السلام عليكم
مرحبا عزيزتي ..ان شاء الله احوالك افضل
تعليقا على موضوعك..انا دايما احب اتخيل نفسي مكان صاحب الموضوع قبل ارد..
بالنسبة لي لو كنت مكانك ماراح اطلب الطلاق ..تدرين ليش؟
لان لو السالفة ضرب وندم ومن ثم اعتذار وارجع له وبعدها تنعاد الحكاية مثل كل مرة كان خلاص مالها الا الطلاق وبقلب باااارد
لكن هالمرة غير..هالمرة عرفتي ايش السبب ..هالمرة صار كل شيء مكشوف قدامك..عرفتي انه يحشش !..عرفتي اساااااس المشكلة هالمرة.. في كل مرة كنتي تشتغلين على ااطراف المشكلة لكن هالمرة انتي تقدرين تشتغلين على حل جذري ..يعني تحلين المشكلة من جذورها .

يعني واضح لي انكم تحملون لبعضكم قدر طيب من الحب ..فلا تاخذين قرار الطلاق وانتي بعد عندك حل تقدرين تقدمينه..

لان صدقيني لو حصل الطلاق وانتي ماقدمتي كل الفرص ..راح تاكلك نفسك من اللووم والحزن والحنين ولو بعد حييين.

قدمي كل الفرص ..كل الحلول ..فيما لو مانفع ولا اصطلح حاله لا سمح الله ، تكوني خلاص عفتيييه بقلب مرتااح ..مابقى مكان تلومي نفسك فيه .

انسي كلام اهلك ..واخذي قرارك بنفسسسك ..مهما كانوا الاهل داعمين لك ..لو ماكنتي راضية عن القرار 100% ماراح ترتاحين لو ايش ماعملو لك اهلك مستقبلا.



موفقة عزيزتي

تعليقك لامس جزء من تفكيري
طيب ايش رايك بعد المستجدات

__________________
لا اله الا انت سبحانك اني كنت من الظالمين

سنتين وانا اتلطش بسبب فورانه عند الغضب هذا مو صبر ؟؟؟
ولا لازم استنى يدي تنكسر

__________________
لا اله الا انت سبحانك اني كنت من الظالمين

رأيي من هالرأي .. ساعدي زوجك وهو في امس الحاجة لمن يمد يد العون له وخاصة من زوجته .. انتي مأجورة باذن الله وبنفس الوقت تصلحين بيتك.

لا تستعجلي .. اعرف جيداً من هو مدمن الحشيش ولي تجارب معهم .. هو مدرك انه غير راضي عن نفسه وانه غير منتج وفعّال في محيطه ويبكي على حاله وهو متألم جداً في داخله .. اما بالنسبة للضرب فهذي ردات فعلهم لانهم مشككين في قدراتهم ويخشون المواجهة او التحدث عن واقعهم ومصيرهم .. انتي ازرعي الثقة في نفسه واخبريه بأنه قادر .. واخبريه بأن ينظر الى عين ابنته البريئة وهي لاذنب لها .. هو يرغب بالعودة يرغب بأن يكون شخص آخر مختلف قادر على تحمّل المسئولية واحتضان القلوب وارجاع المياه لمجاريها .. ابحثي عن الحلول بدل الاسراع في اتخاذ القرارات المصيرية.

مدمن الحشيش إذا لم يتعالج
قد يصل به اﻷمر للقتل
قد يقتلك انت وابنتك
ولا أظن انه من المنطق ان تعودي إليه وهو على هذا الحال
ضرب وانضربتي، ماذا تنتظري أكثر؟
الضرب اشارة سيئة لمدمن الحشيش ﻷنه ممكن يضربك بأداه حادة !!!
الحقيقة كلام : قفي بجانبه وسانديه
حتى يترك الحشيش ويتعالج وووو
كلام بدون فائدة اذا لم تكن رغبة التعالج تنبع من داخل المريض نفسه
ضعي في بالك هو شخص بالغ كبير مسؤول عن تصرفاته وليست لديك أدنى سلطة عليه ان رفض العلاج.
وحياتك انت وابنتك ثمينة لاتحتمل المجازفة بها

اذا بترجعي اول شي تفاهمي معه على الضرب وخليه يتعهد أمام اهلك ان مايضربك
وش اللي يعطيك كف لأن موظف البنك كلمك!
انا ماادري اذا عندك أطفال ولا لا ولكن اتخيلي في المستقبل يضربك أمام اطفالك هذي ماهي حياة ..
اذا بترجعي له بشرطين يترك الحشيش و يتعاالج و التعهد بعدم الضرب.

هلا عزيزتي ..
بعد المستجدات ..

انتي اكثر وحده تقدرين تقيمين حالتك ..انتي ايش حاسه ؟
هل حاسة انه صادق في ندمه ؟ قلتي بكى وذل نفسه عندك لاول مرة ..هل يعني هذة المرة مختلفة عن اللي قبلها ؟

لو حسيتي بالاختلاف هذة المرة ..ممكن تعطيه فرصة ولكن مشروطة بالطلاق


فيما لو مد يده مرة اخرى يقع الطلاق ..ولو هو حاس بقيمتك ماراح يمد يده لانه عارف نهايته انفصال.

ولو فيه خط رجعة ..تفاااااهمي على وضعكم وقت العصبية..يعني تفلت اعصابك لو سمحت اطلع برا البيت فرغ اللي بداخلك بالطريقة اللي تحب او ادخل المجلس قفل على نفسك كسر عفس اللي يريحك..اهم شي ابتعدوااا عن بعض وقت المناوشات.

فهميه اثر هذا الشيء على بنته لو هو صحيح يعشقها ..لازم يسيطر على اعصابه ..الرجال لما يصير اب يلييين قلبه لو هو انسان صح.

وعلى سالفة الحشيش..الله اعلم اذا كان يحشش او لا ..لكن انتي لااازم تريحين بالك كيف ؟ خبريه يابو فلانه قولي الصراحة لو كنت تحشش فااعترف لي وخلني صحيح احتضنك ونحل المشكلة من جذورها مع بعض ..خلك تحت عيني لاتقول انت بتقطعه من نفسك الشيطان اقوى لكن لما يكون فوقك رقيب تكون اسهل..هذي الفرصة الاخيرة لنا مع بعض خلينا نشتعل فيها صح عشاااان نستمر....

ملخص..
من وجهة نظري ..اراه يستحق فرصة اخيرة من بااب تقديم كل الفرص ولكن
*طلاق مشروط بالضرب
*توضيح امر الحشيش اما بااعتراف او نكران ..فالباتالي اما احتضان او راحة بال
*التشديد على اهمية استغلال الفرصة الاخيرة بالتفاهم اولا على وضع كل منكم وقت المشادة




والله يوفقك يارب

والله يا اختي ما ادري ايش اقولك .. مرات اقول معاه حق في تصرفاته معك ومرات اقول لا .. (رغم رفضي الشديد في استخدام الضرب)

تقولي انك ماتحترميه واخر مرة فكيتي الحظر بس عشان ملفك .. يعني اخذتي عازتك ورجعتي الحظر .. وفوق هذا يحط ملفك عند الباب وهو يدق وانتي تطنشي .. (هذي الحركة تقتل) .. شوي ويترجاك ويبوس رجلك عشان ترجع المياه لمجاريها .. احس من داخلك مصدّقة اقواله من طريقة كلامه ومشاعره اتجاهك .. لكن انتي رافضة ومترددة وكأنه ودك تجي كلمة "طالق" منه عشان تفتكين وترتاحي. اشوفك تبتعدي رغم المستحيل اللي يسويه زوجك وقليل من الرجال اللي يقول اشترطي اللي تبيه.

مرات اقول المرأة ماتحب الانسان اللي يرمي نفسه عليها .. ومرات اقول لا.. هذي عشرة ومودة ورحمة ويجب التنازل لأجلها.

المشكلة يا أختي ان ردود الرجال قليلة جداً في الموضوع، لذلك سادلي بدلوي
اعتقد ان اغلب الرجال يتمنع عن الرد لحساسية الموضوع لكني ابتوكل على الله.. كوني اعرف عوائل كثيرة فيها رجال يستعملون هالشيء... بالسر.. او بالعلن... ولازالو يحاولون الاقلاع عنه ورغم ذلك زيجاتهم على احسن مايرام...

بالنسبة لزوجك:
ردود افعاله ليست من الحشيش، أبداً.. الحشيش ياأختي، يهدئ النفس، يجعلها بارده جداً، وفرحة.. ومبسوطة هذا مثبت علمياً واضراء الحشيش هي اضرار صحية على الرئتين، واذا وصل لمرحلة الادمان مايحدث هو تلف بعض خلايا الدماغ يعني قد يتسبب له فقدان ذاكرة، ينسى بسرعه، يصبح يضحك من غير سبب لكن انه يكون عصبي او انفعالي (مستحيل)
... يا أختي الشعب المصري اكثر من نصفه... يحشش! وهالسبب مخليهم علطول مبسوطين... رغم فقرهم المدقع... ماسمعنا ان نصف الشعب المصري تطلق.. بسبب هالشيء .. بل ولديهم ماهو اسوأ من الحشيش ويسمى بنقو! نوع من انواع المنشطات

والعكس، لو قلتي لي انه يسكر.. كان ربما كانت هذه من ردود افعاله...
اعتقد ان زوجك مضغوط، وطبعه عصبي.. ومن كثر الضغط ربما اتجه للحشيش، وسالفة العيون الحمراء هذه حقيقة مع بعض الشباب.. عيونه من الله لو فيه اي حساسيه تصير حمرا...

عموما زوجك واضح انه يحبك، وانتي تحبينه
الي صاير معكم اعتقد انه سوء تفاهم لشخصيات بعض... كلن يعامل الاخر بطبعه... وليس بالانسب له...

اتمنى انك ترجعين.. له

انا ما أحلل الحشيش، ولو تقدم لي واحد لبنتي محشش ويسكر.. مازوجته ابداً
لكن اذا كان ساتر على نفسه، وعرفت فيما بعد.. فلن اطلب الطلاق ابداً انما ساحاول معرف معدن الرجل واطلب منه يتركه.. واذا اثبت لي على الاقل صدق نيته في الترك وتحسن معاملته ترجع بنتي له.. انما الاعمال بالنيات...وطالما هو يحاول ويحب شريكةحياته فسيصل مع الوقت حين يزيد التفاهم

لكن ابائنا مايفهمون كل هالكلام.. لذلك استري على الرجل، وسواء كان يحشش او لا. سابقا. لاتعيرين هالشيء اهتمام... استمري في الطلب منه تركه اذا كان فعلا يحشش لكن ليس بصيغة الامر انما بصيغة المحبة، لان الرجل المضغوط مايحب احد يأمره ابدا... او يعامله بفوقيه حتى لو هو اسفل السافلين... كلمتين حلوة تغير هالنوع من الرجال فكري في عائلتك.. في اسلوبه معك هل تحسن او لا...في دينه وصلاته بشكل عام اذا كانت المحبة ظاهرة من الرجل فالاسلوب الامثل في التعامل معه على انه طفل، انظري عندما تعتبين على طفلك شلون يرجع لك... نفس الشيء عاملي زوجك فيه.. وابدا لاترفعين صوتك عليه نهائياً وسترين الفرق... الرجل في حالات المحبة والاحتياج قلبه مثل قلب الطفل تماما والاهم من ذلك كله ( انه مافيه رجل على وجه الارض نهائياً يقبل ان حرمه ترفع صوتها عليه.... وان وجد فهو ليس برجل! ) رفعة الصوت تفقد حتى احلم الرجال صبرهم وممكن يسوي اي شيء!


تحياتي

هل فعلا تحرمينه من الجنس ؟

__________________

حاجة الناس إليكم من نعم الله عليكم ، فـ لا تملوا النِعم ☁✨