عزيزتي خلني اتكلم عن الاحتمالات في الموضوع
وانا اقول لاحظت المتأخرات هم اغلب حالات الطلاق تكون منهم يعني متأخره وتطلق

1- الفال موكل بالمنطق بعض البنات تتفائل على نفسها او غيرها مثل كلام الاخوات احمدي ربك وتتزوجين بواحد يضربك او او مدري يتفاؤلون لنا حتى انا تحاشيت اكتب الموضوع في البدايه عارفه راح تكون كذا الردود

2- المتأخرات في الغالب يتقدم لها شخص مواصفاته اقل وتكون الخيارات امامها قليله فتوافق ومبدأها لو اطلع من هالزواجه بولد

3- المكتوب والنصيب العقل والمنطق وحده ترفض وترفض الى متى خاصه الي خطابها قليل او محد يخطبها ويجيها واحد معقول هل من العقل ترفضه ؟!

4- الي تتزوج بسرعه ولا تتأخر مايكون هالموضوع هاجس لها لانها ماتأخرت مو لانها مايهمها

5- الله فرق بين البنات في العقل فيه بنات تكيف نفسها في اي وضع وفيه بنات لا وهذا توفيق من الله وثاني شي قدرات فيه بنات تتزوج شخص عادي وفيه عيوب لكن اهي تغيره وفيه بنات تتزوج شاب مميز لكن يتغير لشاب سئ سبحان الله توفيق

شي اخير بعض البنات الله يهديهم تطلع قدام الناس كأنها مفجوعه على الزواج وتجلس تشكي لهم
عادي خلي الموضوع عادي ولاتقولين ماابي تزوج

اسكتي الصمت خير واذا احد تكلم لك قولي النصيب تأخر

هههههههه
ذكرتوني بسوالفكم هذي جرح احسب اني نسيته والله يهديكم بسوالفكم قلبتوا الماضي علي
بنت خالي اما تزوجت وكانت اصغر مني بكثييييبيبر
كنا في مجلس حريم وتمدها امها بفنجال القهوة قبلي بحكم انها متزوجة وهي الاولى ان تحترم وتقدر!!

يعني ألحين تذكرتي الماضي وعشان تركتيه خلاص تقولين للبنات انتو تافهين
البنت تحس في نفسها ومو على الناس تلاقين عندها خوات واخوان متزوجين كل نهايه اسبوع ينطلون عليها عيالهم ويوسخون ترفيه على حسابها ويطلعون حتى واحد منهم يذكرها بهديه شي مافيه
ناهيك على بعضهم يدقها بالكلام والاستحقار

ان شاءالله اذا تزوجت مستحيل اني اشوف بنات العائله سوى خواتي الي اصغر وبنات اخواني لو اكلم خطابه اهتمام الاهل له دور كبيييييير في تزويج البنات

عانس طلعي لي الكلمة اللي قلت لكم فيها تافهين؟!!
شوفي يا بنت اللي يرمي عليك عياله ويعاملك خدامه انت تقدرين توقفينه عند حده وتوضحين اه انك ما تبين هالشي
انت سلبية في حياتك، وتبين التعاطف وبس
كلنا مرينا باللي تتكلمين فيه، وحاسين وفاهمين لكن ما استسلمنا
نبي نفهك ونوصل لك هالشي وما تبين
خوات زوجي خمس ما تزوجن وكبار
وما اتجرا احط بناتي عندهن لانهن بدون ما يصرحن يتضايقن وما يبن هالشي
كوني قوية
هذا المطلوب
والله يفرج لك عاجلاً. غير اجل

انتي ترمين كلام ووبس وش تعاطفه شايفتني ابكي او فيه خطابه عشان ترحمني عارفه كلها رزق وهذا كلامي وكلام كل البنات يعني كلنا نبي تعاطف كأنكم بترزقونا

والاهل يعني تبون الوحده تمسك عصا تحارب اهلها عشانها متأخره ولازم لها جوها
هذا نظام الحياة وهذولا اهلك بحاربهم ألحين على ايش عشان ماتزوجت وهم ماوفرو الجو المناسب هذا رزقي هم مالهم دخل واذا على النظام هذا قدري اجي في اسره كذا
الحمدالله وبصراحه من قال اني ارفض اني اساعدهم بالعكس الاجر من الله واذا مالقيته في الدنيا في الاخر اما على كلامكم روحي حاربي اهلك وطلعي حقوقك لا

بلادي وإن جارت علي عزيزة
وأهلي وإن جارو علي كرام
عيال اخواني وخواتي الي راح اطردهم اليوم واتكبر عنهم بكره يمكن ماينفعني غيرهم
صدقيني هالموضوع بقدر مايقهرني الا عندي يقين عند ربي ماراح يضيع اي شي اسويه
وكل الي ابيه زوج صالح يغنيني ويعفني بدون ماادخل في نزاع مع اي احد
والله راح يكرمني واثقه وان شاءالله كل البنات الي كتبو في الموضوع وغيرهم

عانس
قبل ما اكتب ابي اقول لك اني متعاطفةة جداً معك ولو بيدي حل ما قصرت
وما رح ارد بعد هالرد الله يصلحك، ويصلحني عشان ما تزعلين
طالما اهلك وهذا حقهم وما تبين تزعلينهم ليش تتشكين انك خدامه عندهم
ما عرفنا لك
الله يريح بالك ويرزقك السكينة والطمانينة

يا مثر ما تلطشنا ترى وجرحنا عشان هالشي
بس والله ثم والله ما حرك بي شعرة اني اتنازل واركض على العرس
يا الوحدة تطيح متواسية والا تقعد في بيت اهلها
عانس اذا تبين من مواقف الاهانات والتجريح عطيناك لين تملين
بس عشان تعرفين انه اللي تمرين فيه عادي وموب شي
الزواج قدر كتبه نصيب ان حصل حياه الله وان ما حصل ما رح اموت
وما حصلتي وظيفة ادخلي دورات معاهد اشغلي نفسك
طروفنا تعلمنا نكون اقوى واكثر صمتاً وقدرة على مواجهة الهموم والمواقف.

طيب ليه قلتي
افكر و انا اشيل عيال اختي كأني خدامتهم!
لماذا كتبتيها و كانها تذمر
و كذلم قلتي لا طلعات و لا وظيفة و لا فلوس تتونسي بها
لذا جاء شيء من ردي لتوضيح ذلك

__________________

ايه فعلا اتذمر وقلت انا انقهر لكن لازم اصبر لو كل شي ننفعل منه وكل كلمه نضيق منها نقولها كان دخلنا في مشاكل انا في غنى عنها

مثل لين تزوجتي لو كل راح يسويه زوجك راح تنفعلين منه تقولينه راح ينهار بيتك مو عشان هو زوج مو مجبر يتحملك تصبرين واهلك الي مجبرين تتمردين مثل بعض البنات

وبعدين انا وضحت الظروف الي تجبرنا نتمنى الزواج وبقوه عشان تكون الصوره واضحه