اخي عضو قديم بإنتظار تعليقك

راجعت موضوعك في ساعدني (الرد رقم واحد)

فوجدتها هي نفس المشكلة

صح؟

طيب ايش رأيك نبدأ من الأول ولكن بشكل مركز ومختصر

ماهو الموقف الفلاني ( حدديه) الذي تريديني ارشدك فيه كيف تتعاملي مع زوجك فيه؟

اشكرك جداً يا أخي

1- كيف اخليه يحتويني إذا متضايقة بدون هالصيحة والمشكلة
مع العلم يا أخي كذا مرة يسألني شلون يعني ؟
واقول له شلون ويرجع يتكرر الموقف ويسأل شلون ويقول ما اعرف
ولما اهدأ شوي يسوي اللي قلت عليه .. كأن برستيجه ما يسمح له يسوي اللي قلت له عليه على طول
ويتكرر هذا الموقف وايد في حياتنا ان متضايقة واحتاج منه موقف لطيف
مع العلم أيضا انه غير مقصر في الاوقات العادية!!!!!
بس وقت اللي متضايقة ما يحب افضفض .. على طول يبي المختصر المفيد
زين آنه ما ابي منه حل أحيانا بس ابي افرغ اللي بداخلي..
وما يعرف يحتويني

2- موضوع إنه يبي يقول الكلمة وتتنفذ على طول من غير اي سؤال
من غير كيف ولا شلون ولا متى ولا ليش
التنفيذ فقطططط
والأمر صعب علي انه انفذ اللي يقوله حرفيا لكن لازم اعرف انه ليش اسوي هالشيء
او اناقش فيه
وهو يقول لا تجادليني!!!

3- عصبيته القاتلة .. يقول لي بسببج تطلعيني من طوري فتحملي أي كلمة اقطها
للأمانة هو ما يسبني ولا يهيني ولا شيء
بس انه يرفع صوته علي هذا تقليل من احترامي
ويقط كلام جارح
ما احبج
انا ليش متزوج وحدة ثانية يكفي الجحيم اللي عندي
ما اشتهي اشوفج
واذا رايق ... يقول لي هالكلام اللي اقوله لج وهالمزح وووو ما تعاملت به ومع احد غيرج لا اخواتي ولا ام عيالي ولا اخوتي ولا اصدقائي.. معاج ارتاح
يمه شهالتناقض!!!!


بس احب اوضح لك
ان حياتي معاه تحسنت وايد ومشاكلنا صارت اقل وااااايد اقل من قبل
وصار من يفتح الباب اشوف ابتسامته
\حتى قال لي ان رجعت اشتاق وانتظر يجي وقتج بفارغ الصبر
صرت ما افكر وايد
ومن كذا يوم عرضت نفسي على اخصائية قالت لي ما فيج اي مرض نفسي
هذي سلوكيات تحتاج تعديل وكلام وايد
واعترضتني ظروف وما اقدر حاليا اكمل معاها في الوقت القريب

انا طلبت منكي تحديد موقف بعينه ولم تحددي وتكلمتي بعمومية

لذا سأحاول مجاراتك

الله يعطيكي العافية

البارحة رجعت البيت وهو لازال متأثر بما حدث و داخل كهفه على قولتهم
تعاملت معاه طبيعي وكأن شيئا لم يكن
اكلمه ب 10 كلمات يرد بكلمة
كلمته بهدوء قلت له ترى اذا كل ما صارت بيني وبينك مشكلة بتبقى تقلب وجهك ومتغيرة ألوانك وتغير معاملتك 24 ساعة ؟

انفجر!!!!!
هالكارثة اللي امعيشتني اياها طول اليوم تبينها تنتهي بسهولة ؟؟
ما قلتي كثر خيره حبيبي اللي قاعد يحاول يكون طبيعي ويكلمني ويحاول يكون عادي
خليني براحتي نفسيتي للحين ما هدأت بسبب اللي سويتيه فيني...
قلت له حقك علي ..

انسحب بهدوء و رحت الغرفة انتظر 10 دقايق تقريبا و لحقني..
قال لي انا فعليا ما عندي غير زوجة وحدة وواضح ان انا بخسرها للأبد!
بسبب كثرة المجادلات.. والإلحاح وقلة الصبر

قلت له انت ما تبيني اكلمك بشيء
قال قوليلي متى قررت قرار ومشى من غير ما تناقشين أو تعرفين أسبابه ؟؟!

قلت له ابشر .. باكون لك مثل ما تبي ان شاء الله
" ولو ان ما اخفي عليكم بصراحة انه اطيعه باللي يبيه وفي قراراته بس احب نتناقش!!!!! وهو أبد يبي كلمته حد السيف "

بس اذا شفتني متضايقة تعرف اللي ابيه .. مو لازم تتكلم وتطبطب في وقت وجودك معاي قرب مني بس
قال انا على طول قريب
قلت له منت مقصر معاي بشيء
بس كون اقرب في وقت ضيقي احتاج لك ما فيه بشر اقدر اتكلم له غيرك ترى
قال باحاول...

لازال لحد اليوم مو على طبيعته .. يتعامل بشوية برود ويقول غصب عنه
يقول شوي شوي بيرجع طبيعي...
واشوفه قبل شوي يمزح ويضحك الحمدلله

دعواتكم

الله يهدي سركم

حاولي توثقي فيه و خففي حساسيتك اتجاهه، و انشغلي عنه

تعرفي نوعية زوجك لو طنشتي ومشيتي له وسكتي وقت ماهو معصب واي شي يقوله قولي اوك بدون جدال رح تكسبيه ويصير لك مثل ماتبي
النقاش الي تبغي تناقشيه اجليه لماتشوفيه هادئ

الله يهدي سرك ويسعدك حبيبتي

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

أختي زين
أنت وايد مجادلة هذه أسوأ خصلة فيج بعين زوجج.. اتعبيني وأنا اقرا لج
ريلج واااضح شمالي
رجل الافعال
عطاءاته لك كلها فعلية وذات معنى وقيمة حقيقية
هذا رد مختصر من الموبايل
خففي جدل وتدقيق وارحميه وارحمي نفسج

__________________
الحمدلله الذي بنعمته تتم الصالحات

فعلا يا زين كلام فاكهة صحيح وهذا ما لمسته انا ايضا.. انك تجادلين كثيرا زوجك
وانا اقرأ مواقفك معه ونقاشكم يضيق صدري واستنى متى يخلص ردك عشان أتنفس!!
فما بالك بزوجك.؟

اترك الجواب لك

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

أخي عضو قديم معذرة فهمت غلط
بعطيك بعض المواقف المكررة جدا

1- احنا عندنا شغالة بالبيت مقسم وقتها بين قسمي وبين قسم ام العيال
انه معتمدة على نفسي في اغلب الاحيان
ما احب الكسل او الاعتماد عليها..
كانت عندنا عزيمة كبيرة ووقت اللي الشغالة كانت في قسم ام العيال
انه قمت انظف بنفسي والشغل كان وايد واضطريت ازيح الكنبات وارفع الزوالي من الارض
المهم مالك بالطويلة جاني ألم بالظهر
وبالليل اشتد وايد لأني ما ارتحت عليه...
فابي علاجي وما اقدر احط بنفسي
وهذي كانت ليلتها بس لازم يقعد معاي ربع ساعة قبل لا يروح ينام
خبرته اول ما رجع قال لي ليش ما تحطينها بنفسج ؟
قلت له ما اطول .. قال ليش ما قلتي للشغالة قلت له معقولة بكشف ؟
قال زين... انتظرت انتظرت توقعته آخر خمس دقايق بينفذ اللي قلته له..
خلص الوقت وهو للحين!
قام بيمشي .. قلت له وظهري؟؟؟
قال اففف امشي بسرعة وليش ما قلتي من البداية وووو ومتنرفز حده
قلت له بس خلاص مشكور.. ما يحتاج
عصب اكثر... و صارت مشكلة كبيرة

هو دقيق في الوقت جداً
ومواعيده في كل شيء مضبوطه
ووقته عنده من ذهب .. وأي دقيقة تفوت يعصب ويتنرفز أكثر
ويحس ان دقيقة ثمنية من عمره مرت حتى لو ما عنده شغل
بس لكل شيء وقت....
بس وقتها قلت له من اول ما دخل البيت وهو اللي سوف الأمر !

هذا الموقف يتكرر وايد اطلب منه شيء ويصير آخر الوقت ما سواه
وتصير مشكلة على الوقت.. سوى بيطلع بره حق شغل او بيروح المكتب او او او
ويتهمني ان اتعمد تأخيره!

2- قبل كذا شهر كان عندي مشوار طلبت منه يوديني له
وهالمشوار يتكرر لمدة اسبوع تقريبا خلال شهرين
وداني كذا مرة وآخر يوم قلت له ابيك توديني
قال لي .. ام العيال تبي تروح مثل المشوار
وانتي عندج سيارة .. روحي بسيارتج وانا اليوم باوديها والمرة الجاية برجع اوديج
شافني تضايقت وعصب مني وقام يصارخ
قلت له ليش تعصب طبيعي بتضايق وما ابيك تحسب حساب وجود سيارتي وما اقصد هالموقف بعينه
وانه ما تكلمت ولا قلت لك شيء! هي لها حق مثلي
يتهمني ان انا دايما ابيه يعاملني بالمثل
يعني سويت جذي هناك
سوو جذي هني
يقول لي تركزين على أمور تافهه بينما انا اسوي لج امور اكبر من جذي واميزج فيها
وما اميز غيرج فيها لا ام العيال ولا اخواتي ولا أحد
فاهم قصدي صح ؟
وآنه هني اعترف بغلطي مليون بالمية...
واحاول اركز في مواقف جاية
بس ساعات الطبع يغلبني
حتى لما كنت في بيت ابوي
اذا ابوي سوى لأختي شيء وما سواه لي اقول له وانه ؟؟؟ ليش ما تسوي لي؟؟
وهذا الطبع الوالد اله يحفظه عودني عليه من صغري
لأن دايما يجيب لأختي غرض و يجيب لي مثله بس الغرض مالي يخشه ويخبيه وينتظرني اقول له ليش ما جبت لي؟؟ ومشت جذي....
كيف اتغير؟ وشلون اتصرف ؟

3- مرة قلت له متضايقة ...
قال شسوي لج ؟
قلت ما ادري
قال انا بعد ما ادري
قلت له مثلا تسألني ليش
افضفض لك
تقرب مني ووو ...
قال زين .. وسكت وغير الموضوع وقام يمزح
بعد مدة شوي طويلة
قلت له ضايق خلقي لأن صار جذي وجذي وجذي مع صديقاتي
سكت وغير الموضوع
بعد مدة شافني متضايقة ابوي مريض وكانت حالته صعبة ...
قال ليش شفيج قلت له عن مرض ابوي
قال لي قلت له روح المستشفى بس ابوج عنيد
قلت له اي وهذا متعب نفسياتنا
سكتت
آخر فترة صارت بيننا مشاكل اقول له اذا متضايقة احتاج منك تطبطب علي
وتعرفني مو من النوع اللي اتكلم للآخرين
وانه اثق بك ووو
قال باحاول ... واتصور هذي حدود قدرتي!

4- مرة قلت له متملله باروح بيت اهلي
قال لي الليلة لا تروحين
( هني يبي الموضوع ينتهي بدون نقاش )
سألته ليش ؟
سكتت وغير الموضوع
( يبيني اسكت )
قلت له شفيك سكتت ؟؟
هم استمر في تبديل الموضوع
قلت له قاعدة اكلمك
قال تبين تروحين روحي
قلت له ليش عيل قلت لي من البداية ما اروح
انفجر زوجي وحدث ما يحدث في كل مشكلة

فيتهمني إن آنه لحوحه ولجوجه وانه متعود في المجتمع كلامه يتنفذ ووو وان اذا يبي يغلق النقاش يُغلق

هذي اكثر مواقف تتكرر بيننا بس بأشكال مختلفة
وآنه اسرد الموقف حسيت ان انه شكثر ممله ونكدية مليت وآنه استرجعهم
وما ألومه إذا انفجر....

شلون اتغير ؟
ابي خطوات للتغيير..
ما ابي اخسره...
وابيه اذا شافني متضايقة يحس بي