تقبل الله منكم صالح الاعمال
وعمره مقبوله ان شاء الله

__________________
كم من إنسان كثير الثياب ..عاري الثواب ..مذكور في الأرض.. مهجور في السماء..!‏ ‏ ‏‏
[السعدي رحمه الله]

الله يهنيكم ويسعدكم يارب ويهدي سركم ....اللهم آمييييين

مشكورين جميعاً من غير استثناااء

عيوني تحكيني ,,, افا عليج مب احن ندعي على خلق الله ,, ليش فسرتي أني دعيت عليج ,, لا حشا انا دعيتلج انه الله يرزقج بريل يعشق المطبخ (( مادري ليش خطرت بالي هاي دعوه )) ..

أختي توفي ,,,
بسبب الغشوه واحنا من الحرم للفندق اليوم فكرت نطلع ولكن ما قدرت بسبب الغشوه ,, وهي معنده ورافضه
ماحد يقول حاول أنا من داخلي والله مب مقتنع ,, يلا فيني مشيت لها سالفه داخل الحرم مع أني مب مقتنع والزحمه اللي صايره بالحرم بعد موترتني ,, الحمد لله على كل حال

أختي هند ...

أنا قريت كلامج اليوم بصراحه استغربت شو مس بعد هذا (( أنا مب مقتنع بالسوالف هذي ) ) وتدرين البارحه عقب صلاة العشاء كنت أسولف ويا واحد من المشايخ بالحرم وسالته عن وضع زوجتي وعلمته اني قريت عليها ,,, قالي شوف اذا هي ما تتأثر من القران أقلها تحس بتعب أو صداع ,, صلاتها تصليها أكيد ما فيها شيء بس قالي ركز على الرقيه الشرعيه والقران ,, ما أنكر كلامج شككني لانه قريب لوضع لجين ,, أنا من ناحية الصدقه الحمد لله ...

__________________

الحمد لله على كل حال

حالنا مثل ما هو ,,,,

أغلب الوقت بالحرم ,, هي الاخت حطت نظام أنها عقب ما ترد من صلاة العشاء بترقد للساعه 2 وعقب بتنزل للحرم ,, وفعلاً البارحه أنا كنت تعبان من سهر بطياره والعمره ما حسيت الا ساعه 3 ,, نشيت ما حصلتها ,, تخيلوا خذت البشكارتين وسارت الحرم من غير ما توعيني ( قلت هذا البدايه الله يعين )) ولكن اعتبرها هاديه بصراحه هالعمره غير عن اللي قبل حسيت فيها لذه ومتعه مادري والله ليش ,,

إن شاء الله باجر ببدأ أنفذ اول خطوه من خطوات البليغ وهي اللي بيلس فيها وياها عند الحرم ( مع ان الحرم واايد زحمه الله يستر ))

__________________

الحمد لله على كل حال

انا من زمان متابعتكم بصمت لان الكلام اللي ابغى اقوله يكون بعض الاعضاء ردوا قبلي ويعلم الله اني ادعيلك يابوخليفه ان الله بهدي سركم ويالف بين قلوبكم والله انكم على بالي طول الوقت لدرجه اذا طلعت اول ما ادخل البيت افتح النت واشوف أخباركم لدرجه اني فتحت على جميع مشاركاتك انت ولجين وانا عندي سؤالين ياليت ترد علي عشان افهم انت لما تزوجت بالسر مع اني ماقريت هالشئ بمشاركاتك كيف عرفت لجين وش كان موقفها والسؤال الثاني لجين كانت كاتبه بأحد مشاركاتها ان أبوها خلاها تشوف أمها لما سمح لامها انها تجي البيت لكن عقبها وش صار انا مني عارفهوليش أبوها رافض تشوف أمها ياليت تجاوبني وماتهمل اسألتي اذا مافيها احراج

الله يجزاج خير ...

كيف عرفت بزواجي
بالمختصر احنا عندنا فله صغيرونه عدال بيتنا بنفس الحوش ولكن هذه مخلينها لضيوف معينيين ,, المهم انا استغليتها وكنت أنا وأخوها ني فيها طبعاً مع زوجاتنا سابقاً ,, والفله هذه مسؤله عنها وحده مب خدامه معنى خدامه ولكن هي المسؤله عنها ,, على حسب ما عرفت من لجين أنه هذه علمت البشكاره الخاصه اللي لجين وهذيج ما قصرت نقلت الخبر للجين ,, وهذا اللي صار قلبت لجين وسوتها قصه ويلست تهدد أنها بتفضحني ,, قلت لها ترى أخوج وياي بسالفه وتحملي فهي سكتت ولا عاد تكلمت بعدها ...

* موضوع امها يمكن أغلب تفاصيل كانت على الخاص مع المستشار الله يجزاه خير ,, ليش مانعها أبوها

__________________

الحمد لله على كل حال

تقبل الله منكم صالح الاعمال وعمرة مقبولة
ابو خليفة امانة ادعيلي وانت في الحرم الله ينعم عليا براحة البال و يحفظ لي اولادي ويسخرلي زوجي ويبعد عنا الحاسدين ..و الله اني بحاجة الى دعائكما
وعني انا دائما ادعي ربي ان تسعدا انت ولجين

حاطها قدام البيت وما تبي تنفضح


لو منك حطيتها بحي بعيييد
أما قدام البيت والخدامة تدري قوويه

الله يحفظكم ويردكم بالسلامه <<< فرحت بشوفة ردك


حبيبي ... لي ملاحظه على بعض الردود
أشوفكم -وبعض الاعضاء- تتكلمون عن عيد الزواج ياليت تقولون ذكرى الزواج لان احنا المسلمين ماعندنا غير عيدين الفطر والأضحى...

__________________
سبحانك اللهم وبحمدك, نشهد أن لا إله إلا أنت, نستغفرك ونتوب إليك.

فالج طيب
......................

__________________

الحمد لله على كل حال

لا وانا خوك سمعت شور أخوها على كلامه المسكين لجين ما تدري عن شيء ومن يوم ما عرستوا ما يات صوب الفله يعني مستحيل تكشف سالفه وبعدين لها مداخل رئيسيه ثانيه ,, بس نذالة بشاكير اونها ضميرها مأنبها (( بس حصلت يزاتها وهي ثانيه على أول طياره

ما كنت أدري الله يجزاك خير على تنبيه

__________________

الحمد لله على كل حال