عشان كذا قلت لكي ارجعي للشرع وش يقول

وغير كذا الرسم البياني يبين لكي انك في مقاييس معينة اعلى منه (مثل العاطفة - تربية الاطفال (وخاصة في مرحلة الطفولة)- الاعتناء بالمنزل- الحس الديكوري - وغير ذلك)

وهو اعلى منك في مقاييس اخرى

واما بخصوص وضعك الحالي فهو عرض عليكي ان تسافري معه فرفضتي

وافق انك تسافري مع اخوكي برضه رفضتي!

وبالتالي جلستي في البيت، والطمع يقل ماجمع.

الا على فكرة

حتسوقي سيارة؟

كيف حيكون الوضع وقتها؟!

تشغلي سيارتك وقت مايعجبك وتطلعي من البيت؟! ولا كيف؟

__________________

الشرع واضح < بعيييد عن التفسيرات العنصرية
( ولهن مثل الذي عليهن بالمعروف ) ..

الاختلافات موجوده ما احد ينكرها لكن المنكر هو التعسف فيها ..

دخلتنا موضوع ثانى السيارة !! طبعا هو يماطل فيها جداا < لاحظ ماسويت بدون اذنه
ابغى سياره ، رده : اوكى بس تعلمى بالاول ، طيب انا اعرف من قبل ، هو لا لا لازم تتمكنى مرره
اوكى ابغى سيارتك اتعلم فيها ، لا لاا بتسوين حادث .....الخ
انا بشتري سياره من حسابي انا ، هو قلت لك لاا مو الحين فيه عندك سواق اصلا ليش تتعبي نفسك !!
السواق باجازه و الثانى كبير عمره مره و الثالث مع خواته ..
مافهمت ايش قصدك متى مابغيت ؟! الا انى طبيعيا بقضى امورى ..
على فكره سبق رحت مع كريم مره وحده بس " قبل الزواج " وكنت مضطره عشان شغلي
النتيجة بعد مده يمكن شهرين الا يكلمنى واحد واتس و يطلب ما ابلكه وانه هو سواق كريم
وجايب اسمى ورقمى و انا ناسيه المشوار حتى شكله نسيته و يقول انا لى مده طويله تعبت الى ماجبت الرقم ومانسيتك ....
باختصار السواقه اظمن و اكثر امان ..

طيب ممكن تستعرضي لكي ولنا ماهي الحقوق الواجبة على الزوج تجاه زوجته وكذلك الحقوق الواجبة على الزوجة تجاه زوجها ؟

هو يبي الأمور تستقر في الرياض، لأن موضوع قيادة المرأة جديد، والتجهيزات مازالت قائمة وقائدات السيارة الان محدود او قد يكون نادر، وبالتالي خروجك في الفترة الحالية فيه متعب من ناحية عدم الجاهزية ومن ناحية انه راح يكون الضوء مسلّط عليكي

فانتي امشي معه وقدمي على الرخصة وبعدها يحلها الحلال

اقصد كل ماجء على بالك انك تخرجي راح تخرجي من المنزل بسرعة وماراح يلقاكي في البيت

لا حول ولا قوة الا بالله

الله يعينك طحتي في واحد قلبه مريض مايستحي

مادام انتي ملتزمة بالحجاب الشرعي وماتعطرتي وماكلمتي احد بالجوال وما سمع صوتك وضحكك وسواليفك مع الناس وما مزحتي معاه ولا اعطيتيه ريق حلو فصراحة عيب عليه انه يضعف ويبحث عنك طوال هذه الفترة ومانساكي ( انا ما أدري ايش اللي مانسيه؟ هل يقصد وجهك! او ضحكتك ؟ او تعاملك؟ أم ماذا؟!)

__________________

حكاية انه عرض علي اسافر معاه انا وضحت انه سافر في رمضان
فضلا على انه بينشغل مررره بالمباريات وياليت يخلينى معاه لااا مستحيل
فضلا على انه مووذي بالسفر ما استمتع معاه

اما اخوي فعنده موتمر هناك و مو فاضي لي و ما اعرف اتمشى وحدي !! ملل
ماراح استفيد شيء ..

صحباتى ماشاء الله راحوا الحين برا وانبسطوا
وانا اللى كنت اعطيهم نصائح شوف ايش صار معي 😔
ترى ماعلمتهم ان زوجى رافض قلت انا هونت مابغى اروح ..

تدرين أنت متقدمة خطوة واحدة وهذه الخطوة مسببه لك كل هالشعور المزعج ,,,فقط خطوة واحدة !!
عودي الى الوراء خطوة واحدة فقط ستتغير حياتك ومشاعرك وسعادتك وراحة بالك وكل اللحظات ستزهر باللون الذي تحبينه ..بإذن الله

عودي الى الوراء خطوة واحدة لا غير ..

__________________






استودعتك الله من كل شر ومن كل حاسد وعدو ..

ايش الخطوة اللى انا متقدمتها ؟!
وضحي اكثر اذا ممكن ..

الرضوخ فقط ..
هي سعادتك في الدنيا والآخرة ..
اومر الله سبحانه وتعالى واضحه جدا وليس فيها إهانة لك او لغيرك من البشر .
ورضوخك لها مفتاح لكل خيييير ..

__________________






استودعتك الله من كل شر ومن كل حاسد وعدو ..

ما اتعودت على الرضوخ

وظروف تنشئتها ارغمتها تكون مستقلة ومتمردة قليلاً في بعض الأحيان

__________________

جاوب عليك الاخ مشكوراً مع التحفظ على مصطلح تمرد !
وازيد عليه ان هذا شيء مو بسيط يتعبني نفسياً اعصابي تتتعب.
شخصيتي مش بارده و لا بالي طويل ..

ليس عذرا مطلقا الآن تغير كل شيء

الصغير يكبر ويكون مسئول عن نفسة واقواله وافعاله
يرى الأمور بشكل أوضح وادراك تام لمجريات الأمور ..

المعتقدات السابقة تحتاج الى بشكل فعلي وصارم والقاءه كنفاية في مكب النفايات وحرقها ..

__________________






استودعتك الله من كل شر ومن كل حاسد وعدو ..