انا أوافق الاستاذ فهلوي في بعض كلامه
إنه الرجل متصالح مع ذاته و هو اللي يخطب
ويقدر يحاول و يكرر إلى أن يجد من تقبل به.
في حين المرأة عليها الانتظار و لو سعت لايتقبل المجتمع سعيها و يبررون ذلك بإنه نصيبك بيجيك لحدك ( ترى مو كل البنات مثل بعض ولا كلهم حياتهم مثل بعض ، ولا كلهم نصيبهم بيجيهم بدون اي سعي منهم و من الظلم نقول للبنت انتظري نصيبك بيجي و لا تسعي ولا تبذلي الاسباب و نجلدها نقد لو سعت أو عملت شيء و احنا ماقدمنا لها حلول عملية )
وفعلا البنت المفروض تكون منطقية ، و تنظر لمقوماتها و طلباتها وتتنازل، وهذا مو تقليل منها بالعكس هذا حسن تصرف وحكمة .

انا بعد تجاربي اللي تعبتني نفسيا .. كانت مقرونه بالخطوره صرااحه وانا ما ذكرتها هنا

عرفت ان مالي سبيل للزواج الا سجادتي وقييام الليل


لكن عالمقومات والله استااهل ولد منصب جميل وحسب ونسب

لكن نزلنا سقف الامال لشاب صالح وسيم

لكن كل الاي جوني 50 وفوق
قلبي عورني واذا كان له هدف مثلا الله ما رزقه بذريه اي بقبل لكن عنده عائله كاامله

احس الزواج نفس تقبل هالشخص بصفاته ولا .. لانك ما تقدر تجبر نفسك على شي

__________________
أعلل النفس بالآمال ارقبها .. ما أضيق العيش لولا فسحة الأمل

نصيبك بيجي بيجي
مهما قلتي او نكرتي نصيبك بتاخذينه بتاخذينه

بذكر لك تجربتي
انا زيك تطلقت من سنتين وعمري 28 ولا عندي اطفال ..
وكنت اطمح واقول وافعل مثلك بالضبط الى ان شفت الواقع المر واستسلمت

بالبداية خطبني شاب لكن غير مقتدر ورفضتة !
خطبني رجل مطلق وعندة اطفال ورفضتة بسبب اطفالة!
وخطبني مطلق شاب غير مقتدر مادياً ورفضت !

الى ان جاء نصيبي من شهرين مع شخص اكبر مني ب 20 سنة
وافقت علية
ليش !!! بقولك هذا هو النصيب !!!
بس الاكيد ان هذه الخيرة وربي كتبه لي
زوجي شخص طيب وفية مواصفات جميلة الحمدلله سوى العمر << مابي انظر لهذا الجانب
بنظر له نظرة ثانيه وبتخيله شاب وفارس احلامي
وحبيبي وان شاء الله ابو عيالي ❤❤

وانتي اذا خطبك شخص لاتشوفي العمر !
شوفي مميزاتة ايش هو مين بيكون ايش اخلاقة
ووازني بين الاشياء الايجابيه بالرجل والاشياء السلبية
والله يرزقك ماتتمنين

حبيبتي الله يووووفقك ويفرح قلبك ياارب

اي والله هو النصيب يصييييب

بس وينك يالنصيب ويييينك

__________________
أعلل النفس بالآمال ارقبها .. ما أضيق العيش لولا فسحة الأمل

وش الطرق الثانيه روح
لا تخافي ماراح نحكم عليك
بس يمكن تفتحي عيونا على اشياء يمكن نجربها

الطرق الثانيه

التفاصيل والاحاديث مالها مجال الطرح هنا كثير ..

انا ما اخترعت شي .. اسوي اللي يسوونه الناس

لكن النصيب بيجي هو من نفسه .. بس يبيله دعاء واستغفار وصلاه


لكن اكتشفت شيء

ان الغالب صاير غريب .. يعني مثلا حتى الملتزمين أأمة المساجد اللي يلقون خطب وانا اشهد انهم صالحين وما شفنا منهم الا كل خير

تفكيرهم اختلف .. يعني الغالب يضرب مثاليات ويوججه وبالاخر دربه درب غيره

يعني الرجل اصبح يبحث عن الزووجه باي طرق كنا نسمعها اول وننبذها او نستغربها الان عااادي مرحب فيها ومتقبلينها

لكن الملتزم اخلاقه عاليه ويحترم نفسه والقذر قذر

__________________
أعلل النفس بالآمال ارقبها .. ما أضيق العيش لولا فسحة الأمل

الملتزم في النهاية إنسان ,,, وكلنا مطلوب مننا الإلتزام

وكون الرجل يبحث عن زوجة 2 كمن يبحث عن إبرة في كومة قش

خصوصا إن الغالب يريد مواصفات خاصة في الزوجة وللأسف ما أحد يذكر او يسعي له

فـ يضطر إلي اللجوء إلي الوسائل الاخري

كـ الخطابة أو حتي إنه يلمح أو يتعرف علي إمرأة بهدف الزواج

الزواج مسألة بسيطة حنا عقدناها

اي والله بسيطه وحنا عقدناها لدرجه محد تززززوج

__________________
أعلل النفس بالآمال ارقبها .. ما أضيق العيش لولا فسحة الأمل

روح قبل مده كنت اكتب هنا حاجتي للرجل بحياتي
اكثر ماكان يقلقني انو اجلس بدون رجال
حاجتي للرجل نفس اللي كتبتي عنو
بس صرت افكر بواقعيه
مين يجي ياخذني وانا ام لعيال
صح عندي مقومات واستاهل و و و
بس الشاب الاعزب يرغب ببكر وحتى لو اراد مطلقه اهله يردونه
طيب نجي للخيارات الثانيه
معدد مابيه انا خارجه من تجربه وكرهت اابو الحريم كرهته مرررا
مافيني للمشاكل
اذن الخيارات المتاحه
مطلق او ارمل بأولادهم
وانا رافضه اربي عيالهم
المطلق بدون عيال يبحث عن بكر
طيب ممكن يجيني شاب
زي اللي جاني قبل فتره
بس ع قد حاله
فكرت ليه يبي يتزوجني وانا ام عيال
الا انو موظفه
وشكلو مخطط انو اطلع له سياره
اخذ له قرض
وبعد مايوقف ع حيله ويغتني يروح يتزوج بكر
هالشي مااجيبه من راسي
جالسه اشوفه بالمجتمع اللي حولي



عشان كذا ريحت دماغي
صرفت النظر عن التفكير بالزواج
الا اذا ربي جابه لعندي وهيئ لي الاسباب


ريحي دماغك
نصيبك حيجيك وانتي نايمه بدون سعي منك
اقولك كذا عشان لاتتعبي من السعي وراء المحاولات والخروج من دون فايده..
ربي يوفقك...💕

__________________
(سيدة الموقف)
لم ننساك ونسأل الله ان تكوني أنتي وأولادك بخير

اللهم اامين ويوفقك

اي والله صادقه .. لكن ترى هالسعي يسلي شوي .. لكن انا قررت استبدل السعي وراه الى السعي ورى الله حتى يرزقني اللي ابغى

ومعليش كل اللي يبغوك لهم رغبه في وظيفتك حتى ابو عيالك .. انا ما عندي مشكله في انه يبغاني عشان وظيفتي ( اشيل شوي نفسي ) بس يكون يستااهل بمعنى اتعاون معه بالشي اللي ما اتحسف فيه عليه

__________________
أعلل النفس بالآمال ارقبها .. ما أضيق العيش لولا فسحة الأمل