المشكلة الفرق بينكم قريب 10 سنوات

عيب و الله ..

ريتاج خلي أبوك يدخل بالسالفه ويتفاهم مع زوجك

رمضان على الأبواب ، ما يصير تطولون بالزعل

اقولكم ما اظن مدري ليه ماتصدقون .. خلاص اوك انا اظن وربي اللي بيحاسبني اذا كنت اظلمها واذا كنت ما اظن و ظني صحيح هي اللي ربي يحاسبها .. والفرق بيننا 10 و لا 30 .. اقولكم هذي اكبر من عمرها وتتصرف تصرفات مسبقة التخطيط عن درايه كامله و اقولكم اكبر خواته البنات الغير متزوجات .. يعني اكبر وحده بالبيت عمرها ماوصل 19 ومع هذا سببوا مشكله لزوجته الاولى وخلوه يطلقها ماجلست اقل من شهر .. و الشي الثاني بأحد المرات تعرفون انتوا فضول الزوجه الثانيه كنت اسئل 2 منهم وحده اللي تدافعون عنها والثانيه اكبر منها بسنتين .. المهم اللي اكبر قالت والله حرام كانت حليله وماتستاهل الطلاق و والخ .. قالت هذيك لا احسن خليها تولي نسيتي لما طلبتها تطبخ لي كذا وكذا وهي سوته بدون نفس والخ .. يعني شوفوا تتشمت بمرت اخوها بسبب تافه انها ماطبخت لها حسيت كنها تتوحم .. وبس تسبها وتقول احسسن ماخليناه يرجعها لانها شايفه حالها و والخ .. ولما سئلت زوجي خواتك سبب طلاقك الاول ؟ قال لا مالهم دخل .. مع ان كل الناس يقولون خواته وانا عرفت من اخته هذي ان لهم يد ومع هذا قلت بزره وتكذب وصدقت زوجي .. بس بعد اللي صار لي تأكدت انهم هم السبب .. ومثل ماقلت لكم هذي مو طفله هذي بالغه ونصها يمشي تحت الارض وكل ماروح لهم تقول ليه ماتطبخين لنا ؟؟؟؟؟ ومره كنا نسولف وقلت لها انا وزوجي قررنا بس تتزوجون كلكم راح نسكن تحت انا وهو عشان نونس امك وابوك وننفعهم ونملي عليهم البيت والخ .. قالت لااااا والله ؟؟؟؟ واضح هدفكم تبون عشان تااااارثونهم عشان لاماتوا يصير لكم ؟ .... انا اللي عمري بالعشرين وانا مرت الاخ الشريره على قولكم .. قسم بالله ماخطر لي هالتفكير ولا همي هالشي .. وهذي ماقالت اي احسن زين تسوون .. ع طوووول راح تفكيرها لاماتوا اهلها البيت لمنو .. وتقولون لي صغيررررره ؟؟؟ مهما اعدد ومهما اقول تتعاطفون معاها ويعني انها مظلومه اذا كنت ظالمتها ان شاء الله القاها انا .. مستحيل اظن ظن سوء بأحد الا اكون متأكده منه حتى لو ماعندي دليل .. وانا الحمدلله ربي يستجيب لي دعواتي على طول ماعمري دعيت وماصاب حتى مره زعلت على زوجي ولاشعوريا دعيت عليه وصاب .. وندمت وادري حرام ادعي على احد لكن هالمره دعيت عليها بصحتها لانها اساءت لي وتسببت لي بمشكله كبيره مع زوجي وخلتني لي كم يوم عند اهلي وانا حامل وممكن هالموضوع يوصل للطلاق وقتها خطانا برقبتها .. من امس من الزعل والقهر جاني شد قوي ببطني بغيت اخسر بنتي بسببها لاحد يقوللي صغيره لانها والله تتصرف اكبر من عمرها وفيها

لاااا الأهل مصيبه .. و ابوي الله يرحمه .. بس اخواني يكبرونها ويسوون مشاكل ويطلقوني غصب وخاصه ان زوجي مايتفاهم بعد و حذرني من ايام الملكه مهما صار الاهل لاتدخلينهم

من وجهة نظري كل شي يتئجل الي بعد رمضان

__________________
سبحان الله وبحمده سبحان الله العظيم

اخوي شاطى انا معك يتأجل وهذا انا ساكته عنه وماراح اكلمه الا لما يكلمني لان سويت اللي علي .. مع ان انا احبه ومقدر ابعد عنه بس خلاص الله يصبرني اعتذرت وبريت ذمتي وحاولت معه ورفض يجي ياخذني .. ما انكر ان ندمت لان تكلمت وانا معصبه واقول ياليتني نزلت ساكته ومارفضت ارجع معه كان نتهاوش شوي ونتصالح وتعدي هالليله بس لما افكر الاقي نفسي كنت بلحظة انفعال صعب اتحكم ب اعصابي والله ويمكن خيره ابقى عند اهلي بس ان شاء الله ربي يحنن قلبه ويراضيني قبل رمضان لان حتى اخوي شك بوجودي وقال ليه هنا من كم يوم قلت تعبانه من شغل البيت و زوجي سمحلي ابقى عند امي و احتمال ابقى طوال شهر رمضان قال لا وين مافي تبقين للرمضان ارجعي اليوم او بكره .. طيب مو بيدي و مو حلوه بحقي ارجع وهو رافض يرجعني

ليه التأجيل لبعد رمضان !

أيش تركو للمشاكل الكبيره

الوحده ما تترك بيتها ألا عند الضرب خمر مخدرات



ريتاج الله يرحم أبوك طيب صارحي أحد أخوانك بألي صار والا الموضوع بيكبر

مقدر اصارح احد ومقدر اعتذر له مره ثانيه والله محتااااااره وتعبت نفسيتي

أخوانك واح يحسون أن بينكم مشكله

الأفضل تصارحينهم

تصارح أخوانها يعني تفضح البنت عند أهلها!!

__________________


اللهم طِيبَ الأثر .. وحُسْنَ الرحيل.