مرحباً أخي
خبير الأعشاب
أسعد الله أيامك
وطمئن بالك
وأسعدك بحياتك مع زوجتك العزيزة

.
.

أعتقد أن الأخوان جزاهم الله خير ماقصروا معك

فكروا لك بكل حل

جابوا لك حيل وإختبارات

جابوا لك طرق حفظ مالك

جابوا لك النواحي النفسية المتعلقة بالموضوع

جابوا بعض الأحكام الشرعية والنواهي

.
.

إلى أين أنت وصلت

وبماذا إستفدت من ردود الأعضاء

كان آخر ماقلت ...

هو

بقلمك ..

( انا جاتني فكره اتمني تأيدوني فيها ..........


انا دايما اودي زوجتي المخيم الصيفي ...ويقعدوا من قبل المغرب لين 12 في الليل


وبكره الظاهر اخر يوم لهم ........فقلت اوديهم وارجع افتش البيت علي غرفه غرفه .......


وان لقيت فلوس كثيره في مكان مخفي فأكيد انها فلوسي باخذها واوديها البنك ..واذا اكتشفت ان

الفلوس ضاعت فهنا بنعرف الحقيقه ..........

فاكيد بتكلمني عنها وبتقعد تدور وتحوس الدنيا وساعتها بقولها انا من زمان اقولك ان

فلوسي تنقص ماصدقتيني ..............اكيد في يد تختلسنا ولازم نعرف من هي ....


هذا اخر حل توصلت له ..........ويش رايكم ؟؟؟؟؟؟؟؟؟ )

.
.

إذاً

إذا عزمت .. فأفعل وتوكل على الله

.
.

وأذكرك أخي

أن تتقي الله سبحانه وتعالى

ولاتتهم أحد إلا بدليل أو ظن تغليبي له شواهد

أنار الله دربك

__________________

اخوي خبير اعشاب


حط في بيتك خزينة من حديد ومستحيل احد يفتحها إلا بالمفتاح حق الخزينه


يمكن تلقاه غالي السعر بس يستاهل


تضع فيه اموالك واوراقك المهمة
وتكون في امان

دمت بخير

انا اشوف انها حتى لوكانت هى الى تاخذ فلوسك فهذا لانك تزوجت عليها قبل ولو انا مكانها راح اسوى مثلها لان اتوقع انها ما صارت تثق فيك مثل قبل ففكرت انها تاخذ من فلوسك عشان مايصير عندك زيادة فى الفلوس وتكرر سالفه الزواج مره ثانيه
وبصراحه معها حق

يا هلا ...

اخوي خبير الاعشاب والله حيرتنا معك ... كلنا اشتغلنا معك مباحث ...

شوف اخوي اذا ما عندك قدره على المواجهه .. حط المبالغ اللي تجيبها البيت في الصندوق من غير ما تقول لها .. شدعوه هي تمشي معك مثل ظلك .. ادخل الغرفه اللي فيها الصندوق و حط فيه المبلغ و اذا شافتك فاتح الصندوق مثلا و سألتك وش عندك قل لها جالس اتفقد بعض الاوراق و اغلق الصندوق بسرعه من غير ما تلاحظ المبلغ .. و بنفس الطريقه ااستخرج الفلوس ..
او انك اذا ما تبيها تعرف انك بتفتح الصندوق اشغلها بشئ في المطبخ او اي شي اخر و انت افتح الصندوق
و ادخل او اخرج المبلغ ...
و تأكد انك راح تظل في دوامه مع فتح الصندوق و غلق الصندوق ..

فالحل الامثل انك تحل المشكله من جذورها بطريقه او باخرى ...

وربي يعينك ..

اختك أميرات ...

الله يجزيك خير ...........المعذره موالقصد اشغلكم ......


لكن قلت افضفض شوي .........يمكن ارتاح ....اكرر اعتذاري

__________________
http://www.shbab1.com/2minutes.htm

يا ويلي ...

انا التي اعتذر منك اخي خبير الاعشاب ..

لا تفهم كلامي غلط والله مو متضايقه منك .. كثر ما انا متضايقه على عشانك ...

انا من زمان مسجله في المنتدى لكن قبل فتره بسيطه بدأت اشارك ..

وانا متابعه موضوعك اول بأول .. وانت من الاعضاء المميزين الذين احب اقرأ مواضيعهم و ردودهم ...

اكرر اسفي اذا فهمتني غلط .. لكني ابد مو متضايقه منك ..

وربي يريح بالك ..

أختك أميرات ..

اميييييييييين واياك .............


وحبيت اطلعكم علي اخر التطورات


امس فتشت غرفة النوم ..........ومالقيت شي ............


لقيت مبلغ عادي ومحطوط في شنطة الذهب فما شكيت فيه


لاني بصراحه كنت اتوقع اني بلقي مبلغ كبير ..........لكن قدر الله ماشاء فعل ...ماادري ويش اسوي

__________________
http://www.shbab1.com/2minutes.htm

اخوي خبير الاعشاب

ترى المرأه صدقني لو إنها على قدر كبير من الدين والصلاة والتمسك بكل شي إلا انك يجب ان تتوقع منها

أي شي .


يمكن زوجتك أخذتها طبعا بحسن نية لانها خايفه انك تتزوج عليها , وكثير من النساء عندهم قاعده بان الزوج

يجب ان لا يمتلك فلوس عشان ما يتزوج الثانية .

هذا رأيي وانت انسى من هالموضوع لفترة شهر او شهرين وبعدين حاول تحط مبالغ واحسبها زين

وحطها في البيت في وقت مافيه الا زوجتك وبس . وراح تشوف

يمكن حبت تسترجع المبالغ اللي اعطتك اياها مو انت تقول انها ساعدتك كثير هههههههههه امزح

لا فعلا المبالغ مو شويه وبغض النظر عن مين اللي سارقها المال السايب يعلم السرقه ولازم تشتري الخزنه الحديد تحط فلوسك فيها

وبعدين فكرت بشي ثاني ممكن عندكم باب خلفي في البيت او نافذه على طول مفتوحه واحد يتسلل بثواني وياخذ اللي يبيه خصوصا ان السرقه تكررت اكثر من مره واكيد الحرامي عارف مكان الفلوس وكل مكان ببيتكم .. هذا احتمال


او ممكن العمال اللي عندك .. او العامل اللي يغسل حديقه البيت او السياره لا تستبعد اي احد

وفيه احتمال انه ممكن تكون زوجتك صارت معاها رده فعل نفسيه لكل اللي صار بينكم وصارت تمد يدها بدون ماتحس


يعني الاحتمالات كثيييره بس انت لازم تصارحها وتقول لها مو معقوله المبالغ اللي تنقص
وخليك شديد واجلس ادعي على اللي سرق قدامها - طبعا مو من قلبك- وهي ان شالله اذا ملتزمه زي ماقلت بتخاف من الدعوات .. هذا اذا كانت هي السارقه لاسمح الله
واجلس هدد وقول انك راح تركب كاميرات واذا تكرر الموضوع بتطلب الشرطه تجي تاخذ البصمات



وفيه حل اخير جرب تاخذ منها مبلغ صغييير وشوف وش رد فعلها على موضوع السرقه <<< اذا ماعجبك هالحل طنشه بس مجرد اقتراح

مشكورين اخواني جميعا ........وماقصرتوا .........وان شاء الله اليوم بسوي الحركه اللي كلمتكم عنها


............................ويارب تعدي علي خير ..........دعواتكم

__________________
http://www.shbab1.com/2minutes.htm