لو هذا أسلوبه وطبعه بشكل دائم بيكون الأمر مفهوم.

لكن مب منطقي أروح محل الأثاث معاه .. وأكلم العامل جدامه .. ولما يي العامل للبيت يخشني في الغرفة!!!

__________________


اللهم طِيبَ الأثر .. وحُسْنَ الرحيل.

طيب ماهو اقرب تفسير محتمل عندك لفعلته هذه؟

__________________

ما أدري .. هالموقف مب أول مرة يصير .. دائماً يخشني في الغرفة لما يكون في عمال في البيت .. مع إني غير منقبة .. وأطلع بروحي .. وأكلم رجال خارج البيت حسب مقتضى الحال .. وطبعاً أكون متسترة ولابسة جلابية واسعة وحاطة شيلتي ومغطية شعري لما يكون في عمال في البيت.

مرات كنت أقول لنفسي يمكن هو يتصرف باعتباره هو رب الأسرة وصاحب البيت .. هو المسؤول يعني وطبيعي يبغي هو اللي يتولى دفة الحديث والتفاهم مع العامل.

ومرات أقول يمكن هو مفكر إني ما عندي قدرة على التصرف أو إفهام العامل المطلوب بالضبط .. مع إني أدق منه في تناول التفاصيل وتوضيح المطلوب بشكل مفصّل لدرجة إنه مرة انتقدني باعتباري أتكلم كثير .. في حين إني كنت أبغي أشرح المطلوب بالضبط عشان الأمور تكون واضحة تماماً وما يصير خطأ ناجم عن سوء فهم.


لكن في الحقيقة أنا مب فاهمة بالضبط هو ليش يتصرف جذي.

مع إنه سبق وصارت تجربة سابقة تخص أثاث البيت .. تصرف فيها بنفس الأسلوب .. واكتشفت أيضاً إنه فيه مشكلة وسوو شي غير اللي أنا طلبته .. والأخ استلم ودفع باقي المبلغ وأنا مخشوشة داخل غرفتي .. ولما اتصلت بالمحل عشان أبلغهم بالخطأ ما عبروني لأنهم استلموا كامل فلوسهم خلاص!

ويومها عاتبته وقلت له: لو مخليني معاك وإنت تستلم كان نبهتك للخطأ قبل ما تدفع الفلوس وأجبرناهم يصلحونه!

لكن ولا كأني قلت شي.




بالمناسبة .. أمي حالياً تعمل صيانة في بيتها .. ولما زوجي يكون في دوامه وما في حد من عيالها الشباب موجود تناديني أنا ـ دوناً عن بناتها ـ عشان أعطيها رايي في بعض الأمور وأفهّمها للعمال وأقول لهم شو المطلوب بالضبط.

وفي واحد من هالأمور زوجي علّق عليه في قروب العايلة في الواتس أب .. وقال لأخوانه وخواته إن أم سلطان توّلت الموضوع مع الوالدة وما قصرت.

__________________


اللهم طِيبَ الأثر .. وحُسْنَ الرحيل.

غريبة مهرة
يعني ما جى على بالك انه يغار

ترى البيت غير برى البيت
برى البيت ذهن الرجل الغريب مشتت. اكثر من حرمة. فيه رسمية. رجال اكثر حوله. نساء اكثر حوله
في بيتك الخاص و حرمة وحدة. يشتغل خيال اللي بقلبه مرض
طبعا زوجك يبدأ بالحرص و الاحتراز و لا يبغى ان العامل يركز على وجهك و جسدك و انت تتحدثي

__________________

حتى انا فهمتها مثلك اختي واستغربت استغرابك يا مهره!

نفس كلام مسز داني في البيت غير
التدقيق اكثر والملاحظات اكثر

ويمكن تعجبه المراة"اي امراة" ويكون عرف بيتها والشيطان ما مات
اما المحل الف حرمه والف رجل بينسى الوجوه والاصوات
وملتهي مع هذا ومتمشكل مع ذاك

غير شعور راعي البيت فهو يعي انكم في المحل ذهن الرجال مع غيرك
لكن في بيته ليس امامهم غير زوجته فاين الغيره؟
فتصرفه طبيعي بل هو المفروض

بالنسبة للشغل اللي كان ببيت امك. ام زوجك
لو كان زوجك مو بالدوام.
لم يجعلك تخرجي و تتناقشي.

__________________

لا يا مسز داني .. ما خطر لي إنه يغار .. لأني ما طلبت أكون مع العامل بروحي .. طلبت أكون مع زوجي وهو يتفاهم معاه.

يعني زوجي موجود معانا في البيت .. مثل ما هو معانا في المحل .. فشو هالخيال اللي بيشتغل في الوقت اللي ذهنه مشغول بالشغل اللي احنا نناقشه .. وفي ظل وجود زوجي نفسه؟!!

بعدين اربطي بين هالموقف وبين الموقف اللي صار لما كان خاله وزوجته موجودين وعمل حركة بيده استنكاراً لأني دخلت في النقاش ووجهت كلامي لخاله!



بخصوص الشغل اللي في بيت أمي .. فأنا في الحقيقة السكند أوبشين .. يعني لما زوجي يكون موجود ماما تطلبه وتسأله هو تلقائياً عشان يتفاهم مع العمال .. فما أدري شو بيكون رد فعله لو ماما طلبتني أنا وهو موجود.

__________________


اللهم طِيبَ الأثر .. وحُسْنَ الرحيل.

يضل البيت له خصوصية.


مهره ممكن تعطيني طيب تحليلك انتي تفسيرك للموقف؟

ما أعرف بجد يا كوكتيل.

العامل لما وصّل الطقم أول مرة .. زوجي كان في الدوام .. وحصل نقاش بيني وبين العامل بسبب سوء التفصيل وبسبب إنه فوق هذا كان يبغي جزء ثاني من الفلوس .. وطبعاً رفضت وتجادلت وياه لأنه ما عطاني النتيجة اللي أباها.

كلامي مع العامل كان وجه لوجه .. وما كنت متخبية ورا الباب مثلاً وأكلمه بدون ما يشوفني!!

اتصلت بعدها بزوجي وحكيت اللي صار .. وعجبه تصرفي وأن العامل ما قدر يقص عليّ وياخذ الفلوس اللي طلبها .. حتى مازحني وقال: ما شاالله عليج مب هينة.

لم يبدُ لي أبداً إنه انزعج لأني كنت بروحي مع العامل .. مع إنه كان ممكن يطلب من حد من إخوانه يكون موجود مثلاً إذا السالفة سالفة غيرة.

__________________


اللهم طِيبَ الأثر .. وحُسْنَ الرحيل.

ليش قاعدين تحللون المواقف السابقة؟ 😥