أبو خليفة
نصيحتي لك

اترك المنتدى مؤقت
وتفرغ للصلاة والدعاء فأنت في مكان مبارك
وأكثر من الصلاة والدعاء

وصل صلاة الابتهال وهي : إن تصلي وتدعو الله وتبكي وإذا لم تبكي تباكاء ... حاول لو دمعه
وأكثر من الدعاء والافتقار لله وخاصة في مكان إسماعيل عليه السلام لان الدعاء يكون مستجاب أكثر

أدع لله ان يهديك ويثبتك ويغفر ذنبك ويرضى عنك
وأدع لوالديك ولأخوتك .... ثم أدع لحرمتك.
ثم أدع لجميع مسلمي الجن والأنس الأحياء والأموات .. وأن يصلح الله أحوال المسلمين وان ينصرهم الله على من عداء الأسلام والمسلمين

ثم أدع لمجموعه انسااان


أستغل كل دقيقه في القرب لله
إذا اصلحت ما بينك وبين الله
أصلح الله ما بينك وبين الناس


موفق حبيبي

__________________
اللهم أسالك رضاك والجنة لي ولوالدي ياااااااااااب
http://www.66n.com/forums/showthread.php?t=235869

واخيراً فهمت لأني اشوف الاعضاء يقولون لك انك غلطت يوم تزوجت بالسر مع اني قريت جميع مشاركاتك ومافيهاتصريح منك بالزواج على العموم جزاك الله خير وتقبل الله عمرتكم والله يسخركم لبعظكم وماني ناسيتكم من الدعاء الله يفرجها لك ونصيييييحه من خلال قرأتي لمشاركاتكم اتضح لي ان لجين موبس تموت فيك الاتعشقك الله يهديها ويسخرها لك لاتتخلى عنها

ادعيلي معاكم الله يفرجها علينا اجمعين امين
الله يوفقكم امين

الله يمسيك بالخير اخي ابو خليفة
اقتباس
اعتبرها هاديه بصراحه هالعمره غير عن اللي قبل حسيت فيها لذه ومتعه مادري والله ليش ,,
لانك اخلصت نيتك لله والتجات ليه الله مابيخيبك تاكد القلوب بيد اله يقلبها كيف مايشاء
قادر انه يصلح حالك مع زوجتك بامره ان يقول لشيئ كن فيكون
اخي هناك تقدم واضح بعلقتك بزوجتك ابشر الامور سايرا في طريق الحل مشكلة سنتين لن تحل بشهر
الصبر مفتاح الفرج ان بعد (العسر يسر) ان شاء الله هذا وعد من الله
اصلح مابينك وبين الله يصلك لك زوجتك وحياتك وذريتك
حاول ان لاتدع مشاعر الغضب والضغط الذي تعيشه يفسد عليك ما حققته من تقدم الى الامام يابطل
اخيرا امل منك دعوة خاصةا بضهر الغيب
بالشفاء وتيسير امري وتفريج كربي
اختك في الله
الم الايام

__________________
[IMG]http://im28.***********/2012-07-31/1343755411601.gif[/IMG]

عمرة مقبوله ان شاء الله والحمد الله اخبار طيبه يا بوخليفه,,

استقل الوقت بالدعاء وقرائة القران بوخليفه ربي يسعدكم بانتظار باقي تعليقاتك وانتظار عودتكم بووركتم..

__________________

لاتنسانا من الدعاء اخ بوخليفة
والله ييسر دربك ويفرج همك

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

عمره مقبوله ياخوي .. كنت اقرى مواضيعك بدون ما أرد عليك لآني ماعندي شي اقدمه لك
غير دعواتي لك ولزوجتك بظهر الغيب .. عسى الله يصلح مابينكم عاجلا غير اجلا

تتوقعون ..

خفوق الحزينه ..من طرف لجين الحزينه ..

__________________

توفي وبعدين معك

ما بتوبي؟

__________________


اللهم اعنا على ذكرك وشكرك وحسن عبادتك

اخي الكريم البليغ الله يجزاك خير ...

من بداية العمره وضعنا هادي ما اعتبر فيه شيء جديد حتى لنزلنا الحرم ,, احسها تحاول تتجنب الجلوس ويا بعض ,, تقول احنا ياين نصلي هني مب عشان نسولف ويا بعض ,, ما حاولت اضغط عليها ,, لانه للامانه حسيت أنا بعد كنت مستمتع بالعمره ما حسيت فيه أي عمره من قبل ,, كان أغلب وقتنا بالحرم ,, لردينا الفندق تكون ساكته واذا سولفت تيلس تسولف عن الحريم اللي تشوفهم بالحرم ,, اذا فتحت أي موضوع يخصنا تتحاول تتجاهله وكانها ما تسمع ,,

ويوم يلست وياها بالحرم كنت مهددها انه لازم نيلس ويا بعض بالقوه وافقت ,, للأسف حسيت أنها بالقوه تمشي ,, يلسنا ويا بعض يعلم الله من يلسنا وانا أدعي لها ,, وأثني عليها ,, وقلت لها قولي اللي بخاطرج احن بمكان ربنا يشهد علينا فيه ,, والله يعلم بنواينا ,, قلت لها بصراحه لجين اذا عندج النيه نكمل حياتنا ويا بعض تكلمي وأنا والله مساعدج لاني أحبج وبنت عمي واغليج ,, اذا فيه شيء مضايقج تكلمي ,,

تمت ساكته وفجأه حصلت دموعها نزلت وبدات تصيح ,, فتحت موضوع أمها ( هذيج ساعه حسيت أحد صفعني بكف أنا مب خالص من هالام ,, والله لو مب حرام كان دعيت ربي يفكني ممنها )) قالت أنا بخاطري أشوفها لو مره بشهر ,, ويلس تسولف عن امها ,, وانا ساكت ,, يعني بالمختصر هي طلعت ما عندها مشكله غير أمها وكأنها تقولي حياتنا معلقه بأمي ,, يوم خلصت قلت لها بصراحه كنت اتمنى منج تناقشيني بشيء يخصنا بحياتنا ولكن مب مشكله ,,

كنت بالبدايه بمشي موضوع امها ,, لكن قلت لا ما دامني نويت انهي الموضوع قلت لهااسمعي ( أمج موضوعها منتهي من قبل لاخذج ,, وبعدين قلت لها امج هي اللي ما تباج وبكل زياره ترفضج وتقولج ما أبيج ( يمكن كنت قاسي عليها ) قلت لها امج عايشه حياتها ومب مفكره فيج ,,

قلت لها بعطيج حل ( يمكن أكون غلط بالحل هذا بس ما كان جدامي غير هالحل ) قلت شوفي أبوج ليش مانعج والكل مانعج لانهم خايفين تسيرين عندها ولا ترضين تردين مع أنها هي ماراح ترضى تاخذج ,, ولكن أنا أوعدج اذا الله رزقنا بهيال واستويتي أم عقبها ماحد راح يعارض أنج تزورينها تدرين ليش لانهم بيكونون متأكدين أنج بتردين عشان عيالج وبتروحين لها مجرد زيارات (( مع اني عارف انه مستحيل بس قلت لازم أسايرها )) تصدقون قلب ويها وحده ثانيه وابتسمت ,, قلت عيل أنا ما عندي شيء أقوله جديد لجين لازم تعطيني حقي كزوج عشان أقدر أساعدج ونمشي بحياتنا ,, قالت لا انت قلت عقب شهرين ,, انزين شو بتفرق عندج شهرين ولا لحين قالت لالالا ,,

هذيج لحظه مسكت أيدها والله مجرد ما مسكتها بدات تحمر وأيدها تعرق ’’ قلت لها بلاج " قالت أنا خايفه منك ,, قلت لها انسي اللي استوا من بينا ومب لازم على طول بس شوي شوي وكل شيء بتغير ما طاعت قالت لحين لا ...

مسكت أعصابي وقلت لها اخر مره أسالج ما عندج شيء ثاني مضايقج غير موضوع أمج قالت هيه وبعد خليتها تحلف ,, وحلفت ..

وصلينا والله دعيت من ربي هذيج لحظه يدلني على صواب لاني عقب ما سمعتها حسيت مخي تلخبط مادري كنت متوقع عندها شيء بخاطرها شيء وهذا الشيء مانعها مني ,, لكن اكتشفت وعقب كلامها سالفه كلها خوف ودلع وغير تعلقها بأمها ...

قررت نرد لاني مادري عقب ما سمعتها حسيت أني مب متحملها ,, وأبوها طلب مني بعد نرد لانه مسافر ويبا يشوفها ,,

مب قادر اتخذ قرار هالمره هل اجاريها وأشوف اخرتها عقب شهرين ’ او هي تماطلني وتضيع الوقت ما قدرت أفهمها ..

سألتها بعد لجين هل عندج نيه نكمل ويا بعض ,, المشكله انها تقول هييه وانا أبيك ,, شلون مانعتني وتبيني فهميني ؟؟ تقول أصبر وتسكت

لليله بعد قلت بيلس وياها ليش مادري ,, بس قلت لازم أبري ذمتي لاني والله بديت أحس بتعب ..

من يوم ما اعتمرنا ما طلعنا ويا بعض فكرت حاولت أضغط على روحي ,, بس والله كل ما أشوفها جدامي أتردد وأقول لا اذا الحرم جي زحمه ,, وفي ناس ما يرحمون ولا عندهم حرمه للمكان ,, شلون لو سرنا الاسواق عشان جي من الحرم للفندق ...

من البارحه وأنا أفكر وأصلي بالانفصال ,, مب قادر أخطي أي خطوه وأكون ظلمتها فيها ,, من الباررحه وأنا أصلي صلاة الاستخاره بموضوع طلاق ...

__________________

الحمد لله على كل حال