05-01-2015, 03:09 PM
|
المشاركة الأصلية كتبت بواسطة تحملتك كفاية
زوجك يبحث عن شماعة يعلق عليها تصرفه
وهذه الشماعة هي التوبيكات حقت ابوك واخوك ونسي مااقترفت يداه من ضربك ليس من مهام الأب ان يقول لزوج بنته بعد ما يتصل عليه ويقوله بنتك عندك معززه مكرمه وتبي شئ كلم اخوي ان يقوله سم وابشر واللي تامر عليه احنا بنكلم اخوك ونترجاه يكلمك علشان ترجع بنتنا اي اب بنته مطلقه وزوج بنته سوا هالشئ يقوله اكيد بنتي عندي معززه مكرمه وانت الله يستر عليك وردة فعل طبيعيه اعتبري هالموقف حصل لبنتك هل ترضين يحصل معاها هالشئ ؟؟ عموماً بنت خالتي زوجها يضربها بإستمرار وتزعل وترجع له وهي حامل ثم تلد وترجع المشاكل ويضربها وتترك بيتها وترجع علشان ماتبي عيالها يتشتتون الآن تريد الخلاص من هذا الزوج طويل اليد وسليط اللسان لكنها متورطه بخمسة اطفال ولا سبيل للخلاص ولايريد الطلاق ويريد مهره ان يرد له وانتي اذا رجعتي بترجعين لنفس البيت اللي طلعتي منه فإما ان ترضي بهذه العيشة او لا انتي تقولين انا غلطانه وندمانه وتترجين زوجك يرجعك ولا حرج بذلك يحق لك طلب فرصة ثانية لكن سؤالي لك بعد الولادة ورجعتك لبيت زوجك هل سيتوقف اهله من الزن على رأسه هل ستتحملين دخوله فجأه وضربه لك ويقول سمعت من اختي انك سويتي كذا وكذا ؟؟ اذا بترجعين ارجعي لكن انتبهي من الحمل خلال الفترة القادمة اقل شئ لو بتخرجين من هالحياة تخرجين بأقل الخسائر وبنته لو قال مابيها وحلال عليك طالبوه بالنفقة او التنازل عن حضانتها حتى لا ترجع اليه لو كبرت لاتوهمي نفسك ان كل طلاق معناه ضياع للأطفال وتشتت احياننا يكون الافضل لك ولاطفالك الخروج من هذه البيئة انا مطلق مامضى على طلاق زوجتي الا اسبوع واولادي عندي لانها ماتبيهم عندها وحياتنا مستقرة وجالس ارتب حياتي وحياتهم على حسب الوضع الحالي المدارس ومستمره والحياة مستمره ولن تقف على زوجة او زوج الأهم حسن التربية والخلق الحسن والقول الجميل حتى يتعلمون ويكونوا من افضل الناس ويزورون امهم متى مايبون او هي تبي عادي مافيه مشاكل تشتت موجود لكن انا اشعر ان هذا الوضع افضل لي ولها وللأطفال لاتفكري فقط ببنتك اللي حامل فيها الآن فكري في حملك الثاني والثالث وحياتك معاه بعد 10 سنوات او 15 سنة ماهو الوضع ؟؟؟؟ |
05-01-2015, 03:15 PM
|
المشاركة الأصلية كتبت بواسطة Vanity
لاتحطين بنتك عذر..
انتي تريدين الرجعة لانك تريدينها لاسباب تخصك.. مو عشان بنتك.. زيك زي اغلب المطلقات اللي يتمنون الرجعة ويتعذرون بعيالهم يعني ترا مو عشانه.. صارحي نفسك وتصرفي على هالمبدا عشان تردينه لك.. ماراح يجيك برجوله من جد الا اذا حس انك مستغنية بايعة وبتبدين حياة جديدة واحتمال مع رجل ثاني.. بترجيك ومبادراتك المبالغ فيها بيعيش دور انه مو غلطان.. وقتها بتصير رجعتك وبال عليك وماراح تستفيدين لا ان غلاك وقدرك واحترامك زاد.. ولا انه بيتعدل لانك حسستيه بفعلك انه مو غلطان!!!! الرجال مايرفعون الضعيفة المتمسكنة ترا.. ممكن ينفع هالاسلوب مرة.. بعدها لا! |
05-01-2015, 03:33 PM
05-01-2015, 03:40 PM
05-01-2015, 03:45 PM
05-01-2015, 03:49 PM
|
المشاركة الأصلية كتبت بواسطة No0orseen
ياختي ريحي نفسك واللي كاتبه ربي بيصير.. وماتعلمين وين الخيرة فيه..وكلي امرك لله
ومشكلتك اسهل بكثير من مشكلة مريت فيها قبل لكن الحمدلله ربي عوضني بخير |
05-01-2015, 03:51 PM
|
المشاركة الأصلية كتبت بواسطة Vanity
المهم اذا بادرتي بقطع الاتصال..
كملي للاخر.. يعني اذا شفتي طاري رجعة وجس نبض خلك متحفظة ولاتروحين له كلك وتندلقين كنك ماصدقتي! كذا تخربين على نفسك.. وترجعين لنقطة البداية! |
05-01-2015, 03:57 PM
|
المشاركة الأصلية كتبت بواسطة انكسآر حلم
فضفضي حبيبتي قولي كل اللي في نفسك .. تخلصي من كل همومك وتساؤلاتك هنا
الله ييسر امرك ويفرج همك .. اشغلي نفسك بالتجهيز للبنوته أسأل الله أن ييسر لك ولادتها ويرزقها العافيه التامه يارب.. زوجك أتوقع إنه مدين لخواته طالما هم موظفات يمكن هم اللي دفعوا تكاليف زواجه او انه متسلف منهم بحيث انه مو قادر يوقف بوجوههم ولا يوقفهم عند حدهم.. ثقي تماماً إذا كنتي مظلومه إن ربي بينصرك عاجلاً أم آجل .. وطالما أهلك شايلينك وعازينك وماتلقين تجريح ولا مضايقات ف احمدي ربك وانبسطي عندهم واعتبري نفسك في إجازة أمومه عندهم .. وخلي أمك دااااااايم تدعي لك .. قولي لي وش ناويه تسمين البنوته (: |
05-01-2015, 04:20 PM
05-01-2015, 05:23 PM
|
المشاركة الأصلية كتبت بواسطة مبتعثة متفائلة
حبيبتي
هذي ماهي حرب وخواته طبعا لهم افضال وهم خواته من سنين وانتي اعترفتي ببعض اخطائك لكن بالنهايه يقدر يطلقك ما يطلق خواته وكثير صبرو الى ان تتمكن وتصير راعيه البنت بالنسبه له للاسف لازلتي ضيفه وايه بيسمع فيك لاتحطي خواته ند لك شيليهم من راسك الحين وركزي بنفسك والبيبي والله يكتب لك ااخيره |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
