صايع صار ملتزم بين يوم وليلة

وجهز شنطته للسفر وجهز جوازه مع جواز اخويا

كانت خالتي بتآخذ الجوازات وسحبها منها وخرج مع اخويا ومعاه شنطته ولحد الآن مارجع من البيت

خالتي ارتفع عندها الضغط مسكينه

وننتظر مين معاهم كمان من العائلة

وتزيد الصدمات

الله يصبر الأمهات*

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

اتصلت على احد الدعاة

قال مانقدر نقول مافي جهاد في سوريا وكل العلماء قالوا بالجهاد

ولكن السعوديبن لايروحون لأنهم غير مدربين ويشكلون عبء

ماارتحت لكلامه مع انه ماكان عنده مانع يتواصل مع اخويا ويقنعه

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

إذاً جميل هُنا ..اجعلي أخاكِ يتواصل معاه ..بأي الطرق !!

وحاولي أن تخبري والدكِ يبعد عنه أسلوب التهديد والوعيد لأنه يسبب نتائج عكسية ..!

أخبري أهلكِ بالتصريح بأن الجميع يحتوه واظهروا له مشاعر الحب اتجاهه ..

ساندرا هو الآن مشاعره متأججه ..أفعلي بنصائح من أرشدكِ ..

هذة مستجدات اليوم

اعذروني نفسيتي جداا تعبانه

لي عودة للرد على الردود السابقة

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

ما فهمت يا ساندرا ...أخوكي معاه جواز سفره ؟ وللا وين جواز سفره ؟

ولد خالتك طلع ومعاه جواز سفره وشنطته وأخوكي طلع معاه ؟؟

__________________

مرة اخويا فهمتني انو جواز اخويا مع اخوها

اخوها خرج ومعاه شنطته ولسى مارجع

قالوا اسالي اخوك عنه لأنه اخده معاه بالسيارة

سالت اخويا وقلت له فين محمد وخالتي معايا ع الخط وجهه صار ألف لون ولون وقال وديته الحي الفلاني عند محل السعادة < يبدو انها فكاهه بينهم واسألي اخوه الكبير يعرف مكانها

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg