نعم كلمته بكل شي

صحيح وانا تبت وربي يشهد وناوي اصحح اخطأي و رح أكلم زوجتي بكل شي
بعد ما تولد إنشاء الله

امس جاء الشيخ وكلم الوالد والنتيجه ولا شي

كلمت الشيخ بعد ما مشى من عند ابوي قال حاول ترضي ابوك
قلت له كيف قال تزوج لعله خير
قلت له لكن انت قلت ما يجوز يجبرني على الزواج و إذا ما سمعت كلامه ما يعتبر اني عصيته قال ايه لكن ابوك والله يا ابني زعلان منك جدا و مقهور منك وقال أنصحك ترضيه واذا انت مصمم ما تتزوج و رافض هذه الفكره حاول انك تشوف طريقه ثانيه ترضيه غير الزواج

انا عجزت و يأست و ما اعرف ايش اسوي
يا اتزوج وبعدها بفتره أطلق

يا أكلم زوجتي واحطها أمام الأمر الواقع وأقول
أبوي خيرني بين اتزوج أو ما يرضى علي
وانتي قولي لي ايش اسوي

يا اني اسافر و كل يوم اواصلهم واسمي ابني بأسم الوالد كما قال أحد الأعضاء
وأحاول أن ألبي كل طلباته

برأيكم ايش أسوي؟

هاذي الطريقة الثانية هي الي قاعدين ندور عليها أصلا.. الشيخ شو قصده بنظرك؟

وعندي سؤال؛ انت بتشتغل في بلد إقامتك؟ كيف ظروفك المالية؟ معتمد على نفسك ولا ابوك بيساعدك؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

انا كلمته وقلت ايش اسوي قال انت أعلم مني بأبوك شوف الأشياء اللي يحبها وسوي له قال مثلا إذا ابوك من النوع اللي يحب الفلوس اكرمه واعطيه سوي له أي شي يحبه
وانا اعرف أبوي هو مو من النوع هذا
هوا عنيييد جدا وما يسوي إلا اللي هو يشوفه صح


نعم انا ما اعمل في بلدي والحمد الله ظروفي الماديه تمام
و معتمد على نفسي

اخوي لا تقول أبوي مو من النوع هذا سوي كل اللي عليك جرب ما رح تخسر شي

برأيي اذا حالتك الماديه تسمح لك تشتري أرض و تخليها بإسم ابوك ولا تقول انك شريت له ارض

وسافر عند زوجتك و واصله وكلمه واشوف أخباره ايش سوا واذا كان محتاج فلوس أرسله فلوس
قول له يبه أي شي تحتاجه ترا انا قدامك حتى لو تسمع كلام منه ما يعجبك لا ترد خليك ساكت

وبعد شهر زمان اتصله وقول يبه ترا شفت أرض في المكان الفلاني وشريتها وكتبتها بأسمك وقلت في نفسي اذا كنت تبغى تسوي عمل خيري تبني جامع أو أي شي بنفسك فيه تبني على هذه الارض

وبعدين لما تولد زوجتك وتقوم بسلامه ارسل صور لابنك
وبعدها فاتحه في الموضوع وقول يبه ترا ابغى ابني يتربى عند جده
وزوجتي اذا شفت منها شي ما يعجبك أو مو محترمه قول طلقها وانا بطلقها بس لا تحكم عليها من بعيد



والله يكتب لك اللي فيه الخير




.

الله يعيييينك .. بين نار ابوك ونار زوجتك

سو مثل ما قالوا لك الاعضاء وخل امك تكلمه وتحنن قلبه عليك ..
وانسى فكره زواج ثاني .. لانك بتعيش دوامه وحرام تظلم الثانيه دامك ناوي طلاق
وعليك بالدعاء بالليل .. والله وحده بوحده ..
ودعاء من تعار من الليل .. ايضا سريع الاجابه

والله يسوق لك الخير يارب

__________________
أعلل النفس بالآمال ارقبها .. ما أضيق العيش لولا فسحة الأمل

لمادا لا تأخد فترة هدنة و تأجل الموضوع لان تولد زوجتك بالسلامة و تفكر مليا بالموضوع من كل الجوانب و تلزم الصدقة و الاستغفار لعل الله يحدث بعد دلك امرا
الحقيقة انت تواجه ضغوط رهيبة و منطقة تفكير ضبابية لابعد حد و كل حركة ممكن تحسب عليك مرة اخرى
ممكن بعد فترة والدك يعيد التفكير ايضا و انين الجرح يخف قليلا و يشوف البيبي الصغير يحن قلبه و يكزن سبب في عودة المياه لمجاريها
اعانك الله على هدا الابتلاء و انشاء الله تخرج منه منصور انشاء الله

نصيحتي لك بعد كل المحاولات اللي سويتها انك تبتعد شوي .
لانه الصدمة لسه جديده على اهلك .
وفي هالفترة تصدق وادعوا الله انه امورك تتيسر.وان شاء الله راح تتعدل الامور