متفائلة انت شوفي زوجك اذا غيرة ام انانية
لكن يمكن يختلف عن غيره
ويمكن لا غيرة ولا انانية يكون شيء اخر

صحيح وفي البعض عندهم حب التملك ومثل ماقالوا يمكن يكون حرص زايد

انا لما كتبت الموضوع ماكنت أصدق فعلاً هل هو غيره ولا انانيه ولا ايش بالضبط لكن الرجال اثبتو هذا الشي والاقرب أنانيه يبغاها ماتحس بالسعاده مع أحد غيره ....


تقريباً كل سنه اتمشى مع اهلي وماابغى السنه هذي يتكرر الموقف أفكر أقول لزوجي يروح رحله مع اخوانه في نفس الوقت الي أنا رايحه فيه مع أهلي وعذري عشان مايطفش وكذا ....

شكراً لكل الي ردوا ع موضوعي.....بدون إستثناء أحد

عجبتني نقطة ذكرتها اشغلتني دنياي ماابين فرحتي رغم انه الواحد يحب يتصرف ع طبيعته فجأه جاك خبر مفرح صعب تكبت الفرحه ...



وانتظر الأخ جذيلها المحكك \ 😂

.............................

الموضوع أخذ منحنى آخر..!

بس حبيت أعلق على رد الأخ ( حسن صنارة )..

حق الوالدين مقدم على حق الزوج والزوجة..
إذا تزوجت إن شاء الله، أحب زوجتك دلعها عيشها أميرة، اللي يعجبك..!

لكن لا تقدمها على والديك مهما كانت الأسباب، أو تحبها أكثر منهم، لأن زواجك راح يفشل سريعاً.!

وإذا كنت بتطلق عشان زوجتك تحب أبوها وأمها أكثر منك،
فنصيحة لا تتزوج ووفر فلوسك، لأن هذي الزوجة ما راح تلاقيها على كوكب الأرض،
إلا إذا كانت والعياذ بالله عاقة أو عاصية لأهلها،وهذي أيضاً راح تتعب معاها لأنها زي ما قالوا الأخوان:
( اللي ما فيه خير لأهله ما فيه خير للناس )

بالتوفيق

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

نامل من الجميع تقدير جهد صاحبة الموضوع

وعدم تحويل الموضوع الى مسار آخر لا يخدم توجهات الطرح

إدارة المنتدى

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

بعض الاحيان انانية واحيان اخرى غيرة واحيان اخرى سيطرة واحيان كثيرة عقلية الاجداد ! ،،،
رفضه للسفر ممكن لعدم تعوده على فراقك او سفرك عنه او الا معه ؟! ... والدي بصغرهم تقول امي كان يرفض سفرها مع الاهل او نومها حتى ببيت احد الاقارب او اهلها ولما سالته عن السبب قال هذا اللي ربونه اهلنا عليه ! وانا ماقدر تبتعدي عني ...

تعالي مع زوجك بالدبلوماسية ...حبيبي اهلي عزموني على سفره لكن انا بشتاق لك وبشتاق اكون معاك بهالسفرة ( يا اما بيوافق تروحي يا اما راح يوديك لهالمكان وهو معاك ) ،، اوو احس بنفسي مضغووطه وتعبانه ومحتاجة تغييير جوو وصارت سفرة اهلي وعزموني وودي بتغيرت هالجو وياليتك تكون معاي ،،، 😊 يعني خليه دايما بالموضووع ...
بعض الاحيان الدموع مع دلع تعمل عمايل هههههه ايضا جربيها ،،،

السالفه حب تملك وتسلط لا أكثر والأولى يزعل ويغار لما تروحي مولات وبدون ماتقولي له كمان 😯
بس يامتفائلة مافي انسان كامل ودامه يرضى انك تسافري مع اهلك هذه بحد ذاتها حسنه أعرف وحده زوجها مايرضى تطلع مع أهلها وتسولف معهم واتس تزوريهم وسولفي ماله داعي الرسايل وووو
مافي أنسان خالي من العيوب

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

بعض الرجال عندهم حب التملك وبعضهم مجرد حرص

ما انكر وجود غيرة البعض او انانية انتن اعلم بأزواجكن
انا غير متزوج ولكن بتكلم عن خواتي المتزوجات اختي الكبيره اطفالها صحتهم ومناعتهم ضعيفه دايم يمرضون الله يشفيهم ويكون بعونها فـ ما الومه على حرصه دايم اتصالات وماتسافر معنا بنفس السياره يجي معها دايم
اما الي اصغر منها يخليها تسافر معنا لكن يتصل كل فتره يتطمن وصراحه انا اشوف شي كويس لأن سبق وصار لنا حادث قوي وقلبت السياره واختي وعيالها معنا لو مايتصل ماكان عرف وش يصير الحمدلله ربي سلمنا من الحادث لكن لاتلومون الزوج لما يحرص عليك مسألة انه يسمح لك تسافرين مع اهلك وتنبسطين شي حلو ولو مثل ماتقولون انانيه وغيره كان ماسمح لك من الاساس كل مازاد حبك لشخص بعده عنك هم اتوقع يشيلون همكم بهالسفره انكم تحتاجونهم بشي لاسمح الله حتى مع وجود الاهل يعني مثل الحادث الي صار لنا احتجنا زوجها كان بيسافر ويجي بس طمناه ان الامور سليمه ف محد يضمن وش يصير من ظرف بهالسفرة واشوف لامانع لو تطمنونهم لو باتصال واحد افضل حل من وجهة نظري انتي بادري بالاتصال اسأليه عن اخباره وطمنيه عليك لاتنتظرين اتصاله اما الواتساب قفلي الشبكه وريحي نفسك قولي ماعندي نت او احذفي البرنامج من الاساس ولارجعتي ركبيه جربوا الطريقه الي علمتكم لو اني متزوج مستحيل امنعها ولو انها تبادر بالاتصال هالشي بيسعدني حيل اما سالفة اخرب سفرتها تنكيد سلامات !
الله يسعدكم كلكم نفر نفر