تصرف خاطئ جدا , قلت لك في ردي السابق , اعز ما على الرجال كرامته , انتي مو بس اهنتي كرامته , انتي دستيها برجولك

واللي بالأحمر , يبين انك فعلا تفكرين كيف تذليه او تتفضلي عليه , وش اللي لوجه الله ؟؟ حرام عليكي هذا زوجك , لا تجلسي كذا تعامليه كأنه فقير

الله يعينه عليكي بجد

أحبه عزيزتي بكل مشاكلكم يكون الحق معاك بداية الأمر وللاسف بسبب تسرعك تنقلب الطاولة عليك و ينحط الغلط عليك ! ..

يوم زعل جان ظليتي فعلا ببيت اهلك واليوم الثاني رجعتوا بظل الرجعه وقت الفجر او الصبح ! يكون هو بعمله او بالخارج وانتي تجهزي اموره مثلا من وجبه هو يحبها وتعطري المكان وتهدئيي الامور وارسلتي بكل ود ( ياحبيبي انتظرك على احر من الجمر ببيتنا) وان عاتب فعاتبيه بدلع وهدوء مثل ( يعني ماتفرح لفرحي ؟ انا حبيت اغير جو طول الاسبوع بالبيت لا ونيس ولا جليس) ..

حاليا ،،، طنشيه ولاتحاولين ارضائه باي شكل .. اتركيه يهدء كما في المرات السابقة ولاتضغطي عليه من الناحية المادية اي لاتجيبي سيرتها لابخير ولابشر ! .. شي ناقص بالبيت انتي اشتريه من غير ما تطلبيه منه( مراعاه لوضعه بشكل غير مباشر) اكملي الاحتياجات من نفسك ومن غير مايطلب اسحبي فلوس وخليه بالثوب بدون ولا كلمة او رسالة ...

عزيزتي ،، لحد الان مشكلتكم ما حليتوها .. زوجك يحس بعدم الثقة والامان عندك ،،، وانتي تحسي بانه باي وقت هو راح يستغلك ويستغني عنك !! .. مشكلة وتحتاج حل والا فامور راح تتعقد اكثر ...

الله اللي يعلم عن نيتي لاتحط شيء بذمتك .. أصلا من أنا عشان أهينه وأذله .. ولو عندي فلوس بيدي وربي لاحطها في جيبه بدون مايدري .. لكن للاسف ماعندي وماأحد بيسحب لي من الصراف وهو مايكلمني..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ياحبيبتي لما رجعت هو كان موجود في البيت وكان يوم إجازة مافي دوام ..

بالنسبة للفلوس أنا ماعندي فكه بيدي لازم أحد يسحب لي من الصراف وماأقدر أخرج لحالي بدونه فما كان قدامي إلى هالطريقة.. فعلا مثل ماقلتي المشكلة في عدم الثقة..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

سؤال
هل علاقتكم حميمية و تبادرينه
وتفلينها معه أو تكونين عنده مستحيه وسوالفك معاه بالقطاره و لا ضحك ووناسه بالبيت

لا أبدا علاقتنا حميمية وأبادره وضحك وسوالف ووناسة في البيت .. بس حاليا كل واحد لحاله في جهة .. مايجلس معي في الصالة وينام لحاله .. ويدخل ويخرج من البيت ولا حتى يسألني تحتاجين شيء .. تخيل بس على الخبز والجبن ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أنا أكره زعله .. يمحي وجودي من البيت ولا كأن في انسانة معه لها حقوق .. لاحول ولاقوة إلا بالله أحس إنه كارهني .. وش اللي يقعدني مع انسان مايبيني!!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

بالعكس
أرى أنه يحبك بكل ماتعنيه الكلمه من معنا
لكنه كأنه طفل و من شدة حبه لكي لا يزعل من الإشارة إلى أنك مستانسة مع غيره

بسألك سؤال واسفه اذا بيضايقك بس هدا اللي اشوفه
انتي تقولي ع خبز وجبن وقبل تقولي ماسألني تبغي عشاء
ليش انتي ماتطبخي في البيت ولا ماعندك اغراض
لأن مستحيل بيت دحين مافيه ع الاقل معلبات ولامفرزنات
ادا ماتطبخي اتوقع السبب الرئيسي للمشاكل الطبخ الرجال يحب
اللي تهم اكثر شي بأكله

__________________

ياأختي زوجي مايحب يقضي بالكمية .. يقضي كل شيء في وقته.. وإذا ابي أسوي شيء اطلب منه الاغراض ويجيبها في وقتها وأطبخ .. وهالفترة لأنه زعلان ماقام يسأل .. وأنا عن نفسي ماأحب أطلب خاصة وضروفي المادية كذا .. أتمنى تكوني فهمتي وضعي..

طبعا قبل أمس طلبت منه اغراض عشان اطبخ في البيت قالي مايحتاج قلت براحتك .. وماعاد طلبت منه شيء غير الخبز والجبن..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..