مرحبا حوراء،
زين ردك بعد... الله يسعدك ويهنيك يارب
ايه عندي مواصفات بس مشكلتي اني ثلاثينة!
قبل في العشرين كل شهرين خطبة وكنت ارفض
بالثلاثين فيه خطبات بس اذا عرفوا اني ثلاثنية انسحبوا (لان كثير مايتوقعون اني في الثلاثين)
بالرغم لو عمري رجع ماراح اتزوج وانا في العشرين... اشوف احسن عمر لي هو الزواج في سن الثلاثين
وش فيني استرسلت في الكلام!... ايه نرجع لصديق اخوي
يعني انتي تتفقين مع الرأي القائل عادي نفاتحه بالموضوع... بس لازم نختار طريقة مناسبة

الله يسهل دعواتك حوراء

وشرفتينا بمرورك

هههههههههههه

سويتها مع صاحبي وعرضت عليه اختي ،، لا تخافي عادي،

مدام الرجل صاحب اخوك كان يتكلم عن الزواج وانه يبي يتزوج وكذا، يقوله خذ اختي ..

عادي جدا، انا شخصيا قد عرض علي احد اصحابي اخته.. وانا بالعكس تقبلت الموضوع بشكل جدي وبالعكس زاد احترامي للشخص لأنو يعجبني الي يدور الستر لاهله ...
وقتها ما كنت جاهز اخطب وكذا واعتذرت لأني غير جاهز وما كنت موظف..

ترا عادي بين الاصحاب اذا كانت العلاقة قوية وصداقة متينة عادي جدا..

مدام انه تكلم بالزواج فهذا انسب وقت ان يقول خذ اختي وانت رجال نتشرف فيك وما تنعاب ومن ذا الكلام..

حياك الله ياسر،
صدق والله؟
والله شيء يحمس لما اقرأ عن مثل هذه القصص... الله يوفق اختك ويوفقك مثلها
يازين الاخو اذا صار سنع بعض الاخوان يحس انه عيب .. مو عيب عادي وحتى لو رفض الشخص اختك خل روحك رياضية ويكفي ان هدفك كان شريف وثق ان ربي بيعوضكم بالاحسن في حالة انه رفضها


شرفتنا بمرورك

وانا اخوك الموضوع عادي لكن جيبوها بإسلوب مرتب علشان ما يقع احراج وانتي طلبتي الستر بالحلال و استشرتينا
افضل طريقة هي اذا اخوك يمون جداً على صديقه يقول له عروستك موجودة عندي

نقطة اخيرة اود الحديث عنها و هي لا الوم البعض عندما يحذرون من مدح احد امام اخواتهم او مدح احد النساء امام اخوانهم فقد ينفتن البعض سواء كانوا متزوجين او ليسوا متزوجين

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

مرحبا تلميذ الحياة،
انا ما انفتنت ولا هم يحزنون.. يعني لو مثلا اخوي يكلمه بكرى ويعتذر الولد خلاص نسيته نهائيا
لكن
اخوي نادر مايمدح اخلاص والتزام شخص، وانا هذه الاشياء عندي اساسية... حتى مامدح كثير بس تكلم بشكل سريع ... وهو يتكلم قلت لحظة لحظة وش اسمه ههههه قال خير قلت ليه ماتخطبني له (متعودين انا واخواني صريحين لدرجة ماتوصف) المهم وجلسنا الى 4 الفجر وحنا نسولف بالموضوع نفكر بالموضوع ونبحث عن مخرج!

الان انت مع الفريق اللي يؤيد مفاتحته في الموضوع... لكن لابد نختار طريقة حلوة

تشرفنا بمرورك

السلام عليكم ورحمة الله وبركاته.
الحبيبة مبتعثة ذات القلب الجميل والروح الرائعة أريدك أن تضعين في بالك
مادمت تريدي ابشري والله بالخير..
قبل أي خطوة عليك دوما الاستخارة والدعاء في كل أوقات الإجابة بصدق ويقين وتوكل على الله وحده سبحانه.
أسأل الله الجبار أن يجبر قلبك بكل ماتحبين.

مرحبا اختي،
الله يجبر بخاطرك على الكلام الحلو
ان شاء الله بستخير، وبدعي الله
شكرا على التذكير

تشرفت بمرورك

بقولكم خطتي النهائية وعطوني رأيكم

السبت القادم فيه حفل غداء على مستوى الجامعة
بروح مع اخوي... وبقول لاخوي قبلها بيوم يسولف مع زميلة ويقول فيه حفل غداء ووو وبروح انا واختي .. ليه ماتجي ومن هذا الكلام

رأيكم؟


ماصار زواج كأننا في حرب!! تخطيط وعصف ذهني.. جد جد الزواج اصعب شيء في الحياة

أنا زوجي عرض بنت اخته على صاحبه كان شايل همها لأنهم انطوائيين ومايخرجون والبنت ماشاء الله ماينقصها شيء وهو مالي يده من الولد وعارفه أنه يستاهل فعرضها عليه وسوى خطة بحيث أم الولد تجي عندي واخته وبنتها يجون وتشوفها الأم من غير ماتعرف البنت وتنحرج وتم الحمدلله الزواج وعندهم اربعة أطفال الآن تبارك الله الله ييسر لك أمرك ياقلبي وخطتك مية مية في حكاية حفل الجامعة وإن شاء الله تنجح .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين