انا فتاة سادخل بعد شهر ونص 34 هل هناك امل باذن الله بزواجي بشاب اعزب او ارمل او مطلق مابي معدد

انا اشوف اكثر للي حولي مايبي بنت الثلاثين ابدا حتى لو هو ابو 40

أعرف في منكم بيقولولي الزواج مو كل شي في الدنيا وما بنموت لو ماعرسنا وأنا وياكم وادري مب كل شي لبعض البنات، بس انا خواتي أحس أني لازم اتزوج ابغي أستر نفسي من الفتن ماقدر أكون وحييييييييييييدة ماقدر صعب صعب والله أخاف يجي يوم أغلط انا أقولها صراحة لاني تعبت نفسياالحمدالله ومصلية وأقرا اقرآن مب راعية طلعات وسوالف وتعارف يعني مارضاها لنفسي، بسوش ضمني ماغلط في المستقبل خايفة على نفسي خايفة تيني لحظة ضعف، لااحد يعطيني حكم
هذي فطرة أنسانية..ويمكن نكثير منكن بيعترضن على كلامي وبيقولون جريئة وويها قوي لكن صدقوني هالشي موجود فيكثير وما يتكلمن عن مشاعرهن لان كرامتهن في المجتمع اللي نحن عايشين فيه ماتخليهم يقولون يا ابوي ويا أمي وصلت الثلاثين ومحتاجة أستر على نفسي ومثل ما تخطب لولدك الأولى ان تخطب لبنتك وتستر عليها من زمن الفتنة اللي عايشين فيه.. خايفة بعد عمر طويل مالقى امي وابوي واعيش عند اخواني وحرميهم وتعرفون الحريم ومشاكلهم . افكر كثير بمسالة الانجاب هل بيمديني اشوف عيالي والحق على عمري .

ظنكم في امل في الثلاثين نعرس ونحصل اللي يقبل فينا رغم كبر عمرنا؟؟

بس حبيت أفضفض لكم شوي من مشاعري وسامحوني...

__________________
يا ودود يا ودود ياودود يا ذا العرش المجيد يا فعالاً لما يريد أسألك بعزك الذي لا يرام وبملكك الذي لا يضام وبنور وجهك الذي ملأ أركان عرشك أن ترزق صاحبة التوقيع الزوج الصالح والذرية الصالحة الطيبة عآجلآ غير آجل وجميع بنـآت المسلمين) اللهم آميـن