السلام عليكم ورحمة الله وبركاته ..
أسأل الله أن يرزقكِ من حيثُ لاتحتسبِ أختي الكريمة ، ويحقق لكِ كل آمانيكِ ..
وجميع المسلمين والمسلمات اللهم آميين ..

اختي الكريمة حفظك الله

بالبدايه قلتي مواقع لزواج وغيره

انا متأكد ان مواقع لزواج 95% منهم يريدون المسيار او التسليه فلا تعرضي نفسك لهم واكيد سوفا تجدين من يذهلك اسلوبه ويعرف كيف يتوصل لججسدك الطاهر ورؤيته فتذكري انه حرام وابتعدي عنه وبنسبه لعمرك فأنه عمر الزواج الان 25 على حسب ماسمعت ان البنت تتزوج وعمرها 25 وما فوق

بنسبه لنصيب سوفا يرزقك الله من عنده وحاولي وقت الزواجات تكوني يعني بشوشه وخليك مع الناس واجتماعيه لكي تلفتي نظر الامهات هذا الحل الوحيد والنهائي ارجو ان لاتبحثي عن طريق التواصل االاجتماعي

حياتي مبعثره
ربي يسعدك والف شكر لك

__________________
كسيره ، حزينه ، وحيده ! نعم ولكن معي الله وثقتي بك ياربي كبيره ❤️

ماشاء الله ع اخلاقك حبيبتي ولايغررك صاحباتك اللي تزوجو اللي كانو يخرجو معاهم ويكلموهم ماتدري اش حتكون عاقبتهم.. طاعة الله هي النجاه "ومن يتق الله يجعل له مخرجا "
.. طيب انتي مخلصه الجامعه حاولي تدورري ع وظيفه وتندمجي مع الناس والعالم صديقيني حتتسلي وحتشوفي الحياه بشكل تاني..

__________________
الحمدلله

ياروحي
مستعجله ع المسؤليه لييييييش!!
عمري27وحاسه نفسي لساااا صغيرونه ع المسؤليه ومشاكل الزواااج
تبي شي يخفف عنك..اقري بالمنتديات عن مشاكل المتزوجات
بجد بعضها يشيب الراااس...وتخيلي لو كنتي مكانهم
وقتها بجد بتحسدي كل وحده ما تزوجت. .
اقوول احمدي ربك وعيشي كل لحظه بشبابك بكل مايرضي الله
يكفي انك تنامي ومافي بيبي يزعجك بصياحه>>هذي لحالها تسوى
وتنامي على كيف مزااااجك
تاكلي ثوم تاكلي بصل الوضع عندك فري
ههههه خذي راااااحتك..
وجاهدي الشيطان بالاستغفاااار
واللي يكلمك بهالموضوع ردي عليهم ليش حاسديني الراحه
وقتها يمكن بيقولو جت ع الجرح..
والله ياروحي انا مطلقه وصرت قصه تروى بمجالس الشباب والنسوان طبعا مو الكل
لدرجة اتوقع صار علي حظر هههه ممنوعه من الاقتراب
وفوق هذا مادافعت عن نفسي عند هالنوعياات
والله املي بالله كبيييييير مع ان كثير حاطين فبالهم بعد هذا مستحيل اتزوج
>>>مدلعه نفسي ع الاخر الله لايحرمني من اهلي ماقصرو علي بشي
واحضر مناسبات واوزع ابتساامات
وامشي بثقه بين الحريم وعاااادي نظراتهم ماتهز فيني شعره واللي تحش فيني بشكرها بقلبي ع الحسنات اهدتها لي..احس انا الكسبااانه
ومتأكده بإذن الله راح يجي يوم وألبس دبله ألماااس مو ذهب..
والله يبشرنا فيك ...
الحمدلله ..الحمد لك يارب بعدد كل نعمه انعمت بها علي

__________________
"]سبحان الله وبحمده
سبحان الله العظيم[

يارب ياكريم يكرمكم ويكرمني زي ماأسعدتوني بردودكم

__________________
كسيره ، حزينه ، وحيده ! نعم ولكن معي الله وثقتي بك ياربي كبيره ❤️

الله يزرقك بالزوج الصالح ... وماتخلص هالسنة يارب وكل امانيك تحققت

وحابه اعلق على توقيعك.. بما انك واثقه بالله سبحانة وتعالى ثقة كبيرة .. ليه كسيرة وحزينة؟؟

خليك متفائله ومتوكلة على الله وياذن الله بيتحقق كل مافي نفسك ..

واللهي كنت أقول نفسج..

أنا فبيت أهلي محد يشوفني والبنات المفتلتات يخطبونهم كثير !!!

وهو فعلاً أغلب المسترجلات في مدرستي تزوجوا بعد المدرسه خخ

لكن صدقيني وربي لو تركضين ركض الوحووش غير نصيبك لن تحوش

ونصيحتي استغني عن المواقع هذي لأن الرجال يسجلون فيها عشان العلاقات مو عشان زواج

يمكن تساعد هالمواقع لكن عند باقي أخواننا العرب و بعض كبار السن وفئات معينه يعني

لكن صدقيني مجتمعنا أحنا لااا مايبون يتزوجون بهذي الطريقه

الزواج حبيبتي فعلاً جميل و الاستقرار مريح .. لكن صدقيني مو كل شيّ فالحياه

الحين أنا عرفت ان السعاده موجوده فكل شي حولنا ولكن الانسان مايشوف إلا الي بعيد عنه

والشيطان يزيّن ويحلّي..

الحين أنتي تمرّين بمرحله صعبه وهي مقاومه الرغبات

أحسّ فيج جدا جداً بشكل ماتتخيلينه

أدعي بآخر الليل قولي يارب أنا اتخذت كل سبيل ممكن عشان اتزوج وحاولت يارب ولكن أنا عاجزه أمام قدرتك توكلت عليك ياااربي.. خلاص أنا بلهى بنفسي وحياتي وأنت يارب عليك أمر زواجي.

صدقيني هذا الدعاء الي قلته قبل ملكتي بكم شهر جد جد يأست

وأعتقد كان ربي يبي يعلمني أن الشيّ لما يجي راح يجي منه هو لا من نسبي ولا جمالي ومحاولاتي الرعناء

نصيحه لج حبيبتي عزّي نفسج ولا تسوين شي تندمين عليه طوول الحياه.. تحمّلي تدخلين فعلاقات حتى لو على الانترنت.. لان ما ردج راح تتزوجين وتعيشين في خووف وقلق من أن يكتشف زوجج الماضي الأسود اللئيم خخ

الانسان الي واثق من اعماله و من نفسه يمشي ملك .. بقلب من حديد !!

وتحملي تقولين بخطب لنفسي ومادري ايش.. ولا تتعاملين مع خطابه!!

أنا طبعاً مو ضد أن الوحده تسوق لنفسها عن طريق الأعراس أو المناسبات والظهور في التجمعات النسائيه.. ولكن التسويق عن طريق خطابه أو تخطبين بنفسج فهذا قد يكووون فيه ندم كبير

لأسباااب كثيييره أنتي تعرفينها

بينما ياحبيبتي الزواج نصيب وربي لا يجيج لييين عندج الزوج .. بس أنتي تختارين الطريقه!

وياا حلوووها لاجات بعزه وكرامه وتلاقينه ميت عليج ويتنطنط لج ويحس أنج غاليه ومب بالسهوله خذاج..

أنا ليش أقول لج هالكلام لأن بجد بجد مريت بنفس التجربه وكنت أحس أني مب جميله ومحد يبيني ومادري وشو وكنت مستعده جد جد أخطب لنفسي!!

لكن يوم جاني زوجي وطبعا ماوافقت على طول وأبوي سوى له اختبارات وحاله يمكن قعد شهر ينتظر

للحين هو وأهله يتكلمون عن أن شلوون أبوي كان حريص عليّ وأن أنا غاليه ونادره ومايبي يعطيني لأي حد

أقول فقلبي مادروا أني كنت ححدف نفسي لأي حد

الحين نصيحتي لج .. اشتغلي لو ماتشتغلين وركزي عالنجاح قولي أبي أنشر الخير أبي أكون عنصر فعال في المجتمع..أبي منصب.. أبي أسوي مشروع ناجح

وصدقيني من أول ماتفكرين بالفكره وتخططين لها وتبدين تنفذين اهدافج رااح تجين هنا وتشكريني شخصياً وتبشريني أن جا لج عريس زي القمر

أسمعي وجدي غنيم بس وعيشي حياتج



أحلى شي يوم يقول يمكن جاي لك على جمل