لاحظت نفس الشيء

هلا بالجميع ...

لا ماني ملخبط في الردود

وماشي بالترتيب عشان ما أرد على أحد قبل احد

وموضوع المهر راح أتكلم فيه ، بحسب علمي من خلال ملازمتي

لبعض المشائخ الذين درست على أيديهم ، ومراجعة ذلك معهم مؤخراً .

__________________

كل شي حاولت فيه وكنت حريص إني اغير نفسيتها واعطيها الامان

لكن مع صغر العقل ، صعب إنك تتعاملي ...

هي قاعده تتصرف كذا عشان ما تجي منها وتطلب الإنفصال لأن هذا اللي

بيخلي الشرع يجبرهم يرجعون كل شي طالما إني ما دخلت عليها ، إلا لو أنا تنازلت عن

شي معين أو مبلغ معين من طيب نفسي ...

طبعاً أنا ما راح أترك لها غير الهدايا العادية ، زي العطور والجوال ...

غير كذا كله داخل ضمن الجهاز والمهر والشبكة ، لأن حتى هم جابولي هدايا وحده من أهلها ووحده منها

وهدية منها للوالدة ، ولكن الوالدة والله ما فتحتها ولا تدري وش هي ولا لها نفس فيها .

__________________

أهلين أختي نبض ...

سالفة الحلم قالوها لي الأهل من غير ما تدري وقالولي لا تقولها إننا قلنالك ...

وفوق هذا إن عيوني حمر هذي بالله وش معناها ؟!

معناها إني أتعاطى شي ، وشرحت لهم وقلت عيب الكلام هذا ، انتوا سألتوا عني

وأكيد ما سمعتوا إلا كل خير واللي يسركم ويطمنكم على بنتكم !

وحتى لو صادفت لحظة كانت فيها عيني حمرا يمكن ، هذا ما يعطيها المبرر تتكلم عني

كذا عند أهلها أو قدام أخوها أو أي أحد ، ابوك و عمانك رجال مالين ثيابهم بالله لو فيني شي

من اللي تتوقعينه كان بيفوت عليهم هالموضوع ؟!


أنا رجال رغم ضغط عملي وجلستي قدام الكمبيوتر فوق تسع ساعات برضو نومي قليل بسببها

قالوا احنا عارفين ، بس انته قولها لو سألتك حساسية ولا من الجو .. عطها أي كلمة تريحها وتسكتها .

و لما كنا نتكلم أنا وياها مره من المرات تقول ليش عيونك حمر وقلت لها نفس الكلام ...

ولما خرجنا نشرب قهوة أنا وهي واخوها صار موقف طريف كان فيه شوية تناحة منها

وقلت لها بعذرك تشوفين عيوني حمر من هالعدسات اللي حاطتها وشقلبت عيونك ...

تقوم وش تسوي ؟ تقول حتى اسأل أخوي وتقوله شوف بالله مو عيونه حمر ؟!

يعني كانها تشهّد علي .... بالله هذا تصرف وحده عاقلة ومقدمة على حياة وعمر ؟!

هذا أنا وهذي خلقتي ، ما عجبتك محد جابرك على شي ...

والله لو تقولي ما ابغى وخايفة أقول لأهلي بعد الملكة لا اقولها خلاص ولا يهمك راح أحط

العيب فيني وأطلعك منها ، بس ما نتعلق هالتعليقة !



عموماً كله عند الله ما يضيع ومسير كل شي يبان في الأخير .



اسعدني مرورك مع جزيل الشكر ، وآسف لو كان ردي فيه شوية إنفعال .

__________________

وعليك السلام ورحمة الله

شكراً لك أخي أبو قتيبة

وبالفعل أنا عدت التفكير بدل المرة ألف ، ووصلت لقناعة بأننا لا نصلح لبعض

ولكن مثل ما اسلفت الأهل يبونها مني لأن شكلهم ماهم ناوين يرجعون شي ...

لأنهم لمحولي لما قالولي عن فسخ خطوبة عمها ، إن أهل البنت بغوا يرجعون اللي جابوه لهم وقت

الخطبة ، و رفضت أمه استرداد الأشياء ، وقالت هذي هدية مني للبنت ( يعني منتظرين مني نفس الشي )

وطبعاً فرق بين اللي حطيته أنا واللي حطوه هم لولدهم ، أنا خلاص ملكت ودفعت وجبت ...

هم وش سووا غير الأشياء البسيطة اللي يدخلون بيها أول مره على الخطيبة زي الدبل أو اسوارة

أو تعليقة مع قارورة دهن عود و ما شابه !

ولما سألت قلت عسى ما تكلفتوا تهربوا من الإجابة وجاوبوا بكلام ما فهمت منه شي .



عموماً انت الله يبارك لك ويتمملك على خير

وأنا الله يفرج علي مما انا فيه .

دمت بود ونقاء .

__________________

جزاك الله كل خير يا أختي .

ولك جزيل الشكر والإمتنان .

__________________

هل بعد ماصار بينهم خلوة يستحق نصف المهر؟؟

أختي كلمة في بالها أحد ثاني والله كلمة كبيرة

ما تبيني غيرت رأيها أوكيه مو مشكلة من حقها

ولا تهم الأسباب في هذا الوقت ، يكفي إنها ما تبيني

لكن ما ندخل في الذمم والناوايا ونقول في بالها أحد ثاني ...

كانت موجودة وغير مرتبطه وينه عنها ، وليش وافقت من الأساس علي لو هالشي صح ...

شخصيا ما أفكر في الشي هذا وأستبعده ، لأنه وربي شي كبير وعيب الواحد يفكر فيه .

هي فعلاً متردده ومتخوفة كما عرفت من الأهل ، ومن كلامها معي ...

وهذا نتيجة عدم التأهيل من الأهل ...

تصدقي إن حتى شغالاتنا ما ارتاحت لها

تكلمت مع الوالدة ، وقالت لما رحنا ودينا لها الجوال الهدية ، قبل الملكة إنها قعدت مع شغالتهم

وقالت لها : ( هذي ما تعرف تسوي شي كيف بيزوجونها ؟! ):14:

قاعد أفكر أكلمها بكره وأقولها أنا خليتك اسبوع براحتك من يوم ما رجعت عشان تفكري في كلامنا براحتك

وودي أعرف لإيش وصلتي ، خصوصاً في الاشياء اللي قلتلك ما أبغاها ، وإنه ما راح يتم زواج

إذا ما صارت الأشياء اللي أبيها ....



شكراً لك على مرورك والله يهنيك بزوجك ويهنيه بك ويسعدكم يارب .

__________________

إذا أنا اللي طبت الإنفصال ما يرجعلي شي لأنه أنا اللي كذا صرت ما أبيها ومالي حق أطلب .

__________________

أخوي إذا هي ما تبيك و وافقوا عليك ، فهذا مو ذنبك و لا غلطك

و علشان تختبرها تبغاك و لا لا ، قولها قدمت الزواج عالشهر الجاي

و إذا هي شافت نفسها انحطت في الأمر الواقع ، بنفسها راح تقول لك ما أبغاك

لإنه اللي تكون خايفة و مترددة ، عالأقل تحترم زوجها و ما تتصرف هذه التصرفات

و إنت استخير