هلا عبير شوفي ياقلبي بقول لك شئ وركزي عليه زين مو كل الرجال يستحقون ان نعطيهم الثقة ونفتح لهم المجال ويسافر يسرح ويمرح على كيفة في دول الله اعلم وش فيها من فساد والشيطان مامات باقي عايش وكل زوجة تخاف وتخشى على زوجها وعلى نفسها واكثر الزوجات يرفضون سفر ازواجهم إذا كان بعض الأزواج ماصلوا على النبي وغضوا بصرهم وهم ببلدانهم ومع زوجاتهم من عاد بيردعهم لما يسافرون لحالهم وهناك مافيه شئ اسمه ممنوع ويشوفون كل شئ قدامهم مسموح وبأرخص الأسعار هذا اولا ثانيا الزوجة وش ذنبها تتحمل امراض زوجها وقرافته اللي يخمها معاه من برى ويجيبها لها ولما الزوجة زوجها ينقل لها مرض تجلس تتجرع المر والهم وحتى اقرب الناس لو عرفوا بمرضها راح يعتزلوها وما يقربوها هي وش ذنبها في هذا كله زوجة معززة مكرمة شريفه عفيفة نظيفة طاهرة وش ذنبها تبتلي بالزوج اللي يسافر ورى شهواته ونزواته ويجمع له من كل ديرة عله ويجي ينقلها لزوجته وهي في بيتها وانا اشوف ان الوقاية خير من العلاج اذا الواحد سافر في مهمة عمل او للعلاج مايخالف لاكن لسياحة ومع عزابية لاوالله إلاغير يجيب العيد إلامارحم الله إذا كان تجمعهم في الإستراحات والشقق وهم متزوجين يجلسون على منكر ويشاهدون المنكر من افلام وبلاوي عاد كيف برى بيكون وضعهم لما يسافرون لدول كلها فتن هذا هو واقع الكثيرمن العزابية والمتزوجين اللي يتجمعون بالإستراحات كله شرب وافلام وبلاوي الله العالم فيها كلها مضيعة للوقت مثل المعسل والبلوت والتدخين وماخفي اعظم وإلاعلى ايش يتجمعون وايش الفائدة اللي بيجنونها من تجمعاتهم بالذات اللي يجتمعون كل ليلة عاد اللي بالشهر مرة او بالأسبوع مرة يمكن تنبلع واكثر سبب خراب البيوت هي الإستراحات والشقق هي سبب المشاكل بين الأزواج انا الاحظ إن الأزواج اللي مايروحون إستراحات ولا يسهرون هم دائما الأكثر سعادة وانسجام وقرب من زوجاتهم وهذا شئ انا لاحظته بنفسي
من خلال محيطي من اقارب وجارات

طبعا انتي بنفسك شاهدتي كم عدد النساء اللي رفضوا سفر ازواجهم مع اصحابهم وكل زوجة هي تدري وتعلم بزوجها هل هو من المخبصين اولا لاكني اقولها وبكل صراحة حتى لو الزوج صالح وما خبص يجي له الصاحب السوء اللي يخليه يخبص ويقنعه ويهون عليه فعل المعصية ومهما كان تماسكه لابد من إنه يتأثر بأصحابه والصاحب ساحب يفلان جرب منت خسران شئ إن الله غفور رحيم ياشيخ متع نفسك واستانس ومن هالسوالف حتى يجيبون راسه وبعدها خلاص مع الخيل ياشقرا ويشتاق لسفر معاهم فالزوجة من حقها تخاف على نفسها ومن حقها تخاف على زوجها وتمنعه من السفر إن استطاعت اما مسألة إني اربط ايديه وارميه في البحر واقول له إسبح هاذي ماتنفع عندي الوقت هذا كله فتن وبلاوي وما سلمنا منها هنا في بلدنا وهو بلد محافظ باقي كيف لما الواحد يطلع لبلد آخر ويرى النساء السافرات اللي بكامل زينتهم وبلبسهم اشكال والوان إذا الواحد عندنا شاف مذيعة بتلفزيون فغر فمه وبحلقت عيونه عاد كيف لو شاف امرأة على الطبيعة بكامل زينتها والله ماغير يغمى عليه

لاكن لو الزوج يبغى يسافر ياخذ زوجته معاه حتى لو شاف منكر ولا شاف شئ يهيض مشاعرة تكون زوجته معاه حلاله بدل مايناظر يمين ويسار ويمكن لا سمح الله يرتكب محظور

هذا اللي قدرت اقول لك عليه والباقي ان شاء الله لو كبرتي وتزوجتي ذاك الساع تفهمينه يا عبوره
طبعا انا احترم رأيك ووجهة نظرك على عيني وراسي وتروحي وترجعي لنا بالسلامة يارب وسفرة سعيدة إن شاء الله تعالى واستودعتك الله الذي لاتضيع ودائعه.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

مااقول الا الله يهنيكم

وصلتو ل 8 سفرات بالسنة

سفرتين مع الاهل و 3 مع الربع و مادري كم لحالك

ماعندكم شغل ؟؟؟

زوجي اجازته 5 اسابيع بالسنة كلها ... ماندري كيف نقسمها
حابين نروح لحالنا مكان و مع عيالنا مكان و حابين نزور الاهل في الوطن
وحابين نعتمر ...

واخر شي نسافر فيها للوطن و نقضيها كلها هناك يالله 5 اسابيع تكفينا ننشوفهم و نشبع منهم
وبقية السنة محبوسين بالبيت اللهم لك الحمد... عطونا قليل اجازات معاكم


بشكل عام. عادي يروح مع اصحابه مرة و لا مرتين بالسنة
وفي كل مرة اسبوع يكفيه ..

و الباقي مع الاطفال
وياحبذا لو نلاقي حد يمسك االاطفال و نروح احنا اجازة لحالنا


ليش اسبوع لحاله مع اصحابه ..مرتين بالسنة ماتكفيه ؟؟؟؟
الحين زوج و عنده مسوليات ماعاده اعزب
ولما يسافر معنناه بيخلي مسؤلية اطفاله على زوجته
والوحدة تخاف لحالها .. لاقدر الله مرض الطفل و لا صار شي و الزوج مش موجود كيف تسوي لحالها ؟؟

فالانانية مو اني اخليه يسافر اسبوع و اقوله ارجع كفاية

الانانية انه هو مايفكر الا في نفسه و راحته و يرمي مسؤلياته على زوجته و يغيب
ومنتظر انها تكون الاب و الام لها طول فترة غيابه (الغير ضروري )


الحين الزوج يشتغل و اطفاله مايشوفونه اغلب اليوم .. يقوم لما يلاقي اجازة
يسيبهم و يسافر ؟؟؟؟

المفروض يالله يلاقي وقت يقعد معاهم . يبني تواصل و ذكريات و علاقات حلوة
بالنهاية عياله الباقيين له و يخدموه بكبره و كل ما حبيتهم و بنيت تواصل
معاهم اكبر . كلما لاقيت مردود اكبر منهم

لكن ربعك .. بالنهاية مو دايمين ..ووقت الشدة . الواحد يالله نفسي نفسي ..


النقطة الثانية .. الزوج اذا تعود على السفر مع ربعه كثير .. يتعود على قلة المسولية
وتصير سفرات اصحابه هي المتعه و اذا سافر مع اهله يشوفها هم على القلب
و هم و هواش ,,, لانه اتعود على الانفراد

.. لكن لما يعطي اهل بيته وقت اكبر
و يعطي اطفاله المساحة الاكبر من سفراته بيتعود على نكدهم
و بيدمنهم و يصيروا هم اولوياته .. بيتعود عليهم و على وجودهم معاه و تصير سفراته بدونهم
ولا شي

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

...................

__________________

الحمد لله على كل حال

فالك اطيب يا بو خليفه

انا يا بوخليفه ما سافرت لي سنتين,,

واغلب سفارتي الي رايح جاي نفس اليوم في السعوديه,,

__________________

طيب وش رايكم تتفقون على هالمعادله ،،.
ثقه + صحبه صالحه + زوجه ماتنكد عليه سفرته
والزوجه ،،
صديقات صالحات + ثقه + زوج غير نكدي = حياة زوجيه سعيده
......
طيب تتوقعين لو منعتيه خوفاً عليه راح تحمينه كذا ؟؟
اشك بصراحه ..
لان اللي يبغى الشر يجيبه وهو جالس وماسك بيده جهازه ترا مو شي صعب عندهم ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

حلو انه الواحد يوازن بين الامور ..

يعطي وقت حق اهله و ربعه و حق نفسه بعد ..

يعني يسافر ويا اهله و ويا ربعه وبروحه ..

بس مب يممممد سفرة الربع و يقصصر مدة الأهل ..

المفروض العكس .. واذا بيسافر بروحه .. تكون فترة نقاهه والأفضل لو تكون بحدود

فترة معقوله .. عشان يرضي جميع الأطراف ..

نصيحه ،، لاتستخدمين مع زوجك نظام القيود لانه اتعس قانون عند الازواج ،،،
تعاملي معاه بنظام الحريه ،، مو معناة كذا ماتوضحين له خوفك عليه ولا تهتمين لامره ،، لا
اذا قال لك بسافر تناقشي معاه في الدوله اللي بيسافر لها ومميزاتها افرحي له وجهزي اغراضه بنفس حلوه
وبوقت تودعيه ادعي له ربي يحفظه لك وهو يسمعك ،،،
وفي ايام سفرته ،،
انبسطي بوقتك مع اهلك ،، التفتي لنفسك اكثر،، غيري من ستايلك ،، اجتمعي مع اقربائك صديقاتك
وبين فتره وفتره تطمني عليه ،،
وبكذا تكونين انتي الكسبانه ،،
اثبتي لزوجك ثقتك فيه ومنحتيه فرصه يرفه فيها عن نفسه
وانتي كسبتي وقت حلو مع اهلك وتطوير نفسك

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

مييييييين يسمع هالكلام

عين العقل والله

مب أمنعيه حاسبيه على كل سفريه

__________________

الحمد لله على كل حال

معليش اخوي خالد ،، انا فيه سوي قرقر كتير بموضوعك
المسامحه ،، وفي وداعة الله
بحاول اذا رجعت انزل موضوع عن الجزيره للي مايعرفها لانها بصراحه اجمل مكان سياحي بالنسبه لي ،،،

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

السفر بشكل عام فرصة جيدة للترويح عن النفس سواء كان مع الاهل او مع الاصدقاء مع اختلاف حجم المسؤولية في الجهتين فسفر الرجل مع عائلته فرصة جيدة للتخلص من اجواء المنزل وبناء روابط جديدة بينه وبين اسرته في جو مختلف ونفسيات مختلفة ::::وسفر الرجل مع اصدقائه لابأس فيه بشرط الا يحرم اسرته من السفر معه في اوقات اخرى ::::فالسفر مع الاصدقاء يخلص النفس من أشياء كثيرة وقد يعود لاسرته شخصا مرحا تخلص من ضغوطات المنزل ولكن هناك نقطة يجب التنبه لها وهي قبل السفر عليه ان ياخذ زوجته لبيت اهلها حتى يطمئن بوجود من يرعاها في غيابه :::::في النهاية عندما نطلق الحكم على اي شيئ يجب ان ننظر لسلبياته وايجابياته ليصبح حكمنا منطقيا لاتؤثر عليه العواطف

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014