الله يفرج همك ويسخرلك زوجك
اكثري من الاستغفار
اللي عليك سويتيه التزمي الهدوء
وانتظري ردة فعله
ادا جا وقال يلا بيت اهلك قولي حاضر
وجهزي اغراضك
ادا شافك قويتي وسويتي كذا صدقيني راح
يتراجع بكلامه
زوجك يهددك شافك متمسكة فيك
لو بيطلق طلق وجاب ورقتك وحطك قدام الامر الواقع
بدون زعل يازين انتي خانقه الرجال
متمسكة فيه وموضحه له انك ماتقدري تستغني عنه
الرجال يحب الحرمة الغامضه القويه
اللي بس منشغله بنفسها وحياتها
جربي وشوفي كيف راح يلصق فيك وراح يدور عليك ويهرج معاك
ويصير يعشقك
اما عتاب ع طول ليش ماسويت ليش مافعلت
تطلبي منه مشاعر
كدا انتي ذليتي نفسك الشي دا ماجا من حاله ماله طعم
بقولك مثال :
عندك وحده من صديقاتك يوميا مرتين تتصل وادا مارديتي ترسل واتس
وكل مادخلتي الواتس وشافتك متصله نطت لك تهرج
وادا مارديتي عاتبتك وزعلت وقالت ليش ماتردي
وتجلس ترسل زين الو زين وينك زين ردي عليا زين ليش مطنشه... الخ
بالله اش شعورك حسيتي بضيقه صح وانتي تقرأي
ايوه زوجك يشوفك نفس الشي غاثته
ابعدي عنه وخليه هو يدورك

__________________

ما اتفق مع الاعضاء ,,, زوجها بيطلق وممكن من قبل هالمشكله

لكن الي يرده خوف من ردة فعل زين .. يتوقع زين ممكن تسوي في نفسها شي موب زين


وذنبها تكون برقبته .... طاري الطلاق يخليها تتعب وتدخل المستشفى !

فما بالكم بالطلاق نفسه ... زين اذا كانت غلطانه بحق نفسها فزوجها بعد غلطان بزين

زين حاولت تتغير وتخلق لها حياه ثانيه بعيده عن زوجها اما بدراسه اوعمل او نادي

لكن هو رافض وحصرها بدور السكرتيره الي تنظم شغله وحياته وتدير حتى شؤون اولاده

شغلها به وبحياته الي كانت انقاض وهي الي ساعدته على تخطي ازماته

فنست نفسها لاجله ,,, اشبها بشمعه تحترق من اجل الاخرين

ذنبها كانت مخلصه وصادقه وغير انانيه .. ذنبها انه حبه جعلها غبيه واسفه على هالكلمه

تفعل ما يسعده هو فقط تبحث عن رضاه هو فقط تسعى وتسعى حتى اللهاث


واخرتها استغنينا عن خدماتش وانتي هم على عاتقي اذا فعلتي ما يضر نفسك سأكون انا المسؤول

__________________
وهل من مصير اخر ؟

الله يكتب لك الخير

__________________
سبحان الله وبحمده سبحان الله العظيم

كان المفترض انه ينام في مكتبه
وصارت الساعة 1 بالليل وما رجع بس ما اتصلت
بعدها سمعت صوت باب البيت وعرفت انه رجع وجاني ونام عندي
بكل غباء حاولت اقرب منه ودفعني بهدوء و رحت بنفسي لين طرف السرير
فتح موضوعنا قال قلبت الموضوع براسي واوصل لين نفس النتيجة
قلت له مو مشكلة خلك على رأيك بس انتظر لبعد العيد
ما له داعي نتطلق في هالشهر الفضيل ونخرب فرحة العيد على اهالينا
قال اها يعني فرصة جديدة وبتحاولين ان ترجعين الامور طبيعية
قلت له لا ما ابيك ترجع الامور طبيعية بس خلها لبعد العيد وقال بيفكر
قبل شوي جاني عشان يلبس ويطلع للمسجد .. جتني فكرة عالاقل بيكون وقع الخبر على اهلي اخف
قلت له اذا نويت تخبر اهلي خبرني آنه بمهد لهم الموضوع
قال للحين ما فكرت شبسوي .. اذا قررت اخبر اهلج باقول لج
قلت له خير....
قلت ما بجهز فوطته ولا ثيابه ولا بعطرهم خل احرمه شوي من خدماتي المجانية
بس لما قال لي زين وين اغراضي وووو طلعتهم له .. ما طاعني قلبي
بس بجمد قلبي وخل يسوي كل شيء بروحه ... ماني جارية عنده

كنت افكر .. ان كل ما اعطي الناس حب و كل ما اكون شخص طيب معاهم وكل ما صرت افضل وترفعت عن بعض الأمور بيعلى شأني عندهم وبيحبوني
وكنت افكر مثل ما كانوا يقولون اشبعي عاطفتج لما تتزوجين ..

ترى كلها اشياء لا تُصدق اشبعي عاطفتج في بيت اهلج مع امج وابوج واخوانج واخواتج وبعدها تزوجي

قرأت جزئين من القرآن ارتحت بس ما قدرت انام
شربت 3 حبات منوم حبتين مع بعض
وبعدها بوقت الحبة الثالثة ويا دوب نمت
وقبل لا انام سلمت امري للرحمن ...

لا اشتكي عليك للخلاقَ تمنعني يا سيدي أخلاقي .. لكنني أدعوه أن يجعلني أقوى على احتمال ما ألاقي

اعذروني ما قدرت ارد عليكم شخص شخص بس مشكورين اخواني واخواتي الله يقضي حوائجكم اجمعين
شكراً لانكم واقفين معاي..
لا تنسوني من دعائكم

الحين خطواتك صحيحة
استمري بالابتعاد عنه وتجاهله
وخليه هو يبحث عنك ويطلب خدماتك


الله يفرج همك يارب

__________________
الحمدلله الذي بنعمته تتم الصالحات

ما بيطلق
الي بيطلق مايسوي كذا
الله يهديه بس
استمري ولا عاد افتحي معه موضوع الطلاق
ولا تحرمينه من خدماتك
اكسبيه بالطيب لاخر لحظه

والله ما ادري عنه يا خواتي
صج بيطلق أو لا
ولا ابي اسأله على شنو ناوي .. ولا ابي افتح معاه الموضوع بتاتاً

زوجي يبي خدماتي بس ما يبي التصاقي
يبيني مهتمة به بس بنفس الوقت مو مهتمة

كل ما يقرب موعد رجوعه بشرب بندول نايت
احس بنفور منه .. واعرف انه نفور مؤقت
احس بنفور حتى من غرفتنا
من يطلع من البيت احس فجأة اقدر اتنفس براحة
ومن يجي احس نفسي اختنقت

والله العظيم ودي اكون قليلة ادب واتلفظ عليه وارفع صوتي
لأن هذيل اللي سوقهم ماشي
لمن كنت اقول له جذي قبل كان يقول هالفئة الكل ينفر منها وو
حتى لو نفروا منها عالاقل تبرد حرتها
اتمنى لو لساني طويل ويلشط

حبيبتي زين الله يهدي بالك
ما دام اجا بنفسه لعندك يا ريت ما قربتي بس اللي صار صار
والحمدلله رجعتي بعدتي وتركتيه على راحته
وقت الحاضر خلي المبادرة تجي منو ولا تناقشيه كتير بموضوع الطلاق
والله اعلم بحس ما بيقدر يواجه اهلك
فبس يفتح الموضوع جربي اطلبي هو اللي يحكي معهن ويقدم اسبابه وشوفي ردة فعله
اذا كان مجرد كلام او شي تاني
بحالتك الآن الثقل مطلوب
ربي يسخره لك ويسخرك له
ويا رب نسمع الاخبار الطيبة عاجلا غير اجلا
قلوبنا معك حبيبتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

حبيبتي
شفتي امهات لسان يلشط
تراهم ماكلين ازواجهم بالكلام الزين
تلقين لسانها طويل برى البيت
وعند زوجها تاكله بلسانها الي ينقط عسل
اتركي الخرابيط نفور ومادري ايش وبندول
تحبين الدراما الله يهديك
زوجك ما يبي حنه ورنه ونكد ومده بوز وتزعل وعتب
مش قصه مايبي اهتمام
يبغى اهتمام ناضج
وانتي غلطتي وماقصرتي
اجل تقولين له الكلام الي قلتيه
مشكلتك يا ابيض يااسود
يااطيح عند رجوله يا اطخ راسه
اركدي يابنت واعقلي وامسكي بيتك
منتي صغيره ولا ام 17 خليك ذكيه وشغلي كيد النسا والتمسكن واللسان الحلو والبراءه

اذا قرر يكلمهم بيخبرني قبل لا يكلمهم ( حسب كلامه )
وبعدها بنتفق على الطريقة
لكن يقول انه لازال يفكر... ما اعرف في شنو يفكر بالضبط
بس براحته