كنت بقولك غيري رقمك وجهازك
بس يمكن تكون مخترقه جهاز زوجك !

اش رايك تتفقوا تغيروا ارقامكم واجهزتكم؟!
ولا تستقبلوا من اي رقم غريب اي صور او مقاطع


نقطه اخيره
ام زوجك تعرف انه بيرجعك
لكن هل تعرف انه رجعك خلاص؟! " وقت ما ارسلت البنت "؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

مااعتقد تجسسس
صعبه
اكيد وصلها خبر
يمكن من امه

رحت معاه امس ..
دخلت البيت وكنت مرتبكه لدرجة دائما اسبقه .. هالمره مشيت ورآه .. حتى الاضآءات مافتحتها هو اللي فتحها..
قال هذا كنب اشتريناه بالسعر الفلاني وهذا مطبخ اشتريناه بالسعر الفلاني وتعالي اوريك .. هذي شنط جهزناها كنا بنسافر تركيا بس الطقس الان مايناسبنا.. يقصد شنطي اللي لميتها..

الموهم دخلت ولبست وجيت جلست بالصاله عنده .. حسيت بالخجل كأني اول مرا اجلس عنده ..

ما خلاني اتكلم ..
مر الوقت وانا احس اني فعلا مع شخص غريب .. شعور الحب كان معدوم ..
طلبت منه نتكلم بعد جهد جهيد سمع كلامي .. وكل ما اقول شي يرجع لموال انه مو وقته ..

كلمته عن تدخلاته وعدم ثقته فيني
برر انه هو مايقصد انه مايثق فيني بس هو لما يقول رأيه الناس تحسه يتأمر وهذا أسلوبه حتى بالدوام.
قلت له افصل بين حياتك مع كل العالم وحياتك معايا .. انا ابغى راحة وهدوء وتفاهم ما ابغاك بكل مرا تقسى وتعاقب وتتعامل معايا بنديه..


تكلمت معاه ع قدر الضغط قلت له بذمتك مو من اول اليوم وانت جالس تستفز فيني؟
مو قلت لك انا تعبانه جسديا ونفسيا ؟
مو ترجيتك لا تتعرض لي ؟
مو انت اللي طلبت مني اطبخ بالقدر وانه انت زي كل مرا تقفله ؟
قال المطبخ شغلتك .. خلاص ماعاد أتدخل ابدا
قلت طيب يقولوا في قدر ضغط آمن ..
قال ما اعرفه .. بس أشتريه لك اذا تبغيه ..
تكلمت معاه عن بنته وكيف انه يتدخل بكل شؤونها اللي تخصه واللي ما تخصه
قال ماعاد أتدخل .. بنتك وانتِ حره فيها
قلت مو لهذي الدرجه بس في أشياء تهمك وتتدخل فيها واشياء لا
قال أبشري ..
قلت والبنت اللي كلمتني
انفعل .. ارتفع صوته شوي .. قال مو وقت عتب .. انا مشتاق لك .. قلت وقته .. انا مات الشوق فيني
قال عمري ما حبيت احد قد حبي لك ومازلت
قلت أسعى انك ترجع محبتي القديمه لك ..
قال افهم انك ماصرتي تحبيني ؟
قلت مجروحه ..
قال وانا ماني مجروح ،؟ والله قلتِ لي كلام عمره ما احد قاله لي .. قال كل مرا اجي بيتكم علشان اقابلك واتراجع وانا بمجلسكم .. قال لكن جلست اسبوع أتردد ع الهاتف واشغل لكم نت سريع .. علشان أعرفك تحبي الأفلام وماهان علي لما اخذت المودم منك هذاك اليوم ..
قالت له : مين كان يعامل الثاني بقسوة .. مين اللي كان يتحركش علشان يعصبني ويبكيني .. ولما عرفت انه هذيك البنت كلمتني خليتني بهمي مافكرت تعتذر لي .. او حتى تبرر لي .. وعلى فكره للان ماسمعت منك اعتذار عن اغلاطك بحقي ..
كلام كثير ويلف ويدور ..
قلت له البنت هذي انا عارفه أنها .... وانها... كلام سَيّء طبعا .. لكن انت ؟
انت اللي مديها وجه وماشي معاها ..
ايش تدور ؟
انا مقصره معاك ع .. ؟
قال وربي لا
قلت طيب والحب .. الحب تدور عنه بعيد عني ما انت عارف حجم حبي لك ؟
قال والله اعرف والله وانا احبك والله ما أحب بحياتي غيرك .. حتى زوجتي هذي الفتره تغيرت للافضل وتحاول اني ما ارجع لك لكن عارف انها كذابه .. انا اشوف الحب بتصرفاتك بعيونك بكلامك ..
جاتني ارتجافه وما تحملت وجلست ابكي وانا اتكلم بس مو بكا بصوت بس دموعي تنزل وأطل بجهه ثانيه غير اللي هو فيها واقول طيب ليش ؟ طيب انا ما استاهل هذا كله ؟ والله اني انظلمت منك والله ماستاهل هذا كله .. حاول يهديني ويقول معليش سامحيني انا ورايا مشاكل كثير وقام يكرر امي زوجتي أولادي ديوني وزاد عليهم هذي البنت .. وجلس يقول انا خايف راشي ينفجر بيوم من التفكير
قلت له علشان البنت تهددك ؟
قال يوووه البنت والبنت ترى والله حاظرها من كل ناحيه .. انسي البنت ..
كلام كثير كثير كثير دار بيننا .. مدة تواجدي معا كانت سبعه ساعات ..
واتفقنا نبعد عن المشاكل .. هو يحاول يكون لين ومرن اكثر .، وانا بهدأ واسمع كلامه ..

لما كلمته عن البنت قال بالله في وحده تقدر تقول فلان نام معايا وانا الان مو بنت ؟
يعني المفروض انها تستر ع نفسها مو تفضح بنفسها قدامك..
وعلى فكره هي تكلم زوجتي وتسجلها وتسجلي وتسجلك ..
قلت له عندي فكره .. الشيطان شاطر لو فرضنا انه انت غلطت معاها والإنسان مو معصوم من الغلط .. عندي حل .،
ماصار يطل فيني وسكت هو
قلت ليش ما تكلم امها وتقول لها بنتك لو مابعدت عني راح ارسل لابوها محادثاتها وصورها وووو
وقول لامها انه عندها جوالين وخليها تتلف اللي فيه صوتك وخلصنا ..
قال لا مافي شي من هذا كله هذي بنت مريضه قفلي ع الموضوع انا مشتاق لك وما ابغى اعكر مزاجي اكثر .،

بلحظه من اللحظات وانا بحضنه بكيت بهستيريا اقوله ليش ليش ضيعت من داخلي احلا المشاعر كانت لك .. يقول كل شي يرجع احسن من اول ان شاء الله
قلت اللي انكسر ما يرجع زي اول



وصادقه انا اللي انكسر ماعاد يرجع زي اول






بالنسبه كيف عرفت ..،
امس محد كان يدري اني معاه
حتى امي ما عرفت اني وديت بنتي بيت اختي ورحت معاه البيت الا متأخر قبل ما اجي بساعه يمكن

__________________

شوفي استبعد برامج التجسس
اما عضوة بالمنتدى وهذا بحد ذاته مصيبة لان كل حياتكم دفتر قدامها..

او عن طريق بناته..

برضو هو استبعد

بما انك قررتي تتجاهلين تماما علاقتهم
غيري رقمك
أحضريها
أملي حياة زوجك بالكاااااامل..
هذي جالسة تخرج مسرحية بطلتها البنت المسكينة اللي تركها حبيبها علشان زوجته وهي المسكينة الحريصة على حياتهم😠

السلام عليكم ورحمة الله وبركاته..

مرحبا منفردة..

1/ وبدون تردد احذفي كل برامج التواصل الله يرضى عليك، ماوراها إلا دمار البيت وبدون تردد..

2/أنت الآن تحدثت مع حبيبك زوجك وتناقشت، إياك أن تعودي فتح هذا الباب مرة أخرى زوجك الواضح إنه يحتاجك منفردة وأنت كذلك دون مكابرة على مشاعرك حتى ولو في الداخل ألم وصدمة..

3/لا تجعلي بشر مريضة تستحق الشفقة تخرج أسوأ ما فيك يامنفردة، لا تعلمي كم أشعر بالألم في داخلي عندما اسيء لأحد لإنه يؤلمني جدا أن اسيء بحق نفسي لأناس قلوبهم مريضة لا تسمحي لها تجعلك تعصبي وتعلي صوتك و ووو انتبهي وكمان زوجك لا يريد ذلك..

4/اوقفي العتب كليا كليا خلاص استوب انتما محتاجين لعودة العلاقة أفضل مما سبق..

5/زوجك يعلم بإنك لا تثقين به الآن لكن انتبهي اجعليه يثق بك كما كان وأفضل..

6/ الحديث السلبي اللي بداخلك وقفيه مهما كان موجع سيزول حتما لن يبقى شيء ثقي بذلك..

7/ لا تؤخري عودتك له البعد يولد فجوات بينكما..

8/ هذه الفترة بقدر الإمكان كأنك في اختبار ولابد تسيطري على أعصابك، لا تخلي قولها يرجعك للوراء بعد انقطاع أشواط للأفضل

لا تسمحي لها بل اشفقي عليها لمن هي تدمر حياتك..

9/إذا كان الشك ياكلك منفردة اتركي الأمر لله وهو سيبصرك الحقيقة واقتربي منه سبحانه..

10/هذا موضوع في ردود لأمي أنلميتد لأحد الأعضاء جدااااااا رائعة واعيدي قراءتها حتى تتشربيها واعملي به وبدون نقاش...

http://www.66n.com/forums/showthread.php?t=263352

هيا منفردة كفى استسلام هيا فلا تسمحي لمخلوق متعب يسرق سعادتك مع من تحبين ومن يحاول سرقها ضعيهم في القائمة السوداء..

اريد أخبار جميلة فقط فقط لا تخذليني ولا صغيرتك التي تحتاج أن ترى أبيها وأمها بقرب بعض..


http://www.66n.com/forums/showthread.php?t=263352

بقولك شي تاكدت منه من خلال رسالة البنت النصيه ...

البنت شريره ووحقيره وانتبهي منها ... شرها ولاشي قدام شر زوجته الاولى ..
على فكره هي داهية و مو ضعيفة او طفله بريئة ..

وزوجك ذكر انها تخرب على زوجته الاولى وتراسلها وتغيضها ..يعني ناشره شرها عليكم الثنتين ..

حبيبتي من صياغة الاسلوب برسالتها .. رسالة انسانه محتره مغتاضه
لو من جد تبغى لك الخير ماراسلتك وفتحت شرارة مشاكل بينك وبين زوجك ،،،

لو من جد صادقه بمشاعرها وفرحانه برجعتك اقلها دعت لك بظهر الغيب ..لان رسالتها ماراح تغير شي في نفسك..

هي متعلقه بزوجك وتبغاه يتزوجها ...لما عرفت انه ماعطاها اللي تبغى قالت اخرب عليه

هي تبحث وتنبش تبغى تعرف اخبار زوجك واخباره مع زوجاته


الله يعينك عليها وعلى شرها ..

ومن ناحية ان زوجك يخبرها انه تصالح مع زوجته امسحيها من راسك ..
يعني برايك تخرب عليه وتنتقم منه وبعدين يخبرها عن تصالحكم
شوية عقل يامنفردة ..
ماتجي ابد

هذا اكبر كلمة غلط فيها المفروض حق الزوجة الاولي محفظ
ولا يتكلم فيها عند الزوجة الثانية

__________________
سبحان الله وبحمده سبحان الله العظيم

منفرده لاتخلينها تحقق هدفها بهدم بيتك
هو صادق مافيه بنت تقول انها مو بنت مهما كان وصار،، والصوت عادي فيه برامج اللحين تركب لك نفس صوتك يمكن هي مركبه صوت زوجك وتبي تهدم حياتك غيري رقم جوالك وجهازك ولاتردي عليها ابداً ولاتعطينه لاي احد من اهل زوجك بس زوجك ،، او خلي الشريحه القديمه في جهاز ثاني مافيه اي برامج للتواصل ولارسائل نصيه واللي يبي يتواصل معك بالاتصال ولاتردي ع اي رقم ماتعرفيه
والرقم الجديد لاهلك وزوجك وفيه برامج التواصل

ع فكره منفرده اذكر مره وحده قالت لي انها تراقب زوجها بجهاز مركبته بسيارته مايقدر يشوفه..
لايكون مركب بسيارة زوجك جهاز وتشوف تحركاتكم

السلام عليكم ورحمة الله وبركاته..

عزيزاتي لا تحاولن تشتيت منفردة بأمور ستتعبها فقط الحل هذا ماتحتاجه وهي تعرف هدفها الحقيقي بغض النظر عما تعرف عن حياتها مع زوجها

أجهزة مراقبة و ووو لايهم سيشتتها أكثر ويعمل فجوة ما بينها وزوجها ونحن لا نريد ذلك..

انصتي لعقلك هذه المرة وستجدي مايسرك منفردة.


ركزي الأساس منفردة فقط، لا تستحق أن تأخذ من دمار نفسيتك أكثر، اصحي وعودي كما كنت..