الله يعوضك اخي الكريم بامرأة صالحة تقر عينك وتكون لك عون في الحياة

اعتبر اللي صار صفحة من الماضي وابدأ بصفحة جديدة
واولادك افضل هدية من هالزواج والله يخليك فوق راسهن
رمضان كريم

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

حسبي الله ونعم الوكيل


الله يعوضك أخ عبدالله الحمدلله أطفالك معاك

رح يجي يوم تتفرج عليها وتضحك لا تخاف والله والله والله الدنيا دواره

وكل أمرك للحي القيوم وأنبسط مع أطفالك ومبارك عليك الشهر

اخوي والله اني داري ان نهاية الموضوع بهذا الشكل من يوم قلت الاعراض اللي كلنا مرينا فيها
اما موضوع مرض نفسي وهالكلام هذا اعذار انا مابقى شيخ الا وديتها قلت يمكن سحر والا نفس

احمد ربك واشكره انه خلصك منها وهي الخسرانه وانا اخوك مو انت واللي مثل هالعينه ماينزعل عليها
وانت انتبه لعيالك وقرب لهم اكثر وخلك الاب والام لهم
الله يعينك ويوفقك ويفرج همك ويربط على قلبك يارب

لاحول ولا قوة إلا بالله

أخوي الله يخليلك عيالك ويصلحهم
ويجعلهم من الذريه الصالحه الباره فيك يارب

ربي بيعوضك بالعوض الجميل
أسأله سبحانه وتعالى أن يرزقك الزوجه الصالحه المعينه لك على دينك ودنياك

قسما بالله اني انصدمت شنو القدره الخارقه الي عندها من تمثيل. عمري ما تخيلت ان يطلع كل هالخبث والمكر والدهاء. كنت دايما اشوفها ملاك وإني محظوظ فيها.

عشت معاها كتاب مفتوح. اتعرف عني كل شي ودفعت الثمن غالي ماديا وعاطفيا ونفسيا. كنت مكشوف لها واهي لعبت على نقاط ضعفي. ما ابي ادخل بالتفاصيل بس قسما بالله العظيم ان الي صار معاي ومع أولادي كنه مسلسل او فلم.

أخ عبدالله تقول رفعت عليها قضيه إيش هي القضيه ؟

انتبه لا تتهور وتفقد حقك في الحضانه


خلاص هي وانتهت اعتبرها ماتت

فكر في نفسك وأولادك

حتى أنا انصدمت نفس صدمتي بقصة الأخ وحيد لإني دافعت عن أمهات أولادكم لأنهم أمهات والأم في الغالب ماتكون أنانيه وتتجرد من أمومتها وترمي أطفالها ولا تسأل عنهم إلا لمرض لكن بسبب عشيق أحسه شيئ مستحيل وكأنا مش مسلمين الله المستعان

هلا اختي
رفع القضيه لانها كانت مهمله ودايما مسافره وطلعت متزوجه وساكته ورفضت التنازل عن الحضانه ف عطيتها فرصه ( علشان الاولاد بس ) وكانت ترفض. رفع القضيه هو لاسقاط الحضانه

اصلاً اذا تزوجت تسقط عنها حق الحضانه حتى لو كانت اطهر من الطهاره نفسها
تصدق استغرب من وقاحة بعض الناس يعني فوق اللي سوته ولها عين تطالب بالاولاد بعد

لهذا ابقت امر الزواج سرا حتى لا تفقد حضانة الاولاد

هل وكلت محامي في قضيتك الاخيرة؟

صحيح ولكن لازم تثبت اهمالها وزوجها للمحكمه علشان يتم إسقاط الحضانه
سافرت وخذت معاها الخدامه وفرش الاولاد وأغراض شاريهم للأولاد بعد الانفصال