اتفق معك في هذه النقطة، لا تكبر الموضوع يا أخي، فقط تجاهل ولا تفكر في الموضوع كثيرا

السلام عليكم
اشكر الجميع على طرح رايهم

اخواني اللي يشوفون اني حساس بالنسبه لعيالي
طبعا انا حساس جدا لانهم بالنسبه شي كبير جدا
وهم اطفال من السهل التحكم بعواطفهم وتحريضهم وشحنهم
يااخوان انا بالنسبه لعيالي شي مقدس شي فوق الوصف
لدرجة مثل ماقلت لكم ماهم مصدقين اني مثل باقي البشر ادخل الحمام مثل الناس
فـ صعب اني اشوف صورتي تهتز بعيونهم وفيه من يفهمهم اني بخيل عليهم وشوفوا فلان وفلان وش جاب ابوهم لهم وابوكم مايسوي ومايفعل لكم طبيعي انهم يتاثرون
وانا كل اللي سويته عشان عيالي تحملت وكل شي اسويه اول ماافكر فيهم هل راح يجيهم مضره منه ولو بشكل غير مباشر او لا وبالنهايه اشوف اللي كاد يقضي عليهم هو القريب لهم والمحبوب وانا خارج الحسبه ومكروه
طبعا شي يقهر انا ماعمري قلت كلمه وحده ماهي زينه عن امهم قدامهم لاني ابيهم يكبرون وهم يفتخرون بامهم وبابوهم ويشوفونهم احسن الناس والقدوه لهم

البارح اتصل علي خالهم اللي عارف بالسالفه وقالي يافلان بخصوص العيال
بخصوص المصروف وجلس يتكلم حسيت اني لازم احط حد وامنع تدخل اي احد
قاطعته وقلت اسمع يافلان انت مانت احرص مني على عيالي ولااسمح لاي انسان يتدخل بيني وبين عيالي عيالي ماناقصهم شي واي شي ينقصهم انا معطيهم جوالات يتصلون علي ويطلبون مني مباشره ولا اعتقد ان يلزمهم وسيط لا خال ولاعم

تبي نصيحتي انا مثلك كانوا اهل طليقتي اذا جت بنتي تبي تركب معي تقعد ربع ساعة تبكي و اذا لمستها تخاف اللين . واحد اعطاني نصيحة و الله يجزاه خير قالي لا تستسلم حارابهم مو بالكرة بذكاء . ببنتك كل ما شفت بنتك قلها كلام حلو . هاه حبيبي هاه قلبي نعم باباه وش تبين اشتريلك ودها الملاهي ولله الحمد بعد اربع شهور بنتي صارت تنزل و تركب معي بسرعة و تضحك و ماعاد صارت تبكي اذا ركبت معي . و كانوا اول ما يخلونها تكلم امي و ابوي يقولون نايمه فصرت اذا ركبت معي دايم اخليها تكلم امي و ابوي و صارت بعض اللحيان ااذا جيت اخذتها تقول بابا دق على جدو وجده اكلمها . و من الخبث الي عندهم مفهمين بنتي ان اسم ابوها هو محمد احمد و هذا مو اسمي اسم جدها ابو امها بس صاروا الناس و لله الحمد كل ما سال بنتي وش اسمك وقالت هالاسم يقولون لها غلط فيعطونها اسمي الحقيقي . و مرة من المرات تنومنت في المستشفى فاكنوا يتكلمون فيني فقالوا اني انا متونم في المستشفى و يوم سمعت بنتي قامت تبكي بابا بابا فهمت الي قالوه ما شاء الله عليها مع ان عمرها خمس سنوات وش سوو راحو دقوا على امي وقالوا لها انهم يدقون على جوالي و ما رد مع ان والله ما دقوا علي ولا دقة يكذبوت . فخشوا على سنابي و كان لي مقطع قبل لا خش المستشفى فا وروها سنابي قالوا شفي باباه طيب ما فية شي فقامت بنتي اخذت الجوال وقالت باباه طيب و ساكتين و لا قالوا شي . و لا علموا احد . و ما عرفت الا بعدين فعلشان كذا تستسلم و لا تتحطم خل املك في لله قوي و اصبر و ان شاء الله غلطيالك بيعرفون الحقيقة اذا كبروا فترة الي تقوله انت ولا شي للي صاري و مع ذالك مستحمل و ساكت ما ابي اعقدها مرة مسكينه وش ذنبها

البارح اتصل علي خالهم اللي عارف بالسالفه وقالي يافلان بخصوص العيال
بخصوص المصروف وجلس يتكلم حسيت اني لازم احط حد وامنع تدخل اي احد
قاطعته وقلت اسمع يافلان انت مانت احرص مني على عيالي ولااسمح لاي انسان يتدخل بيني وبين عيالي عيالي ماناقصهم شي واي شي ينقصهم انا معطيهم جوالات يتصلون علي ويطلبون مني مباشره ولا اعتقد ان يلزمهم
🖕
👍👍

............................
اعجبتني ردات فعلك لازم تحط حد
ولازم تكون ردات فعلك عنيفة وقوبة
عشان يحسبون لك الف حساب هي وخوها
ولا احد يتجرى يقول كلام غير موززن وعقلاني
وهيبت عيالك من هيبتك
الله يوفقك يارب

__________________
سبحان الله وبحمده سبحان الله العظيم

يارجل احمد ربك وسجد سجود الشكر ان الله
ريحك منهم والحمدلله انها على بنت وبس
الي هذي تصرفاتهم وبلغ اهلك لا يردون عليهم
وبنتك لاتقصر معها انت ابوها عزوتها

__________________
سبحان الله وبحمده سبحان الله العظيم

الله يحفظهم بحفظكم والله المستعان صاروا الابناء وسيلة حرب واستفزاز

والله اذا ربوا كذا والله العظيم راح يتعبون نفسياً

اخوي
الاعضاء ردوا علي وقالوا خاينته و...الخ
هل انت متأكد ومتثبت من هالشي
ام لطفلين ماتوقع بتخربط
واسفه ع الفضول

اخي الوحيد
يمكن طليقتك سمعت انك تخطب فهالشيء استفزها ..
عيالك لك الحق تشوفهم وتشوف طلباتهم وجها لوجه ..
وكل مرة تطلع فيها وياهم اسئلهم عن طلباتهم ..
قربهم منك , وقت الويكند خليهم عندك ينامون بحضنك كذا بيعرفون انك تحبهم ..
واذا على طليقتك لا ترد عليها ابداً حتى ماتفتح باب مغلق..

اختي تباشير اقري موضوعي الاول وانتي تعرفين قصتي

ان شاءالله راح اروح لعيالي يوم الاربعاء
وراح اخذهم واطلع فيهم استراحه او اي مكان ننبسط انا وياهم كم يوم

اما انها يمكن سامعه اني ابي اتزوج طيب المفروض انها حرمت علي يعني المفروض انها مايفرق معها اتزوج والا لا

وبخصوص الزواج انفتح لي خيارات كثيره جداً
وقرر اني اركد شوي عشان اختار صح

كويس الحمد لله ..

الله يفتحها بوجهك ياكريم

المنتدى مايعطيني الا 20صفحه من ردوردك
ممكن تعطيني رابط للموضوع