أبلة بيتا و خالة جرين ..
امي معاها بالغرفة مريضة تانية، و امي ماتبغى أخواتي يجول عندها عشان لا تزعج المريضة اللي معها ..
اختي تقول لي، امي تأشر لهم ( اسكتوووووا ) عشان المريضة اللي جنبها أكيد ماتبغى اصوات ..

و المشكلة، أنه مواعيد الزيارة ما تتفق مع مواعيد دوام زوجي اول شي ..
و تاني شي، اخوي بيجلس مع امي من يووووووم ما تنفتح مواعيد الزيارة، لحدددددد ماتقفل المواعيد ..
و بعدين يرجع البيت هنا و ينام .. و مسكين و الله، هو اكثر وااااااااااحد فينا تعب عشان امي و دايم امي تدعيله
فما اقدر اروح مع اخوي و اجلس من الساعة 4 العصر لحد الليل، مو عشاني .. عشان النونو و عشان امي ..
( أمي راح تعصب مني و راح تسبني هههه و بدل ما أكون فرحتها و ريحتها، بأكون مرضتها و عصبتها ) ..

امي مرررررررة تخاف عالاطفال و تحبهم، و خاصة بالعمر هذا تهتم بيهم مرررررة و تدور عن راحتهم اهم شي ..
يعني ولدي اذا ماغطيت راسه مثلا، بتعصب علي و تقول لي ( ولدك راسه مكشوف، بيمرض )
*فأعرف امي، راح تزعل لو شافتني عندها .. عشان ولدي مو عشاني ..
و اذا بالتلفون قلتلها ابغى أجي عندك اليوم، قامت عصبت و قالت خليك عاقلة و اجلسي بالبيت و ولدك اهم شي
غطيه كويس عشان الجو بارد ..

يعني حتى و هي مريضة و بالمستشفى و شايلة هم غيرها و تفكر بالنونو لا يمرض ..

اذا مرتاحه اكتبي

اكتبي لترتاحي

انتي ما زلتي نفاس والكبت يؤلمك

اخرجي ما في قلبك اكتبي كل شي جميل عن امك ونحن ندعو الله معك ان يشفيها ويخفف عنها

دخيلو انا بوسي لي حفيد المنتدى المفدى ولد على ايدينا هنا هههه

__________________
http://live.gph.gov.sa/
اللهم اني استودعك اولادي

اعذريني روح .. لكن احببت او ضح شغله ..

في قصة زوجة الازهري .. كان هناك خطأ كبير وواضح
واسألوا من اردتم اي دكتور النساء والولاده ..

فمره يقول .. ان وضع الجنين لا يطمئن .. وقررت لها الدكتوره قيصريه ..


ثم يقول هنا .. تسمم حمل .. والتسمم لا يمكن السيطره عليه ..
إلا بعمل عمليه قيصريه عاجله وإخراج الجنين .. وعلاج الضغط وبإسرع وقت ممكن ..
لأن هناك خطر كبير على الام والجنين ..
ثم ينفي هنا الخطأ الطبي !!

__________________

نورة ياقلبي .. سامحيني ماشفت رسالتك غير امس ..
حتى ايميلي ما يمديني افتحه، بس ادخل هنا عندكم، أحس أني باتنفس من خلالكم ..
و افرح بدعواتكم للوالدة .. و كل شوي اقول ( ياااااارب جازيهم بالأفضل )


احب زوجي .. القران راح أحاول أني اخليه مفتوح ان شاء الله ..
مثل ماقلت، ماتبغى اي صوت .. الاسبوع اللي فات كنت فاتحة الاذاعة من جوالي
على صوت شيخ يقرى قران .. اشرت لي أقفل الصوت ..

و الرقية بإذن الله بنداوم عليها .. بس مادري اذا يصير أقرى آيات الرقية و الأدعية
بالفترة هذه ؟؟؟


شقردية .. امي بتصلي الحمدلله و هي جالسة ..
بس امي تشيل هم الوضوء ،. و مرات تكون مرة تعبانة و ماتقدر تتحرك ..
الله يكون بعونها ..


أبلة بيتا ..
اذا تعبت او انشغلت، سامحوني كلكم لو ماقدرت ارد .. بس زي اليوم و الحمد لله قدرت ادخل ..
و نمت و تغديت كويس الحمد لله، مو زي امس بغيت أنجت ..


خالة جرين ..
امي من كم يوم عيونها مصفرة اخوي يقول، لانه الكبد بيتاكل زي ماقال لي.. بس ماحد يبين لها
و هي بجد ماتبغى احد يتكلم .. اختي تقول حاولت اضحكها، قامت اشرتلي اسكت و الم اغراضي
و اروح بيتي .. بس أنا ماقدر اروح لها, وان شاء الله بكرة بترجع البيت .. : )


شقردية ..
ماقدر اصلي بالفترة هذه، هذا اللي مضيق صدري اكثر .. مو تويي اللي ولدت .. : (


عيوني تحكيني ..
الله يجزاك كل خييييييير ..


خالة جرين ..
أخواتي مو دايم فاضيين، كل وحدة لها ظروف تختلف عن التانية .. اللي بمدينة تانية و أولادها بالمدارس
و اللي عندها طفل رضيع و اللي عندها زوج ما يسمح لها تخرج كثير و اللي و اللي و لاتنسي انه كل وحدة فيهم
لها اهل زوج، و تجاملهم مرات .. و اللي عندها اختبارات و اللي عندها دوام .. و إخواني الأولاد نفس الشي ..
اخوي غايب عن دوامه صار له اسبوع كامل .. عشان كذا باقول ( مسكين هو اكثر واحد بيتعب و امي تدعيله دايما و نحن كمان )
ووالتاني مايقدر يغيب عن جامعته و ينزل هنا غير بالويك اند و زي كذا كل واحد فيهم ..

و هذا سبب من الأسباب اللي خلتني الغي بعثتي و ااجلها .. لأني ادري انه امي بحاجة لوجود احد جنبها ( معنوياً و حسياً ) ..
مو عشان أخدمها ، لانه الشغالة موجودة و امي تخدم نفسها بنفسها .. بس امي عندها عزة نفس و مستحيل تبين انها بحاجة لأحد ..
بس حطيت حالي مكانها

فأخواتي و إخواني، كل واحد له ظروف و مو بيدهم .. و لا هما نفسهم يفدوا امي بعيونهم و أرواحهم ..

-------------

مهرة يالغالية .. قلتيها ..
الترقب متعب و مؤلم و خاصة مع احد الوالدين .. فكيف لو كانوا الاثنين ؟


خالة جرين ..
أخواتي يموتوا بأمي و يخدموها يمكن افضل مني ؟ و يتمنوا رضاها
بس يمكن أنا بافهم تفكير امي اكثر و اعرف اللي يضايقها و يفرحها ..
مو تقصير من أخواتي، عشان كذا هم كانوا ينقهروا مني مرات ..

ليه امي قدامهم و من وراي (تمدح فيا) و هم يشوفوا انهم يخدموها اكثر ؟
مرة قلتلها لا تمدحيني قدام أخواتي، لانهم يبعدوا عني بالطريقة هذه و أنا مالي ذنب..
قامت امي قلبت علي الفترة هذيك و صارت تسبني قدامهم بسبب و بدون سبب ..
و قلت لنفسي بعدها أنا استاااااااهل و توبة بعد كذا ادخل نفسي ..

------------------

نبرات شعري سطرت

للأسف أني بعيدة عنكم كثييييييييييير .. نحن بالغرب و انتوا بالشرق ..
و ربي يجزاك كلللللللللل خير، تعبتك معاي حبيبتي ..

اخوي غريب ..
الله يجزاك كل خير .. و مبروك لاختك عودتها لزوجها : )

ابتسامة القمر ..
الف شكر لك حبيبتي ..

اخوي الازهري ..
قريت ردك ووتبريكاتك و تبريكات الأخوات و الاخوان، كتبت رد و طار للأسف و مامداني ارد من جديد ..
بس وصلت تبريكات الجميع .. : )

خالة جرين ..
ولد و حفيد المنتدى اليوم انتبهت لشعر راسه عشان طولت شوي، لون شعره ( بني فاتح ) و لون بشرته أفتح من اخوه ^^
و اختي تقول ولدك عيونه بني او عسلي.. بس مادري ؟ انا شايفتها بني غامق؟؟؟

شكلي توحمت بك خالة جرين..
ولدي بيطلع لبناني عليك ههه*

الوالدة الكريمة والمربية الفاضلة والأم الرؤوم والزوجة العطوف green222

سبحان الذي وهبك ما أنت عليه , أسأل الله أن يثبتك ويبارك فيك ويحفظك

حين أقرأ كلماتك _ وان كانت موجهة الى غيري , أشعر ببرد وسلام على قلبي

وكانها بلسما يلامس شغاف القلب , وأشعر ان الدنيا مازالت بخير

سلمك المولى دوما وابدا

اقتباس:

اخ احمد اتمنى ان تعود ولا تحرمنا من قلم وحضورك نفتخر ان تكون بيننا

وان كنت نادما أشد الندم أنني طرحت قصتي , الا انني لاأزال بينكم أيتها

الكريمة , وأسعد وأفخر بأخوتكم , وبكم , واسعد بانتمائي لمثل هذا الصرح ,

وأشهد الله على حبكم فيه ولأجله .

وأعتذر ان كنت مقلا في هذه الفترة من المشاركات فهذا يعود الى طبيعة عملي

في هذه الفترة , والضغط الزائد أثناء موسم الحج الذي لم ينته بعد , أسأل الله

ألا يحرمنا الأجر

اختي الفاضلة أم هشام

هل تودي مني أن أجيب عن اسئلتك ؟ أم أن

الحديث موجه للأخت الفاضلة روح الطير؟

أختي الفاضلة روح الطير

ما في داعي للأسف صرنا أخوات ولا تقولي هذا الكلام .أنتِ ما تعبتيني ولا شئ
بس كان ودي أكون من الأسباب اللي تخفف عن والدتك شدة المرض مثل ما هي والدتكِ أنا أعتبرها والدتي وهذا حق بسيط من حقوقها إني أكون سبب بعد الله في رفع الأذى عنها
والآن ما بيدي إلا الدعاء لرب العالمين بأن يرفع الضر وهو قادر عليه لا يعجزه شئٌ في الأرض ولا في السماء ولكنه يمتحن صبرها ويعلي درجاتها ويارب أنها شدة وتزول

في حل آخر إذا تعرفون إمام مسجد حافظ لكتاب الله أو إمام المسجد القريب من المستشفى ترى أهل الخير وااااااااجد لو سألتم والله يدلكم على الخير وين ما كان

أهم شئ طمنينا عن أخبارها ويارب لا يطول عليها شدة

وما بين غمضة عينِ وانتباهتها يغير الله من حالٍ إلى حال

حبيبتي روح ... الله يعينك ويعين الوالده ويفرج همك يارب ..
احس انه ما عندي كلام اقوله علشان اخفف عنك حبيبتي ... لكني والله اني ما انساك ولا انسى الوالده في
صلاتي ودعائي ... اسال الله القدير ان يشفي الوالده الغاليه ويقومها بالسلامة ويطمن قلبكم عليها ...
وحبيت اذكرك بالصدقة يالغاليه ... ولو انك ما شاء الله ما تحتاجين توصية .. ولكن للتذكير فقط ..
وهذا ابتلاء حبيبتي والمؤمن مبتلى ... فالله يهون عليكم ويطول بعمر الوالده ويحفظها لكم يارب ..

ربي يسعدك حبوبه

__________________