مهره هاي حركات تبا ترد فيها مش عارفه كيف.،

من هالشي انا افضل النقاش بعد الولادة .،

__________________

ما عندي شك إنها تبا ترد .. لكني شايفة إنها ما تبا تناقش موضوع أهله ولا تبا تغير رايها فيه .. وحركاتها تشتيت للأخ صاحب الموضوع .. وبدل ما يركز على المشكلة الأساسية يالسة توجّه تركيزه لأمور أخرى.

هي عارفة إن مالها حق في موضوع أهله .. وشايفة إنه لا يزال متمسك بموقفه .. ولو اقتصر النقاش على هالنقطة ما راح تكسب شي .. ولو رجعت في هالحالة بتكون هي الطرف الأضعف اللي انكسرت عينها جدامه وجدام أهله .. فقالت تخترع مشكلة تطلعه فيها هو الغلطان وهي اللي معاها حق.

__________________


اللهم طِيبَ الأثر .. وحُسْنَ الرحيل.

مشيت من البيت للدوام وهي موجوده .. لكن عندها موعد 11 ونص

تبيك توصلها الموعد .. وبعدها ترد البيت وتخلي الامور معلقه من غير حل

شو بتكون ردة فعلك ؟؟

__________________
وهل من مصير اخر ؟

بصراحة ما ني شايفة انها حاطة واطي
تتخبط وتائهة بس ما تبغي تتنازل
لا تصعد معها خليك هادئ و لطيف قد ما تقدر
في حالة اذا فتحت نقاش عن نقاط الخلاف بينكم خليك حازم و قول ما عندي غير دا الكلام
ان شاء الله تقاربكم يكون فيه خير
خليك هادئ و برد اعصابك علي قد ما تقدر

__________________

يا رجل


مختصر الكلام انها تبي ترجع من زمان بس "يازعم" ان ما رجعتها الا الغيره عليك،،


وسالفة البنات والارقام والخرابيط هذي حجه فقط لا غير

طيب سو نفسك مصدق،، وطيب خاطرها بكلمين ووريها الجوال وسكر عالموضوع..



ان شاء اللله انها تسنعت ،،

جات لين عندك .. واحضنتك .. هذا اكبر دليل انها تبي الصلح بس هي تكااابر وفاهمة عزة النفس غلط .. او يمكن فيها عناد مايخليها تتراجع عن موقف اتخذته ..
خلاص يا اخي .. اطووا صفحة الماضي والمواقف والاخطاء السابقة .. اجلسوا جلسة صلح واتفقوا انكم ماتتكلموا ولا تناقشوا الاحداث اللي صارت .. ووقفوا اللوم والعتب من الطرفين ..
ابدأوا حياة جديدة من الصفر .. فقط اتفقوا ان كل واحد يراجع نفسه ويصحح اخطائه بنفسه ..

.
زوجتك تحبك جدا ومتمسكة فيك جدا لكن أسلوبها خطأ في التعامل معك.. يعني بدل ماتكحلها تعميها..

يا ابني زوجتك جاتك لعندك برجولها قدر جيتها وثمنها وهذه تحسب نقطة في صالحها ..(آمل أن تغض النظر عن الطريقة والتوقيت والكيفية).

زوجتك موقفها ضعيف وهي في قرارة نفسها تدرك أنها على خطأ.. لكن تأخذها العزة بالإثم وتصر على موقفها الخاطيء.

ترفق بها وانزل لمستوى تفكيرها لا تطلب منها هي اللي تطلع لمستوى تفكيرك..

هي غير ناضجة ومضطربة نفسيا ليس بسبب الحمل لا.. إنما بيئتها التي نشأت فيها كونت شخصيتها..

كما تترك بعض الأطعمة الساخنة لتبرد اترك بعض المشاكل لتهدأ.. يعني لا تشد وهي تشد والله بتنتهي حياتكم ويفرح الشيطان..

كنت أتمنى ترحب بقدومها ترحيب غير مبالغ فيه وياليتك قصرت الشر ووريتها الجوال بهدوء وثقة عشان تخجل من نفسها..

يا أخي إنتو حديثي العشرة وهي تنصت للناس وتتأثر.. يعني مع الأيام والعشرة راح تثق فيك وراح تستحي من تصرفاتها اللي سوتها معاك.

ارخي ولا تشد أعطها الأمان وأكرم قدومها فما أكرمهن إلا كريم ..

هذه فرصتك لا تضيعها لتحل المشكلة.. الأهم إنكم تحلوها بينكم وبين بعض بدون تدخل أطراف خارجية.

سايسها بكل أنواع المسايسة لتصل لماتريد وحوارك يكون معها بحنان وهدوء ولطف..

انس أنها زوجتك مؤقتا.. وتعامل معها كصديقة بينكم مشكلة وتحلونها.. أكيد بتختلف الإستراتيجية في التعاطي مع المشكلة..

وإذا أنت عاقد العزم هذه الإنسانة ماتبيها ولا تصلح لك.. خلاص مافي داعي لتطويل الموضوع.

مييته تبي الرجوع للبيت وميتة تبي تراضيها
بس ماراضيتها

وتحبك وتموت فيك بس فيها مكاااااابره فضيييييعه وسوء تصرف
يعني خلاص ماعندها صبر رجعت للبيت واحتضنتك حبا وشوقا وبما انها مكابره درجة اولى قالت ابحضنك قبل الطلاق ..

واقولك من الان ماتبغى الطلاق ..ماتبغى الطلاق بس ماطلبته الا باب المكابره

الواضح لي .. ي اطخه ي اكسر مخه ماعندها مرونه ابد في التفاهم وتبى تفهمني انها على حق حتى يوم طلعت من البيت !!

وموضوع الآحضان .. ي ليت كانت عندها ملافظ حلوه وماتقول اخر احضاني قبل ماتطلقني !!!!

وفي وقت النقاش اذا ماعجبها شى على طول خلاص طلقني ماننفع لبعض .. !!!

سمعتها كثير منها .. !!!

من نظري .. لازم اخذ قرار ونوقف هالمهتارات اللي مالها اول ولا تآلي ..