السلام عليكم ورحمه الله وبركاته :-

من خلال خبرتي في الزواج من خليجية ومن ثما امريكية

وجدت هناك فرق كبير بين الزوجتين (( من ناحية التعامل ))

ولا ادري مافقدته في الخليجية (( هل هو متواجد بنسبة كبيره في الخليجيات او العربيات بشكل عام ؟ ام انه حاله نادره ؟ ))

عموماً سوف اذكر لكم ماوجدتة في الزوجه الامريكية ولم اجده في الخليجية

-------------------------------------------------------

الزوجه الامريكية .... بشوشه طوال الوقت ... عكس الخليجية اللي تشوف معاها جميع انواع النكد

الزوجه الامريكية .... زوجه تحب ان تشاركك في كل شي ... وتحب ان تختار لك ملابسك ، عطرك ، ( موس الحلاقه ) ، فرشاه الاسنان ، ....... الخ. وتجدها تذكرك بأنك لازم تشتري كذا وكذا .......... عكس الخليجية اللي احياناً ماتدري وين ربي مرسح بها ... ( فجأه تسألك عن غرض وتقول هذا لك ؟!!! )

الزوجه الامريكية ...... تحب انها تشيك على هنادمك ..... ماتخليك تطلع من البيت الا وانت جنتلمان ... وتحب هي اللي تربط لك الكرفته او تحلق لك او تمشط شعرك ....... عكس الخليجية ..... عند اهلها بس تعرف انك لازم تكون ( مشخص ) وغير كذا عااااااااادي ... تقول لها وين الشماغ .. تقول ماكويته !!! ..... ..... لا والمشكلة انك اذا طلعت من البيت ( مشخص ) تقول ليه وين رايح ؟؟؟؟؟ وش عندك ( مشخص ) ؟؟؟؟؟؟؟

الزوجه الامريكية ..... كلمة ( اي لاف يو - احبك ) ... ماتغيب على لسانها وتسمعها في اليوم يمكن 7400 مره ... اذا انت في الخارج واتصلت عليك ماتنهي مكالمتها الا بكلمة احبك .... اذا قالت لك سالفه صغيره ... تحضنك في الاخير وتقول احبك ... اول ماتصحى تقول احبك ... في كل مكان في البيت تسمع هذي الكلمه ... وكله كوم والبوس كوم (( هذي يبي لها موضوع لوحده )) اما التسدح والتبطح والاحضان تجده على مدار اليوم ... فجأه توقف وتيجي تحضنك وتبوسك وتقول ( اي لاف يو بابي _ احبك حبيبي )) ............. عكس الخليجية اللي احياناً تحس انك في الجيش (( ما ادري هو خجل ؟ - ولا ماتبي الا الزوج هو اللي يتكلم وهو اللي يحضن وهو اللي يبوس ))

الزوجه الامريكية .... اذا اشترت لبس جديد ياحليها تجي تركض تقول لك شوف وش رايك ؟ اما الملابس الداخليه فهي ماتشتريها الا بأختيارك انت ... الا ماندر ( كأن تكون مسويه مفاجأه او حفله عيد ميلاد او خلافه ) ....وتلبس على راحتها في البيت ... والله ياحبها في (( الحمام الروماني )) ولو يمر ثلاث ايام ماتاخذ دش معاها تزعل .... عكس الخليجية اللي دولابها متروس ملابس نصفها ماتشوفها .... والله اذا راحت السوق مع اهلها ترجع معاها اكياس (( ايش فيها ماتدري )) الله الله اذا شفت منها شي ....(( اما زوجتي الخليجية السابقه رفضت رفضاً باتاً تاخذ معاي دش .... اللي قهرني قلت لها ليش .... قالت استحي ))

الزوجه الامريكية .... اذا انت زعلان معاها في البيت .. وخرجتوا الى مناسبه ( وانتم زعلانيين من بعض ) ... مثال عند اهلها ماتبين انكم زعلانيين .... بالعكس تجلس تمدح فيك عند اهلها .... وتضحك بصوت عالي (( يعني شوفوني مبسوطه معه )) .. وهي اللي تهتم فيك بشكل كبير وبنفسها تقدم لك العصير والاكل .... الخ . .... عكس الخليجية اللي اذا زعلت معاها يعرفون اهلها واهلك ... واعتقد الجيران ... واذا ماخاب ظني يكون خبركم اول خبر في الـــ سي ان ان

باختصار .... الزوجه الامريكية تحب تدلعك اخر تدليع ( امبسط ياعم مين قدك )) .... وتحسسك انك طفلها المدلل ... وتسمع كلامك وتطبقه بالحرف الواحد .... وتحب انها تشاركك في كل شي ........ وانك تشاركها في كل شي ( نو خجل نيفر )) .... تحب تظهرك للعالم باجمل مظهر ..... (( دائما تسمعك جملة - انت افضل رجل في العالم )) .... حنان ، حب ، دلع ، دفئ ، عطف ، انوثه ، كل شي موجود عند الامريكية ....

سؤالي هنا ... ليش الخليجية بشكل خاص , والعربية بشكل عام ...... تضع حاجز بينها وبين زوجها حتى لو كان الحاجز شفاف او حاجز الخجل ؟
ليش ماتشارك في كل شي ؟ ليش دائماً نسمع منها .. عيب ، ممنوع ، استحي ، لا مابي ، خلاص بعدين ، اووووف ، بكيفك ، بس كذا زعلانه ، انا حره ....الخ ؟؟؟
ليش تحمل زوجها اكبر من طاقته ؟
ليش تتغير بنسبة كبيره بعد اول ولاده ؟؟؟ ماعاد تهتهم في نفسها ولا في بيتها

عموماً اصابع اليد ماهي سوى .... ولكن نقول حقيقه ... وهي ان فيه منهم كثير بهالطريقة للاسف

وهذي وجهة نظري الشخصية .

__________________

خبرة زواج خليجية وأمريكية