حبيت هالفكره ..

اطلعي مع زوجك بالليل لان الجو يكون رايق ..طبعا بدون الابناء
و كلميه عن كل شي يضايقك منه وانك حاولتي تصبرين على تصرفاته معك لحد ما صار عندك تراكمات وفضلتي تركه والجلوس ببيت اهلك وعطيه كل اللي عندك ..


طبعا استشيري والدك بهالشي وشوفي رأيه

و هل هو يفضل هالجلسه تكون بينكم فقط ..او تكون الجلسه بحضور والدك ببيت اهلك
انت شوفي رأيه بهالشي ..

الله يوفقك ويصلح مابينكم

طبعا حطي ببالك انه لو تغير بتكون فتره معينه ويرجع لطبعه
علشان ما تتأملين كثير ويحصل صدام بينكم لو رجع لطبعه

ماينفع ياروان رجعة كذا من غير أي نقاش واضح وصريح على نقاط الخلاف وضروري يكون ابوك موجود أما كذا شهرين عند اهلك ورجعة بدون جلسة صلح فيها طرف ثالث مرة ماينفع والاكيد بترجعين تشتكين من جديد يعني زعلك بصراحة وجلوسك شهرين عند اهلك ماله أي فايدة تذكر .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

الف الف مبرووووك والله يهديه ويسخره لك..بالعكس فكرة المسج كانت حلوه وقرصه على اذنه...

عبارة .. قفلوا الموضوع يا اشراف وخلاص انتهى الموضوع, ما تصلح !
بعدين بترجعون لنفس مشاكلكم
حلوا مشاكلكم من جذورها وانتي في بيت أهلك قبل الرجعه لبيتكم

__________________

روان اذا شفتيه وجتك العبرة ابكي
خليه يعرف انك تعبانه ومكسوره وتبقين انثى ضعيفه وحملك فوق طاقتك
لا تكابرين هالفتره عشان مايتكون عنده صوره انك فعلا ماسألتي عنه ومبسوطه ببيت أهلك ومو فارقه معك بس ماتبين الطلاق ويكررها كل فتره بعدين يراضيك

الحمد لله

لكن ضروري الحوار بينكم على كل نقاط الإختلاف بينكم

يوضح لك وتوضحين له كل شي

ضروري تكون حياتكم القادمة فيها خطوط لك وله تمشون عليها

مافيه أحلى من الصراحة والإعتراف حتى بالعيوب للطرف الثاني حتي يأخذها بعين الإعتبار وقت الزعل

الله يسخركم لبعض ويسعدكم.

تناقشنا ساعتين
تكلمت انا بكل اللي عندي
وهو ما انتقدني بأي شي
بس جلس يعلق على كل كلامي
في تبريرات مقنعه واشياء لا
بس بالنسبة لمشاكل هالشهرين فصفصناها

نجي لما قبل المشكلة
هو يقول كانت الحياة الطبيعية
قلت لا
وبينت له اكثر أشياء تقهرني
وهو انتقدني بكم شغلة
بعدين طلب مني نطوي اللي راح
ونفتح صفحة جديدة

واتفقنا ياخذنا للبيت بعد يومين

مسألة انه ماراح يتغير
ادري ماني متعشمه كثير
بس لو تعدل بنسبة 20% نعمه

انا زعلت ببيت اهلي شهرين
وطلبت الطلاق
وهو جاء يستسمح
كان بامكاني اكابر واطولها اكثر
بس هديت الأمور
لانو خلاص وصلت رسالتي
اذا اساءت لي ممكن تخسرني بلحظة

بالحياة الزوجية مافي ضمانات
مسألة نرجع لمشاكلنا واردة
فما ادري ايش بيدي اعمل برأيكم

برايي اعطيه فرصه يمكن يضبط نفسه شوي بعد اللي صار،،وانتي حاولي تداري اكثر واكثر..قبل كم يوم تابعت بالسناب شخص يتكلم عن الشخصيات وتكلم عن الشخصيه المزاجيه وكيف تتعامل معها ..حسيته من كلامك نفس شخصية زوجك ..حاولي تقري عن هالشخصيه بقوقل يمكن يفيدك بشي للمستقبل

أيوه،، الحياة كذا

الحل انك دائما تتعاملي بأفضل طريقة ممكنة.. أرجع أوصيك لاتعطيه مجال يقلب المشكلة عليك.. لو مهما فعل أبدا لاتقوليله انت مو برجال .. لانه بينسى غلطه وتصبحي انتي الغلطانة وغلطك ماله علاج.. وبيلهيك عن المشكلة الأولى الي هي غلطته معاك..

انتبهي لكلماتك.. حتى وقت الغضب.. لانه هو رجال عصبي غالب كلامه حتى مو مقصود .. اما انتي امرأة هادية والكلمة الي تطلع منك تكون مقصودة وماراح يعديهالك..

ارجعي لمواضيعك.. ارجعي شوفي مشاكلكم الاخيرة.. كلها تشبه بعض.. سببها تصعيدك للمواقف وتكبيرها.. سببها ردة فعلك الأقوى من فعله.. سببها تحسسك من الانكسار والتذلل لزوجك.. استفيدي منه مواضيعك للمستقبل لان نفس المشاكل الي راح تواجهكم..


اتمنى لك التوفيق.

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم