اطلعت على مواضيع الأخ
انت اعلم بما يناسبك لكن الرفق ماكان في شيء إلا زانه وفقك الله لما فيه خير

اطلعت على مواضيعك السابقة
انت من البداية ماتقبلتها وماتقبلت شكلها وقلت انك تحس بنفور منها وهي بطبيعتها حسب اللي ذكرته فيها عناد
ومن بداية زواجكم حملت ومش ذنبها طبعا وراحت لبيت اهلها
احس انكم ماعشتوا مثل الازواج
وجود اخوها معكم بالبيت ايضا هو سبب البعد صعب انها تعاملك بأريحية او انك تعاملها
وهالشي مكتوم بقلبك
عموما اخوي انت عزمت تطلقها من هالموقف
ما اقولك ان خروجها من دون اذنك صح بس عط نفسك وقت
لو انك تحبها جدا ماكنت راح تركز على هالشي وبتلقى الاعذار تنساق قدامك لها
الامر الاخر ركزت انها عصت امرك وطلعت مع اخوها وحسبتها عناد
قلت لها مايرضيني تطلعي مع احد غيري عشان الولد وماتبيها تطلع مع اخوها
اصلا وجود اخوها بحياتكم غلط غلط لازم توجد حل لهالمشكلة
ليش اخوي تمنعها من الطلعة الحرمة طالعة من نفاس وتعب انت تفكر تربية الطفل سهلة قسم تنفقع مرارتنا من التعب والسهر ويمكن يجينا اكتئاب من الكتمه
وبعدها هي ما خرجت مكان وصار لاخوها حادث واتصلت بك
ركز هي لما قالت لك انا اخوي صار عليه حادث بروح لاهلي على طول قلت لا وبعدها هي قالت لك انا بنص الطريق رايحة
ماحطيت لها عذر
انا لو مكانها بطلع لان مافيني ذاك الوقت عقل استأذن وقع الخبر بيشل عقلي
لكن تداركت هالشي وتواصلت معك
بالتفاهم تنحل الامور
اذا هي راغبة بالاستمرار معك كان بها وناقشها بعيد عن اخوها وعسى ربي يهديك ويهديها

__________________
يا رب خاتمة حســنة ، وزلفى ، وحسن مآب ..

ما فهمت عليك
يعني انت راضي بوجود أخوها فبيتك
وانت مسافر

لكن ما ترضى تخرج معاه بالسيارة ؟ ؟

تناقض×

فيه فرق بين الاخ والزوج بعدين اهي سافرت وولدي معها مسافة 1000 كيلو

هذا نوع من انواع التشدد بالدين ..
هي طلعت تطمن على اخوها اللي صار عليه حادث .. ما طلعت للسوق او عشان تلعب ..

سبحان الله الان الاستئذان من الزوج واجب ويعتبر عندك تشدد ؟!

الواجب شي والتشدد شي اخر ..
ما انكرنا ان من واجب الزوجه عدم الخروج الا باذن من زوجها ..
ولكن على الزوج مراعات حقوقها .. مب ماخذنها عشان تحبسها في البيت الله يهداك يا اخوي ..
وين حسن العشره بينكم ..
وهل الموضوع يستحق الطلاق من وجهة نظرك !! ..

اترك موضوع الطلاق
انت تقول مراعات حقوقها صحيح بس لابد ان تراعي حقي عليها وهو الاستئذان أولاً

هل لك مواقف سابقه معها .. او هذه اول مره تعملها
يعني الخروج بدون استئذان ..

كلنا نخطي يا اخوي .. واذا خالفتك مره مو معناته خلاص ننهي كل شي بينا ..
الله سبحانه وتعالى يقول كل بني ادم خطاء .. مافي احد معصوم من الوقوع في الخطأ ..

.

اخوي أنا قرأت جميع مواضيعك السابقة في وقتها, وشبه متيقن انك لا تريد الطلاق لمجرد انها خرجت (بشبه استأذان اي اخبرتك في نصف الطريق) انت تريد الانفصال من قبل وهذا بسبب التراكمات اللي حاصله لكم, ولك بالاخص!


لكم الآن متزوجين سنة على الاقل, ماهي المحاولات التي قمت بها حتى الان لتكسر عنادها وتجعلها تطيعك وتأخذ برأيك وتقدرك وتحترمك...الخ ؟

..

__________________
الجنس: ذكر