استغرب من البنات اللي يقولون 8الالاف كثيرة لاحتياج سنوات

لأم وطفل !

اي وحدة فينا تروح السوق وهي عارفة انها م راح تقدر تروح مرة ثانية راح تأخد مل احتياجاتها !

الاخوات يقولون المفروض تشتري من مالها !!درءاً للمشاكل

ماتفكرو لي متى هي اللي راح تصرف !ولكم طفل !

الحقيقه جربت اني اتقضى ل 10اشهر لظروف خاصه

وكانت الميزانيه حول ال 8000 صحيح صرفتها مقطعه

لكن المجموع كامل يوصل لهالمبلغ ،،مع اني شخص واحد

من ملابس شتوية وصيفيه وبجامات وملابس داخليه

وعطور وجزم اكرمكم الله ، وبالطوات وحجابات وشنط

وعبايتين ،، وطبعا كان عندي ملابس مرتبه ف البيت سابقا


كيف بوحدة سنة كاملة م راحت السوق ابد ،،


الرجل مسؤول عن زوجته ،، اللبس له والتعطر له والميكب له

ولو م تكشخ له قال مهملتني

واضح جدا اهمال الزوج ورغبته ف الانفصال السبب الرئيسي

وإلا حقيقه مصاريف المرأه ف السنة اكثر من ذلك

__________________




ربِ هب لي من لدنك ذرية طيبة أنك سميع الدعاء

بصراحه استغربت تحميلها كل الغلط

طيب نقول غلطت

هل خطاها يستاهل منه رميتها خمس شهور
بدون مايسال عن ولده حتى؟؟

يستاهل كل هالذل والاعتذار والتوسط؟

طيب غلطت واعتذرت وقبلت بالشروط
وارسلت المراسيل وحاولت
وعرضت تدفع المبلغ وتحملت رمية الخمس شهور
وماكفاه

ايش بيدها كمان ؟

اي رجال طبيعي
صح بيزعل من صرف كذا مبلغ
بس ماتوصل ردة فعله هكذا مواصيل !!!

زوجك شكله يدور الفكه
وشكله يماطل عشان تطفشي وتخلعي
وتدفعي المهر

يكفي اتصالات من طرفكم
اعملي الواجب وعزيه وعزو اهله بوفاة ابن عمه
وخلي الكره بملعبه ولا عاد ترسلي شي
لو مرت ثلاث ال ست شهور وماتحرك
عندها ياترسلي شخص عاقل يتفاهم معاه عالصلح للمره الاخيره
او تروحي المحكمه


الله يكتب لك الخير

__________________
سبحانك لا اله الا انت اني كنت من الظالمين

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

نعم بعد قراءة ردود الأخت وفاء يتضح أن زوجها كان يريد أي امر ليطلق ... اعيدي حساباتك ويكفي اعتذار له ولابد ان تجعلي اهلك يتخذو موقف حازم من بقاءك كل هذي المدة لديهم ... لابد ان يتضح امرك لا ان تبقي معلقة كل هذي المدة ... أعانك الله وفرج همك

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

اختي لاتلومي نفسك
لا خنتيه ولا دخلي رجال غريب ببيته
ولا سودتي وجهه
ولا طلعتي بدون اذنه
خلونا واقعيين سنه كامله ماخذت مصروف
لو تاخذ بكل شهر الف طلعت اكثر من الثمان الاف
والرجال لا ولدت زوجته جاب الهديه وتكفل بالولاده وقدر زوجته بلي يقدر عليه ولعضهم يخصها بسفره
وهو مهندس والله مرخي عليه
ومن قال احتياجات الطفل والام ماتتعدى هالمبلغ شايفين السوق
وبدون ماركات اصلا كل شي غالي
وان كانت حزت بخاطرها يعاقبها بجنس العمل
يطالبها لارجعت دوامها تعطيه من راتبها
المره جايبه السايق والشغاله من حسابها
وهو ماصرف على ولاده ولا سوق
وش بيضره لو شارك بهالمبلغ
خافوا ربكم بكلامكم
امهات انتم وعندكم بنات وخوات خافوا يبتليهم بمثل مابتلى زوج صاحبه الموضوع
تضيقون صدرها وتلومونها ليه
وش تبونها تسوي
لاهي اهانته ولا اهانت اهله ولا خانته
حبيبتي وكلي امرك لله والله يكتب لك الخيره
ان تندم ساعتها لكل حادث حديث
وان عاند وطلق
الحمدلله كتبه ربي وخيره
والي تقول الطلاق كثر وحرام يخرب بيت عشان فلوس
هالكلام ينقال لزوجها هو الي هدم بيته مو لها
..............................

لو كنتِ أختي
لأعطيتك الثمانية آلاف ترسلينهم له مع طلب الطلاق
أمثاله بدون رجولة ولا نخوة ولا حشيمة
وضعفك وضعف أهلك وعدم موازنة الأمور جعلته يستقوي بالسوء للأسف

قال وش قواك يا فرعون ؟ قال مالقيت من يردني !



لو طلبتي نفقتك ونفقة ابنك في المحكمة أثناء الحمل وبعد الحمل لخرجتي بأكثر من الثمانية آلاف

إن قدر الله لك رجوع فليكن بحقوقك المعتبرة شرعا وإلا فلا
ماله يأخذه وحقوقه يأخذها وحقك يعطيك إياه
لا خدمة ولا ذلة ولا ضعف !

اختي وفاء
لا أعتقد ان سبب الطلاق هو مشترياتك فقط و الدليل على هذا انك اعتبرتيها دين اصلا و ستعيدينه له و لن تأخذي منه اي مبلغ فيما بعد فلو كان هذا السبب لقبل به فقد عادت اليه نقوده كاملة و لن تطلبي منه شيئا فيما بعد .

الغريب في الامر أن اي زوج يحب أن يرى زوجته في أبهى صورة و هو بدل ان يطلب منك ان تتزيني له يقبل على نفسه أن يراك بملابس رجل ؟! ثم ان حجته ان هذه الملابس مؤقته خاطئة فأنت سوف تحتاجينها للحمل الثاني و الثالث ان كتب الله لك ذلك .

اختي لا ألومك على صرف مبلغ مثل هذا و غلاء الاسعار الذي ارهقنا ، فقد ذهبت الى السوق لأشتري ملابس شتوية لولدي و بعض الملابس الداخلية له و جوارب و بطانية صغيرة و فوط للاستحمام كل هذا ظهر لي بملغ كبير جدا حيث اضطررت الى اعادة بعض الاشياء و هذا و انا لم اشتري كل احتياجيات ابني و لم اشتري لنفسي شيئا فلا الومك ابدا .

و مع الاسف اظن ان اغلب مشترياتك أشياء تلبسينها و تستخدمينها لزوجك حتى تشبعينه و تكوني له في اجمل صورة مثل العطور و الكريمات و الملابس بأنواعها و الاكسوارات و الاحذية و المكياج و كل هذا و انت لم تذهبي الى السوق لسنة او اكثر بقليل .

نصيحتي لك اختي أما ان تعودي بكامل حقوقك الزوجية و بدون شروطه التعجيزية او الانفصال فالله لم يخلقك ليعذبك و انت تزوجتي لترتاحي و تستري على نفسك و تعفي نفسك فما فائدة الزواج بدون حقوق و اذا أراد رجوعك بشروط مقبولة فتوكلي على الله و ارجعي يسر الله جميع امورك .

نسيت مااذكر لكم ان زوجي كان عاقد قرانه علي بنت عمه واستمر عقد قرانهم سنه وقبل الزواج بااسبوع تركها وهرب الي المانيا بعد 3 شهور تزوج من بنت عمه الثاني واستمر معها سنة وطلقها وانا الضحيه الثالثه ..
انا اللي استااااهل كل هذا لاني استغربت كلامه لي ايام الملكة كان يقول يوم الملكة واحد من عيال عمي شدني بثوبي وقال الا هالعائلة لاتفشلنا بهم اذا ناوي تستخدمها فترة فلا تتزوجها ورد عليه مستحيل افرط فيها هذي الثالثه وهي الثابته .. وقت ماقالي هالكلام شكيت ان هالرجل هاوي طلاق وتغيير ليت اني رفضته لكن الحمدلله علي كل حال .. ااخ لو افجر راسه برصاصه والله ماتشفي غليلي .. يلعب ببنات الناس ..

حسبي الله عليه هو الخسران حبيبتي
احد يلقى زوجه صالحه بهالزمن وام اولاده يفرط فيها
واهلك باين عليهم كفو وعرفوا يربون
باين عليك محترمه وبنت ناس
وهو اهله باين عليهم محترمين وخجلانين من تصرفاته
ماعليه خلي ابوك يسحبه
واذا على العيشه الحمدلله بتعيشين بيه او بلاياه
ربي كاتب لك الخيره وماتعيشي عمرك مع ظل رجل وواحد ماعنده كرامه ولا حشيمه
على الاقل تعيشي معززه مكرمه
الحمدلله

السلام عليكم ورحمة الله وبركاته .. اليوم الوالد الله يحفظه ويطول بعمره اتصل بااخوه الكبير وقال انا قلت لك كلم اخوك يرسل اغراض بنتي وقلت راح ترد لي وماشفت منك اتصال .. قال انا كلمت اخوي وقلت له ياترجع زوجتك ياتطلقها فرد علي انا ماتدخلت في عائلتك فتدخل انت بيني وبين زوجتي قراري برأسي وماراح يمشي الا اللي ابيه حاولت امه وابوه وبعد مافيه فائدة قال الوالد انا كلمتك عشان ماتشيلون علينا في قلوبكم بيننا نسب وبنت وياليت تعتذر لي من ابوك لاني راح اسحب اخوك بامر من الامارة من دوامه .. قال اخوه خذ راحتك وحنا اللي نعتذر لك من تصرفاته .. وابوي يبي يسحبه ويقله هل انت رجل بترجع زوجتك بهالشروط اللي يرضي بها العاقل ولا طلق غصب عنك .. طبعا زوجي رفض يرسل اغراضي ورفض اني اروح اخذهم وهو قال لي بوقتها انه راح يعلقني كذا سنة ..