وهل ذكرت انا ان هذه الاحداث انقطعت او انتهت اختي فانتي؟
لم اقل.
بل قلت انه مازال يلاحقني بهتمامه وسؤاله
و(التكويش عليه من الخطاب حتى في مكان عملي الجديد!!)
فكيف اقدر اصدق انها رغبة في وقت وراح؟
لو كانت كذلك لما كان هذا الموضوع كله
ولما كانت هناك مشكله اصلا.

معناها هنا في علامة استفهام كبيرة!

ما خطبتها لسا.. بس انتو لا تخطبونها

لو شفتي شخص يسوي كذا لبنت تشوفينها من بعيد.. هل هذا طبيعي؟!

بغض النظر عن العاطفة والمشاعر!

صحيح
وفي نفس الوقت اقول لنفسي طيب كيف يخطبني؟
ما فيه طريقه غير كذا!
كيف ترين الطريقة الصحيحة اختي فانتي؟؟

شدعوة

ينطلب رقم اهلك بطريقة غير مباشرة او عن طريقك

من متى الغريب يدق عالبنت يقول لها فلان يبي يخطبك؟!

ليه انتي ناقصة ولا مالك عزوة؟! لا عزيزتي انتي اكبر من كذا لاتسمحين لاحد يقلل من احترامك


صدقت وهذا ما اعمل على برمجة عقلي الباطن عليه حاليا

👌


طيب ما فيه ضمير يانبه بعد احساس هذي المشاعر
بان البنت كبرت وانا معلقها لا انا اللي خطبتها
ولا انا اللي تركت الناس تخطبها براحتهم؟!!
معقوله ما عنده حس الضمير!!

يعني اقل شي ضميره ما انبه انه قاعد يوقف نصيبك كل ما سمع باحد بيجيك

ضميره له يبله ويشرب مويته عزيزتي لانه بينه وبين نفسه

انتي عليك من جوارحه.. الرجال له سنين يتكلم

وينه طيب؟!

ماجا ببالك انه ممكن يكون ضيع فرص خاطبين كويسين عليك وانتي ماتدرين؟!

ان شاء الله
ودعواتك لي

الله يوفقك يارب ويكتب لك الخير ويسخر لك الطيب من خلقه ويبعد الشر عنك

هو اكيد ما يمشي ويسولف
لكن مثلا لما يكون عندنا عمل مع موظفين ما يدرون ان حضرته يبيني
يسارع لارسال احد يعطيهم خبر ان فلان يبي فلانه في اجل غير مسمى😅
يعني افهموها لحد يخطبها
طيب وبعدين وينك يا سبع البورمبه؟!

لو كان جاد كان سبق اللي بيخطبك

مو يقطع الرزق لين سمع انه بيجيك

هذا كله غير مقبول لاعرفا ولا شرعا

ولا اعتقد اهلك بيرضون لو سمعوا بكل هذا

اذا كنتي قوية كفاية.. انشري تلميح ان في احد مايتفوت بيخطبك وقاعدة تفكرين عشان يهجد عنك وبيبان هو يبيك ولالا

وان الحياة مو واقفة عليه

لكن لا ترتبطين لمجرد انك تبين تقهرينه

عندك استعداد تضيعين كم سنة زيادة عشان تتاكدين هو جاد او لا؟!

لا توقفين حياتك على انسان

ولاتسمحين له يوقف نصيبك

__________________

اختلافي عنك لا يعني اختلافي معك

الله لا يجيب الندم يا اخي
اذكرني بدعاءك في هذا اليوم الفضيل

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

لا تفعلي .. إلا إن عاد من تلقاء نفسه.



تعرفين..

فكرة أن زميلك يعلن رغبته فيكِ ويحذر الآخرين من التقدم لكِ تبدو فكرة رومانسية جميلة .. وتدغدغ المشاعر دون شك.

ولكن امتداد الأمر لثلاث سنوات ـ دون خطوة جدية واضحة ـ ربما يفتح باباً للأقاويل وعلامات الاستفهام .. ووينه الأخ اللي حذرنا نقرّب من البنت وكأنه خلاص رايح يوقف على باب بيتها وضامن موافقتها وموافقة أهلها!!

وامتداد الأمر لثلاث سنوات دون تبرير أو توضيح لتلك العراقيل التي تفترضينها هو غير مريح ويشير إلى شخص مغرور أو أناني يعتقد أن الكون ماشي على كيفه وخاضع لرغباته وقراراته لدرجة أنه حتى لم يشعر بالقلق طوال هذه السنوات الثلاث أنكِ ربما مللتِ من الانتظار أو خطر على بالكِ أنه شخص متلاعب وغير جاد!


يعني ما عليه يا حظي .. اللي عنده لسان يتكلم مع الناس ويمنعهم من التفكير فيج .. ما عنده لسان يوضّح لج ظروفه ويترك لج خيار الاقتناع والانتظار؟

__________________


اللهم طِيبَ الأثر .. وحُسْنَ الرحيل.

اللي يبغى يتزوج

بيبحث عن الستر والتوفيق

واللي يبي الستر والتوفيق سيداري اموره بالكتمان

اما حكاية اشاعة خبر اني راح اخطب فلانة

واخرب كل خطبة تجيني

فهذي مالها عندي الا تفسير واحد

هذا الشخص

اما
بيخرّب عليكي

او

بنتقم منك

او

بيطقطق عليكي

الواحد لما يحب شخص فيحب له الخير

لو انا مكانه وكنت اريدك ومااقدر اخطبك الان لسبب ما

وجاء واحد غيري خطبك والله مااجرؤ واخرّب عليكي

لأني احببتك اكثر من نفسي واتمنى لكي الخير والتوفيق

اما اللي بيعمله زميلك فهذا منتهى الطقطقه والنذالة واللانسانيه

__________________

وهذي هي اخيرا الكلمة جت من رجل 👍👌

__________________

اختلافي عنك لا يعني اختلافي معك

معليش رحت اصلي

.
اخي لماذ نتزوج

هذا الشخص

اما
بيخرّب عليكي
يخرب ايش؟
اش عندي حتى يخربه
حتى هو من قسم وانا من قسم ما فيه تنافس بيننا
وايش يستفيد لما يخرب؟ ولا بيني وبينه الا كل خير


او

بنتقم منك
ينتقم من ايش؟
وليش ؟
والله ما بيني وبينه شي ف ينتقم من ايش؟!


او

بيطقطق عليكي
مو هذي السمعه المعروفه عنه بصراحه!
انا اشتغلت معه بنفس المكان 6 سنوات (ثلاث منها بعد ما بدا هذا الموضوع)
عمري ما اسمع عنه الا كل خير ومدح من الموظفات
انه انسان راءع واحسن شي فيه ان ماله في الحريم( هذا كلام الموظفات انفسهم)
وسمعت مره وحده قبل يبدا هالموضوع تقول ما شفت شخص محترم زي فلان

مو معقول شخص بهذي السمعه
يطقطق على وحده مهي من قسمه اصلا ولا بيننا اي عمل
نقول نتج عنه حقد او انتقام او كره!!

وانا انسانه معروفه في عملي بالاتزامي والحمد لله
فلما جا يطيقطق يختار المحترمه اللي الكل يشهد بسمعتها!
مالمنفلتات كثير ويستاهلون الطقطقه!!


لا اتوقع ايا من تخميناتك
ليس املا في حب وما حب والله
لكن لانني اعرفه جيدا ليس من هذه الانواع!




الواحد لما يحب شخص فيحب له الخير
صدقت في هذه



لو انا مكانه وكنت اريدك ومااقدر اخطبك الان لسبب ما

وجاء واحد غيري خطبك والله مااجرؤ واخرّب عليكي

لأني احببتك اكثر من نفسي واتمنى لكي الخير والتوفيق

اما اللي بيعمله زميلك فهذا منتهى الطقطقه والنذالة واللانسانيه
منتهى النذاله واللانسايه نعم
لكن طقطقه صدقني . لا

ومع هذا اخي ماهي حلولك ومقترحاتك؟




لي عوده لباقي الردود لاني استعد للدعاء في يوم الجمعه
ولا تنسوني من دعواتكم

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

الفكرة الثالثة و الأخيرة لا تدل على وعي أو نضج
الزواج ليس فرصة لإنتقام او تحقيق مآرب شخصية *

انتبهي تخلين مشاعر "وقتية" تأثر في قرار مصيري مثل الزواج .

نصيحتي لك تفكرين في كل خاطب يأتيك "بجدية"
مش عشان عمرك او او
لكن لأنك ما تدرين وين النصيب
و لا تسمحين لمشاعرك السابقة تخليك تصدرين حكم رفض مسبق .

أحلام مستغانمي لها كتاب جميل بعنوان "نسيان"
تعالج فيه بأسلوب أدبي راقي مسألة انتظار المرأة لرجل "قد لا يستحق هذا الإنتظار"
انصحك تقرأينه جدا ممتع و مفيد نفسيا.

__________________
اللهم اجعله لي كما أحب ، و اجعلني له كما يحب ، و اجعلنا لك كما تحب.

ما فهمت الجزءية الاولى من ردك اللي هي هذي
(يمكن شال فكرة الخطبة منك انت ، وخصوصا انه يوم تجرأ ذاك وقال له انه يبي يخطبك)
هو ما قاله انه يبي يخطبني هو خطبني فعلا بنفسه كلمني
ماكان يعرف ان زميله يبيني (هم زملاء عمل وليسوا اصدقاء)


اما قولك
(حسيّت لوهلة ، أنك تبين تحركين سكون ذاك بقبولك خطبت زميله وتوصيله خبر موافقتك)
فلا والله ليس ليتحرك
بل ان قبلت به ساستمر وعند كلمتي
مو معقول اتلاعب فيه علشان احرك واحد 3 سنوات محلك سر على قولك!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

قصدت ان زميلك اللي تقدم لك مسبقاً من المحتمل انه شال
فكرة الخطبة منك ، خصوصاً انك ما فكرت حتى بالرد سواء رفض أو قبول .. ومع طول المدة
ولأن ذاك كلمّه انه يخطبك ويبيك وصنع قرارك بنفسه ، حسبها وتوقّع رفضه.

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

لا والله مو وضع طبيعي ويا ما جا ببالي لا يكون مريض نفسيا!!!
ومو قادر يسيطر على نفسه ويتركني بحالي!

وياما استعرضت الاعذار له ببالي
قلت يمكن زوجته رافضه؟
يمكن ما عنده فلوس؟
يمكن يحب زوجته؟
يمكن اهله رافضين؟
يمكن يفكر ؟
يمكن عاجبته مشاعر بدون زواج!!

ما تركت عذر ما حطيته ببالي ك احتمال
وكلها اعذار واهيه امام 3 سنوات لاجتيازها!!

تذكرت قوله تعالى ولا تواعدوهن سرا " الا ان تقولوا قولا معروفا "
ممكن تدخل ضمن الايه انه ما واعدني لكن سال عن مدى رغبتي

وان كنت احترم اكثر من ياخذ رقم وليي ويحادثه
اشعر بجديته ورغبته اكثر

جا ببالي
لكن ايش اسوي ؟!
مالي حيله اسويها!!

عندك حيله اخذ حقي واوصل للناس رساله اني ما ابيه
وانه مع نفسه ما بيني وبينه شي؟
وياللي تبي تتقدم تقدم ما عليك منه

سويتها مع الاسف من اول سنه
ولا تغير شي

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )