هذي أمه يا جماعة أمه!
أمي اخليها بفندق و بيتي موجود؟!!!!
لو اطلع من البيت عشان أمه أو أمي تقعد ..
اكرر .. مؤمنة بخصوصية غرفة النوم
بس لما الانسان لما ينحط بهالموقف شيسوي يعني !
ما تغلى عليهم غرفة النوم
لو من باب إكرام زوجي..
أمه شالته ببطنها .. و سهرت عليه ووو إلخ
تغلى عليها غرفة نوم ؟!!!!
للنار البيت و غرفة النوم و كل شيء.. شدعوة
ترى هذي اشياء مادية احنا نضيف لها القيمة والمعنى
ليش نضيع عمرنا بأمور سخيفة ما تستحق
يسوى ازعل زوجي حبيبي عشان غرفة نوم!
ما اتخيل ما اتخيل أمي تجي ويقول لي تأجري لها في فندق
او خليها تنام بالمجلس!

حطي نفسج بمكانه...

__________________

حاجة الناس إليكم من نعم الله عليكم ، فـ لا تملوا النِعم ☁✨

مع هذا الرأي ..

عشان البيت غرفه وصالون بس قلنا كدا
يعنى مافيه مكان لضيوف زياده
والمفروض الناس يكون عندهم نظر و مايضيقوا اكثر
بو كان فيلا و غرف زايده ممكن لكن ناس على قد حالها ليش نكلف عليهم
ونحاشرهم ببيتهم دا العيب والله ..

ان كان حق الضيف بالشريعه ثلاثه ايام فقط
سوا كان المضيف غنيا او فقيرا ..
فليش نضيق على غيرنا ؟!!
لا الضيوف يرتاحون و لا اهل البيت يرتاحون

ان كان الشخص كريم و راعي فزعة وجامل على حساب نفسه واهل بيته
فمن الذوق ان لا نحمله اكثر من طاقته او حتى طاقته هو واهله
ممكن يجاملنا لانه عيب بعرفهم انه يرفض و هنا علينا ان نعتذر ونشيل انفسنا
و لا نضيق على خلق الله ..
الشقق المفروشه مافيه ارخص منها الان ومو شرط فايف ستارت
ناخذ شقه او غرفه على قدنا ..

ومثل ماقالوا بالمثل ( يا بخت من زار و خفف )^^

لما كنت على ذمة طليقي الاولى احترق بيت اهلي واضطرت امي اتيي بيتي ونفس بيتك ماكان فيه الا صالة وغرفة نومي وغرفة مكتب ... زوجي وقتها حتى ما سألني ولا سوا مشكلة قام اخذ شرشف و مخدة وراح نام بغرفة المكتب على الارض وخلاني انا وامي ننام على سريره وترى هو الريال وهو صاحب البيت والكلمة كلمته ومع هذا أكرم امي وهالموقف حتى بعد الطلاق مراح أنساه له

__________________
لا اله الا انت سبحانك اني كنت من الظالمين

من خلال بعض الردود
وردهم العقلاني نقول الحمدلله الدنيا الى الحين بخير
وهذا يدل على التربيه من الصغر
لما الانسان من صغره وهو يشوف بيتهم مايفضى من الضيوف يكبر وهو يعرف حق الضيف
بعض الحريم تحاول تدخل حتى بالشي اللي مايخصها وتجيب لنفسها الاهانه وياليت بس كذا تحاول تفرض طريقتها وتفكيرها وتربيتها على اللي حولها

عجبي

اخواني .. اخواتي

الرجاء الإبتعاد عن المهاترات والنقاشات الجانبية
التي لا تخدم الموضوع و وتخرج به عن مساره


الإدارة

__________________

حاجة الناس إليكم من نعم الله عليكم ، فـ لا تملوا النِعم ☁✨

أشكركم جميعا على ردودكم .. وأنا سكت على الموضوع غصب عني لانها وصلت لشيء كبير فتعوذت من الشيطان وبلعتها وسكت .. وقلت له بالنهاية هذا بيتك وهذولي أهلك يعني أهل البيت هم الداخلين وأنا الخارجة .. سبحان الله مع إنه دايم يقول الحياة مشاركة وتعاون وبالاخير طلعت ولا شيء عنده .. عموما أنا تغيرت حسابات كثير عندي ماعاد يهمني شيء بالدنيا غير سعادتي وانبساطي وقبل كذا أمي إللي منعني إني أبرها بالمبلغ إللي كنت اعطيها هو شهريا وصرت أعطيها من دون مايعرف كاني اسرق أو أسوي شيء عيب أو حرام ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

مااعرف وش تفكيره الغبي في البر .. يعني إنك تبر امك يعني تنومها على سريري .. لا ويقول وش فيها إذا نمتي انتي وهي سوى على السرير .. أنا متأكدة لو إني رحت زعلانة عند اهلي إن الكل راح يلومه على تفكيره بس تعوذت من الشيطان انقرصت بقلبي وبلعتها مثل الجمر وسكت..

لا وكنت ناوية ابني بيت لنا .. بكرة الاقي كل اهله رايحين وجايين من عندي ومااخذ راحتي في بيتي

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

صحيح الحياة مشاركة.

لكن .. هل لو كان زوجج شاورج كنتي بترضين؟


الجواب: لا.

صح والا أنا غلطانة؟



فرقٌ يا لستُ بين الأهل وبين الضيوف.

__________________


اللهم طِيبَ الأثر .. وحُسْنَ الرحيل.

كل انسان عنده مبدأ وعادات في حياته بس هذا ما يعني انه سيئ او مو متربي انا مثل لست ما احب احد يستعمل غرفتي بس ممكن الواحد يتغاضى ويعدي تفادي للمشاكل