انا اريد اعيش حياتي الي حرمني اياها اريد اكون حره كم سنه وانا وياه مشاكل مشاكل اذا مر يوم من غير مشكله لازم شهور نتم متخاصمين هو مب حاس مب لازم نستمر هو لازم يفهم انه طلاق لازم يصير من بينا عشان كل واحد يعيش حياته زوجته ثانيه ذكيه لحين عرفت انها احسن عني هي ما تفكر فيه هي عايشه حياتها اختي قالت لي هي بتم جذي بعيده منه عشان هو ما يمل منها لانه اذا شبع منها يمكن يطلقها انا لحين اتعلم كيف اصير جذي حره بنفسي

اليوم نزلت عند عمي وكلمته اني بسير بيت أخوي وموافقه على شرط ولده
عمي قالي انتوا تعاندون بعض في اليهال سالته شنو تباني اسوي قالي تعالي عندنا اول اسبوعين برمضان واذا هو مصر على كلامه وموقفه خلاص روحي بيت اخوج أنا ما وافقت وقلت لا قالي خلاص سوي الي يريحج
بعد المغرب اتصل خالد وقالي ابوي يقول انج قررتي قلت هيه قال خلاص تحملي نتيجة قرارج ترى لحين عندنا اثنين وبعد كم شهر بيصيرون ثلاثه لا تقولين بس خذ الكبار وثالث لا لانه صغير قلت له تصدق غلا وراشد وايد بيكونون كبار
بكيت وبكيت قالي انتي سبب قلت له رب العالمين موجود ويدري من ظالم
ظلمني والله ظلمني مقهوره على غلا لانها بدت تفهم وتعرفني مب متخيله اني ما اشوفها 3 ايام صح بتكون وياها المربيه
بس مب بيدي والله هو ما خلاني افكر الله ياخذ حقي منه ما توقعت يعاملني جذي عارفه بتقولون غبيه بس اقول رمضان وبتم ادعي عليه لما الله ياخذ حقي منه

هو علمني لحين انه مافي حاجه اسمها حب كله كذب بكذب
وانا لازم لحين حتى اعلمه انه مافي حاجه اسمها طيبه يعني هو لازم يجرب مثلي القهر صح

استخرتي قبل ما تعملي هيك
[COLOR="rgb(221, 160, 221)"]اذا بدك تعملي شئ فعمليه من شان نفسك من شان لوجين وبس
ولا تضلي تدعي عليه ادعيه له بالهداية وانه الله يرده لك ردا جميلا او ادعي لنفسك ولاولادك
لا تزعلي ما بينفع من شان البيبي
الله يهدي سرك و يفرجها عليكي ويردلك زوجك ردا جميلا[/COLOR]

__________________
سبحان الله والحمد لله ولا اله الا الله والله اكبر

الله يسعد قلبك يا أختي ملكة القلوب
أنا متابعة قصتك من أول ماكتبتي هنا
ومن جد أنت أنسانة راااقية جداً جداً
والنعم بتربية أبوك الله يرحمه ويجمعك معه بالجنة

أنت صبرتي كثير
لكن قبل أي خطوة استخيري
وبرمضان كثري دعاء وصدقة واستغفار
وبإذن الله تكون الأمور أحسن مايكون

وإن شاء الله ترجعين لزوجك لكن بوعد منه ووجود شاهد من أهلك
أنه مايحرمك من حقوقك
ولا دراستك ولا يشدد في الطلعات مادام تتغطين ويحرص على مشاعرك ويكفي زواجات

فيه آيه كل ماقرأتها أرتاح
(وأفوض أمري إلى الله إن الله بصير بالعباد)

الله معك أختي,,,

لالا لا الي علمني اياه ابوي غلط غلط فهمتوا شنو يعني غلط اريده يرجع لحين ويخليني مثلهم انا تعبت دوم اسال نفسي ليش ابوي علمني اكون طيبه ليش علمني اسكت وما ارفع صوتي ليش ما علمني اخذ حقي وبالقوه مثلهم تعرفين شنو يعني ياخذ غلا مني هو مب حاس هو مب فاهم شنو يعني غلا هو ما جرب والله ربنا بيعاقبه
اسفه اذا غلط عليج بس انا تعبانه اسفه

ياسلام عليك ..ذوق ماشاء الله
لاتتأسفين ..
وصدقيني اللي علمك أبوك هو اللي علمنا إياه النبي صلى الله عليه وسلم
وهو الصح ..
وراح تفرحين يوم القيامة لأن الرسول صلى الله عليه وسلم أخبرنا (إن أقربكم مني مجلساً أحاسنكم أخلاقاً)
مانحقد على أحد ولانظلم أحد ولانرفع الصوت ..
وبنفس الوقت مانكون سلبيين ونطالب بحقوقنا لكن بهدوء وثقة بنصر الله ..
وأنت قوية وطالبتي بحقوقك وماسكتي لكن المشكلة من الطرف الآخر الله يهديه
فعاملي الناس بأخلاقك مو بأخلاقهم
..

وبالنسبة لأولادك أنا مرة قرأت رد لزوجك
أنه مو ناوي أبد يحرمك منهم
وبس يهددك
ويقول أنا أخاف على عيالي ويهمني يعيشون مع أمهم
حتى مايتغقدون إذا كبروا
فلا تخافين

وبإذن الله ماراح يصير طلاق
لكن يكون موقف قوي يخلي زوجك يتعدل معك
الله يهديه
وعلى فكرة هو ما أحسه يتعمد يضايقك
بس مو فاهمك
ويحتاج يعالج عصبيته
لأن قلبه طيب ويخاف الله

ياحبيبتي يالجين انت الله وياك دائماً ادعي ربك في كل وقت ربي بينصرك ان شاء الله
ربي يخلي لك عيالك ويحفظهم لك ان شاء الله
لجين يعني انت قررتي الطلاق ولا ايش ؟؟؟؟

ليش تتركين عيالك ؟
لازم تكلمين عمك وعمتك يكونون بصفك وماياخذ عيالك منك
وكلمي اخوانك انك ماتستغنين عن عيالك لاتعيدين ماضيك
استخيري قبل تطلعين والطلاق اخر الحلول
اهم شي لاتتركين عيااالك.

أعجبتني قوتك وثباتك على قرارك
ليس لأني أريد لك الطلاق , بل لأني أعرف أن هذا بداية نجاحك وتغير حياتك للأفضل

زوجك يحبك لكن أنتم الأثنين تسيرون بخط متوازي ولم يستطع أحد منكم أن يروض الآخر

اجعلي هذه الفترة فترة استراحة وتكوين شخصية أكثر قوة وأكثر معرفة وثقافة

اعرفي مالك وما عليك يا ملكة
واقرأي في حقوقك وحقوق زوجك
وإن يسر الله لك عودة فأحسني التبعل لزوجك وأعطيه حقوقه وسيعطيك ما تحبين وأكثر ويرفع رأسك عاليا بإذن الله