زوجي يخونني و يشاهد مقاطع إباحية - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 10-01-2011, 12:43 AM
  #1
الصاااابره24
عضو جديد
تاريخ التسجيل: Jan 2011
المشاركات: 13
الصاااابره24 غير متصل  
زوجي يخونني و يشاهد مقاطع إباحية

السلام عليكم اخواني واخواتي

الله يعطيكم العافيه ابستشيركم بموضوع واتمنى انكم تدلوني
على التصرف الصحيح والحكيم

انا متزوجه لي 4 سنوات وعندي بنتين من سنتين تقرييا تصير بيني وبين زوجي خلافات على اتفه الاشياء ونجلس بالشهر مانكلم بعض وبانهايه انا اتنازل وخلي المياه ترجع لمجاريها حتى لو كان هو المخطي بحقي لاني مااقدر اعيش بهالوضع كل واحد منا بطرف ولايدري عن الثاني وش يصير عليه

ابكلمكم عن زوجي نظامه في البيت انه يجي من الدوام الظهر يتغدى وينام بعدها يصحى على المغرب يصلي العصر والمغرب مع بعض في البيت وهو من النوع اللي مره متساهل بالصلاه اعجز عنه اصحيه بس مافيه فايده واذا قام يقول انا معذور لاني كنت نايم احيانا ينام قبل الصلاه ب5 دقايق احاول فيه انه يجلس لحد مايصلي وبعدها ينام مره وحده بس ماينفع معه حاولت معه باللين ومره الشده ومره باشرطه وعظيه بس فشلت معاه كل الطرق

المهم بعد مايصحى المغرب يروح لاهله يتقهوى معهم وبعد العشاء يطلع مع شلته للاستراحه ويجلس لحد 2وبعدها يرجع ينام وبعدها يروح لدوامه وانا صفر على الشمال ماكاني موجوده بحياته كلمته حاولت فيه يقولي انا كنت متعود عند اهلي ان هذا نظامي قلت له طيب اللحين انت متزوج وعندك بيت مسؤول عنه وضعك اللحين مو زي ايام ماكنت عزوبي يقول انا حر اسوي اللي ابيه وبعدين مافيه زوجه تمشي رجلها على كيفها وترسم له جدول عشان يمشي عليه زعلت ورحت لاهلي وجلست 5 شهور ولاسال ولا انفق وبنهايه كلمه ابوي ورجعنا لبعض بس صار يعاندني وزاد عن اول صار بالاجازه يسهر لحد 7 الفجر وانا مالي اي حق لابطلعه ولا بجلسه مع بعض واي شي اطلبه من نفقه او غيرها يطلعها من عيوني بس منحجره بالبيت لحالي حتى الجيران مانعني اروح لهم او يجوني تبي تجيني حاله نفسيه من الوحده من اهلي للبيت ومن البيت لهلي

طلبت منه يدخل نت اقضي وقت فراغي فيه ودخله بس اكتشفت بعدين انه يدخل على مقاطع مو حلوه واصدقاءه يرسلون له مقاطع اباحيه وكان بفتره روحتي لاهلي يجلس عليه وبعدين يسوي العاده وانا يشهد علي ربي ماقصرت معه خصوصا من هالناحيه بشهادته هو انا بعد ماشفت ان الوضع ماينسكت عليه صارحته قلت انت تطلع على هالمقاطع هو تغير لونه وقال مو انا قلت بس مايستخدم الجهاز الا انا وانت بس قالي احيانا اخذ الجهاز لاهلي ويمكن احد دخل عليها قلت طيب احلف لي بالمصحف وحلف قلت طيب انا مقصره معك بالفراش قال لا قلت اجل ليه بغيابي تسويها قال ماسويتها ووريته الدليل انصدم وقال انا بس احتلمت قلت ليه ماتحتلم الا بغيابي قام يلف ويدور قلت شف انا ماقصرت معك بشي بشهادتك انت وهذا الشي بينك وبين ربي وهو اللي بيحاسبك مو انا وطلعت من الغرفه

المشكله انه راح وشراله لابتوب جديد وحط علي رمز قفل ويقفل على نفسه الغرفه اذا جا يستخدمه سالته مره قلت ليه شريت هذا وحاط له رمز قفل قال لان عندي اشياء خصوصيه مابي اي احد يشوفها قلت بس انا زوجتك مابينا خصوصيات قال بس انا احب اصير انسان غامض محد يدري عن اي شي اسويه وحتى جواله حاط رمز قفل وحريييص اني مااعرفه

المشكله ان الثقه فيه اللحين عدم صرت شكاكه ماروح لاهلي عشان ماترك له المجال يسوي شي من وراي بس والله تعبببببت ونفسيتي زفت حتى انه احيانا من اللي فيني احط الحره ببناتي وبعدين اتندم مسكينات مالهم ذنب عايشين عيشه الله العالم فيها دايم ماتصير الهوشات الا عندهم احاول قد ماقدر اني اذا كان فيه بينا شي مانتناقشه الا بعد مانومهم بس زوجي اذا شافني ابفتح اي موضوع معه راح وصحاهم عشانه يدري اني منيب متكلمه وهن عندي وبسكر على الموضوع




حتى قبل اسبوع بنتي صحت من النوم وصارت تبكي قمت دخلت المطبخ ابسوي لها رضعه لقيت زوجي حاط جواله الايفون بالشاحن للمعلوميه انه شاريه له اقل من شهر وحاط عليه رمز قفل ومايستخدمه بالبيت اطلاقا مايستخدمه الا برا البيت ومن شراه وهو متغير علي يصارخ على اتفه الاشياء ويسوي مشكله من لاشي واذا صار برا ودقيت عليه ابسولف معه او اطلب منه غرض يجيبه يحاول قد مايقدر انه يختصر المكالمه بس كلمه ورد غطاها وعلى طول يسكر احيانا اذا كلمته اساله وين انت فيه والله انا مشتاقين لك وللجلسه معك على طول يصارخ علي انت وش دخلك وين انا فيه انا حر اروح للي ابغى واجي متى مابغيت ويسكر بوجهي في حين لو كنا بالسياره ودق عليه اي احد يساله وينك فيه على طول يجاوبه انا بالمكان الفلاني ولا رايح للمكان الفلاني سالته مره قلت ليش ماتقول لهم مالكم دخل وين انا فيه مثل ماتقول لي قال هم غير بس انت مالك اي حق تعرفين عني اي شي

ودائما اذا طلبت اي شي يقولي مو فاضي عندي شغل هالكلمه دايما على لسانه يطلع من العصر ولا يجي الا 2 بالليل وطول هالفتره هذي لاتدقين ولاتسالين وينك فيه وانا بس جالسه بالبيت وانواع الهواجيس وش يسوي طول هالوقت وين يروح فيه وش هالشغل اللي مو مخلص

الموقف اني بعد مادخلت المطبخ جت رساله لجواله انا مسكت الجهاز الا واشوف رساله من بنت كاتبه<< هلا قلبي بس انت احلا ياقلبي احرجتني>> ومدري وش تكملة الرساله لان الايفون اذا كان فيه رمز قفل وجت رساله يطلع اسم المرسل وشوي من نص الرساله
وبعد تقريبا نص ساعه جت رساله ثانيه من بنت ثانيه تتغزل فيه

انا الصراحه دارت فيني الدنيا معقوله يصير يخوني
وكلمة مشغول اللي دايما يقولها لي بس عشان يصرفني ويتفرغ لهن

صرت بزي الدوامه مدري كيف اتصرف اواجهه بالرسايل ولا اسكت واجلس احرق بنفسي وهو ولا داري عني
وامس اسمعه يكلم يقول<< شف حسابك حولت لك المبلغ>>
بعدها راح ينام وترك جهازه يشحن بالمطبخ وانا اشتغل جته رساله تقول << حولي مالا يقل عن الفين >>وبعدها جت رساله ثانيه تقول<< بس تراه مره وحده بالشهر وغير كذا مااقدر>>



بالله عليكم وش اسوي اللحين مره ضايقه فيني الوسيعه احيانا افكر اقول وش ابي فيه اللي هذا هو سفريات للخارج واستراحات وكذاااااب درجه اولى ومافيه اي حس بالمسؤليه تجاهي غير لسانه السليط بس افكر ببناتي واتردد اقول مالهن ذنب يتشتتن احيانا افكر اقول اكتب له رساله اذكره بالله وحطها عند لابتوبه بس ماني عارفه وش اكتب له فمحتاااره مره ساعدوني شورو علي لو اي واحد فيكم بمكاني وش بيسوي

نسيت اقولكم ان زوجي مااااكان كذا اول بس حسبي الله على اللي قلب مخه وغيره علي

مشكورين على سعة صدوركم واسفه عالاطاله

وجزاااااكم ربي كل خير

التعديل الأخير تم بواسطة أم داليا ; 10-01-2011 الساعة 09:55 PM السبب: العنوان
قديم 10-01-2011, 02:33 AM
  #2
احلاهم واتحداكم
عضو متألق
 الصورة الرمزية احلاهم واتحداكم
تاريخ التسجيل: Feb 2008
المشاركات: 1,152
احلاهم واتحداكم غير متصل  
مرحبا اختي..

بصراحة موضوعك أكبر من أنه يطرح هنا في هالمنتدى..
مو قلة خير أو خبرة.. لا بس الموضوع كبيييييير .

لأنه واضح وضووووووح الشمس وش ورا زوجك!!!!

لكن وش التصرف السليم هدا اللي يمكن نجهله..

لي عودة يالغالية..
__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))
قديم 10-01-2011, 02:41 AM
  #3
GREEN222
VIP
تاريخ التسجيل: Jun 2008
المشاركات: 11,121
GREEN222 غير متصل  
روحي بيت اهلك وما ترجعي خيانه وقهر وبنات ووووووووو
__________________
http://live.gph.gov.sa/
اللهم اني استودعك اولادي
قديم 10-01-2011, 02:46 AM
  #4
هند ام احمد
من كبار شخصيات المنتدى
تاريخ التسجيل: Apr 2004
المشاركات: 2,344
هند ام احمد غير متصل  
انا اقول لازم يتدخل احد من اهلك
ما احس ولاميزه فيه حلو غير انه زوج بالاسم
واذا خليتيه كذا راح يتمادى اكثر ....
__________________
الحمد لله على نعمه وفضله وكرمه ..
قديم 10-01-2011, 02:47 AM
  #5
متزوج2
عضو نشيط جدا
تاريخ التسجيل: Jan 2011
المشاركات: 298
متزوج2 غير متصل  
اقتباس:
المشاركة الأصلية كتبت بواسطة الصاااابره24 مشاهدة المشاركة

المشكله ان الثقه فيه اللحين عدم صرت شكاكه ماروح لاهلي عشان ماترك له المجال يسوي شي من وراي بس والله تعبببببت
سالفة ماتكلمون بعض لمدة شهر مدةطويلة وغير مقبولة

طيب هل جربتي وجبتي المصحف وقلتي له احلف بعدم الزواج من أخرى جربيها وشوفي مثل مشكلتي في الموضوع
قديم 10-01-2011, 02:57 AM
  #6
متزوج2
عضو نشيط جدا
تاريخ التسجيل: Jan 2011
المشاركات: 298
متزوج2 غير متصل  
أجل ...... سفريات لو كنتي مكان اختي لااقبل برجل الا بعد عمل تحاليل بعد السفر دم لايصير جايبه بلا والا جلا من هالديار الفاسدة ترا فيه امراض والتهابات الحين تجي من دون شي فما بالك من فاسدات

التعديل الأخير تم بواسطة أم داليا ; 10-01-2011 الساعة 09:56 PM السبب: يمنع التعرض للبلدان
قديم 10-01-2011, 03:12 AM
  #7
نونو4
عضو مثالي
 الصورة الرمزية نونو4
تاريخ التسجيل: Dec 2010
المشاركات: 1,326
نونو4 غير متصل  
الله يعينك على هد الزوج صراحة ما ينطاق
ما فيه ولا شيء حلو يخليكي تصبري على العيشة معاه انا رايي من راي الاخت ام احمد لازم حد من اهلك يدخل ويسوي حل للسالفة هد
__________________
[img]http://im9.***********/2011-08-29/1314659490971.gif[/img]
اللهم اكتب لنا حجة او عمرة يارب
قديم 10-01-2011, 09:16 AM
  #8
الصاااابره24
عضو جديد
تاريخ التسجيل: Jan 2011
المشاركات: 13
الصاااابره24 غير متصل  
تصدقون جته تو رساله وهو كان بدورة المياه من وحده تقول
..انا ماارضى بواحد يخون زوجته وش ذنبها المسكينه حتى لو كان بينكم مشاكل,, ومدري وش تكملة الرساله انا الصراحه جمدت مكاني وجتني حاله غريبه مدري كيف لفسرها
انا مره مشوشه مدري وش اسوي نوروني وخففوا عني وفرجوا عن اختكم فرج الله همكم وقولوا لي وش اسوي اواجهه ولا اسكت واتحمل لحد ماشوف نهايتها
قديم 10-01-2011, 11:46 AM
  #9
احلاهم واتحداكم
عضو متألق
 الصورة الرمزية احلاهم واتحداكم
تاريخ التسجيل: Feb 2008
المشاركات: 1,152
احلاهم واتحداكم غير متصل  
اقتباس:
المشاركة الأصلية كتبت بواسطة الصاااابره24 مشاهدة المشاركة
تصدقون جته تو رساله وهو كان بدورة المياه من وحده تقول
..انا ماارضى بواحد يخون زوجته وش ذنبها المسكينه حتى لو كان بينكم مشاكل,,

ولا اسكت واتحمل لحد ماشوف نهايتها

يعني في تظرك وشو نهايتها؟!!!!!

شكله شخصيتك ظعيفة مررررررررة..

صدقيني زوجك ماراح يصحى إلا لما تكونين قوييييييية وتوقفين هالمهزلة!!!!

لا تكونين سلبية .. قولي له شوف بتكلم معاك بموضوع .. يا انك تنهي لي ياه ..

يا أنسى انه لك زوجة!!

ولا تخافين انه يتركك ولا تقولين اخاف على بناتي وش دنبهم..
واحد مثله مو حسافة خسارته..

قولي له: انا لما تشوفني ساكته لا حسبالك اني غبية..
انا ساكته كنت ملتمسة لك العدر.. وقلت يمكن لا انا غلطانة .. أنا فاهمة غلط .. لا تظلمينه.. لكن لكل شي حد..
وصبري له حدود..

أول شي: ترجع من الدوام تنام وتصحى تروح لاهلك وبعدين تروح لربعك وماتجي إلا 2 بالليل!!!
وانا مالي اي معنى بحياتك!!!
وإدا قلت لك مايصير وانا ماتقعد معاي ووو الخ .
تقول مو انتي اللي تمشيني على كيفك!!!!!!!!

قلنا امنا بالله..

تطلع لابتوب جديد وتحط رقم سري وقلت لك انا زوجتك ما بيننا أسرار قلت لا في اشياء خصوصية
(( وانت عارف السبب الحقيقي اللي مخليك تقفله لا خصوصية ولا شي))..

قلنا براحتك.

لكن تقفل جوالك برضو لنفس الخصوصية !!!!
إلا هنا وبس.

أنا شفت الرسايل... وإهمالك لنا وتطنيشك عشان تغرق بنات الحرام بكلامك معاهم!!!
تتركني لحالي عشان تتواجد معاهم!!!!

تحرمني من اني التقي مع الجيران قاعدة منطقة 24 ساعة لا انيس ولا ونيس وانت تلعب بديلك!!!!

لا ياحبيبي .. أنا مو مهزلة لك ..

أختار.. الان تفتح الابتوب قدامي وتلغي الارقام السرية.. أصحابك السيئين الان تقطع علاقتك منهم..
سفر بدوني ماراح أسمح..
هدا في حال انك تبي تحافظ على بيتك..

ولا مع السلامة انا لايمكن اكمل حياتي مع واحد ظالمني بحقوقي وقبل كل شي يخون ربي وينتهك حرماته.

أستجاب لك كان بها ما استجاب لك روحي لأهلك ولا تعلمينهم عن شي..
أصبري شوفي وش ردة فعله..

لو دق عليك واعتدر ووعدك يترك اللي يسويه قولي له خلاص لكن اي هفوة منك ماراح اسامحك وراح أكلم أهلي وهديك الساعة راح يكون تفاهمك معاهم مو معاي..

ولو طنش معناته الرجال بايع.. في هالحال انتي بيعيه.
__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))
قديم 10-01-2011, 09:22 AM
  #10
الصاااابره24
عضو جديد
تاريخ التسجيل: Jan 2011
المشاركات: 13
الصاااابره24 غير متصل  
[SIZE="3"][/SIZ
اخوي متزوج2
انا قلتله مره يحلف على شي انه ماسواه وحلف لي على المصحف انه ما سواه وهو كااااااذب والدليل اشوفه قدامي ويقول مو انا
يعني بالاخير الدعوه مستويه عنده يحلف على مصحف ولا لا
كيف تبيني احلفه انه متزوج زوجه ثاتيه اكيد بحلف مثل المره الاولى ماعنده اي مشكله
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:59 PM.


images