ليه مستفزه ليه
بالعكس اسئلتكو بتفتحلى حاجات ..
انا مش جوزها عشان اتفاوض فى موضوع الشغل
هى لو لانت حاتتصل بجوزها وتتفق بس اللى اعرفه انهم من شهر اتفقوا انها ترجع نفس الشغل بعد ماتفطم البنتوهى وعدته تشتغل نص وقت ..
انا لما عرفت كده قلتله انت غلطان لانها جست ضمنت الشغل حاتقوله اصل النهارده زميلتى غابت او المدير قال استنى او عندنا جرد المهم انه يتعود على تاخيرها ويرضى بالامر الواقع ..
ومع ذلك قلتله مادام وافقت واتفقت انت حر انا قلت رايى ..
ادينا منتظرين وانا زى ماقلتو مش حااتصل
بس لغاية امتى ؟

تدخلات ايه يامبتعثه ..
انتى حاتعومى على عومهم ..
ده وهم ..
اما قضية ان ابنى لسانه طويل فهو ليس بطويل لانى معاشره وعارفه وعاشرتها وشفت ردودها علينا كلنا شكله ايه ..
انما المشكله انه لما يعترض على شئ ولا يوافق عليه لا يجلسوا جلسة نقاش واقناع ويصلو لحل وسط ..
وان لم تصل فترضى بالامر الواقع الى حين انما هى على طول ردها حاعمل غصب عنك ..
وهو لما سألها كان عاوز يعرف ناويه على ايه ومش خبره انه يعرف السؤال فى التوقيت ده حايكون جوابه كده ..
معلش برضه الست محتاجه خطه للتعامل ..
اكيد الطرفين لا يجيدوا لغة الحوار وياما اقوله سهل تكسب البنت ..
بس مع الاسف ماطلعليش ..
اهو كلها دروس مستفاده ..

اقولك ابوها قال ايه فى القعده
قال بيهينها وبيضربها وبيشتمها ومجوعها
قلتله شتمها قالها ايه ؟
سكت ..
قلتله اجيبلك الجيران اللى نزلو لخال الواد وقالو ياجماعه خدو البت الصغيره من الصوت ده الست نازله شتايم فى الراجل
ده الجيران مش انا ..
ومجوعها ده الاهبل مديها كل المرتب وبياخد مصروف ايده بس ومرتبه على اتنين يعتبر مقبول غير احنا شهريا بنبعتله خزين ..
يبقى عشان ابنى ولا هى كلمة الحق ؟

والله يابنتى مانا عارف بيحبو بعض ولا مش طايقين بعض
لما بيبقو كويسين بتقعد تاكله فى بقه وهم عندنا
انا مش مصدق ان ده حب ..
اعتقد انه تمثيل ..
وفى جميع الحالات ربنا يهنى سعيد بسعيده
قالو للاعمى ايش بدك ؟
قال قفة عيون ..

بصوا ياجماعه اجيب لكم من الآخر
الراجل لما يقول حاجه والست تعترض بطريقه غير مهذبه
تاخد فوق دماغها
ان ماكانتش الست تحترم راجلها يبقى فاضل ايه بينهم
كون انه يعلى صوته او يعترض او لا يوافق على شئ ليس مبررا لان تطاول عليه .
برضه الراجل راجل والست ست ..
واللى اعرفه ان الست المطيعه زوجها بيحترمها وان كان ليها رأى فلتنتخب الوقت والاسلوب الملاءمين للنقاش
امى كانت تقول لابويا اللى انتى شايفه اعمله ..
اللى عاوزه من كل واحده معترضه تقوم تقول لجوزها( وحياة امك حاعمل غصب عنك) وتقولى حصل ايه معاها