المشاركة الأصلية كتبت بواسطة fafi

اختي هذا انا رجعت مرة ثانية

واتمنى زياراتي الى صفحتك تكون خفيفة على قلبك

اشكر لك دعائك لي واتمنى لك المثل

شوفي اختي ...انا من ظمن الافكار اللي جاتي وعشان ما اظلم زوجي واقول انه انسان متسلط علي

حللت تصرفة واتوقع ان هذا التحليل ينطبق على زوجك


الا و هو انهم يحبون ان احنا نصل الى درجة الكمال الا محدود ..

يعني كل ما اجتهدتي يبغون يشوفون انجاز اكبر واكثر

بدل ما يمدحك على العمل اللي قمتي به ...يصيرون ينتقدون عشان في بالهم ان هذا يكون حافز لنا ان احنا نسوي ونعطي اكثر

هم ما يدرون ان بهذا التصرف والانتقادات نتحطم اكثر واكثر


ونصيحتي لك ...طنشي ..وعطيها اياه كااااااااااااااااااااش

قول له انا لي قدرات معينة ما اقدر اتخطاها لانها راح تؤثر على نفسيتي وصحتي

اللي اقدر عليه راح اسويه واللي ما اقدر عليه ..راح ااجله شوي

راح احط لي اولويات .. و خليه يشاركك في وضع هذه الاولويات

قولي له ... يا اني اهتم فيك وفي طلباتك الشخصية والخاصة اكثر واخلي الامور الثانية في المرتبه الثانية ..يعني شغل البيت والتنظيف والطبخ

او العكس ...انظف واطبخ وادرس .. وانت في المرتبه الثانية ...انت اختار

حطي خطة ان يكون مثلا يا انك تطبخي وجبة غداء دسمة و تكون هي الرئسية ..والعشا خفايف جدا

او يجيب شي من برة ..أو يقوم هو يحضر العشاء ..خليه يتورط شوي

او العكس .. تكون وجبه العشاء هي الاساسية ..

لكن ثلاث وجبات ..والله انتحار ..وهذا اللي حاصل معي ..لاني عودته على ثلاث وجبات ملكية ..لو يوم اسوي عشا خفيف ...تعالي شوف العياب والانتقاد واني مجوعتهم ومسوية تقشف

او اطلبي منه انه يجيب لك شغاله لين ما تخلصي دراستك ...

او قولي له ..راح اترك الدراسة والله يعوض عليك الفلوس اللي دفعتها ...تخويف بس

واذا قال لك لا ما تتركي الدراسة ..قولي له ...انا مصرة اني اتركها لاني ما عندي طاقة تكفي اني البي كل هذه الطلبات ...ما اقدر اصير ثلاث اشياء في وقت واحد ..زوجة ...ام ...طالبه

اختار واحده من هذه المهام... اما كلهم ..انا اعرف قدراتي اني راح اقصر فيهم كلهم اذا ما تنازلت عن واحده منهم على الاقل ..واطلبي منه انه هو اللي يختار اي واحده تتنازلين عنها ...وشوفي وش يصير

هذه بعض الاقتراحات ..شوفي اللي يناسبك و سويها وتقدرين تعدلين عليها اذا شفتي ان البعض منها ناسبك

وربي يوفقك

وطمنينا عنك

المشاركة الأصلية كتبت بواسطة الغالب

كل هذا وماعندك إلا طفل وكانكم تأكلون عشر مرااااااات
يعني الدعوة أنتي وزوجك وطفل وأتوقع شقة صغيرة
مايحتاج لها أن تجعلي منها قضية ومشكلة
وأضن أنك بحاجة فقط لمن يساعدك في ترتيب وقتك ..