عندي تساؤلات قبل خطبتي - منتدى عالم الأسرة والمجتمع
logo

الملاحظات

المقبلين على الزواج مواضيع تهم المقبلين على الزواج من الرجال والنساء

موضوع مغلق
قديم 23-03-2010, 07:43 AM
  #1
عــ الكلام ــذب
عضو نشيط
تاريخ التسجيل: Aug 2005
المشاركات: 165
عــ الكلام ــذب غير متصل  
عندي تساؤلات قبل خطبتي

اسعد الله ايامكم بكل خير اخواني واخواتي الاعضاء

اشكركم على تعاونكم الطيب معي وعلى ارائكم التي دوما ما تنم عن حكمتكم فجزاكم الله بالخير

ما اطول عليكم

رشحو اهلي بنت وعندي تسآولات خصوصا من اخواتي العضوات .. بخليها على شكل نقاط


- كون البنت اكبر اخواتها واخوانها... هل تفتقد نسبيا الى خبرة الحياة الزوجية والتعامل مع الزوج اكثر من غيرها؟

- ماهي الاسئلة المفترض اني اسأل عن البنت غير الجمال والأخلاق؟

- البنت تدرس كلية وشرطهم المبدئي ان تكمل دراستها قبل الزواج "يعني سنتين مابين عقد القران والزواج" برغم اني عايش في مدينة ثانية بعيدة عن اهلي واهل البنت لكن يوجد هنا فرع للكلية بنفس تخصصها؟ فلماذا التمسك باكمال الدراسة قبل الزواج؟

- ولنفترض ان الزواج تم.. هل سنتين مابين عقد القران والزواج امر ايجابي ولا سلبي؟


انتظر رأيكم مع شكري وتقديري لكم
__________________
قديم 23-03-2010, 08:29 AM
  #2
يوم مشرق أخر
عضو نشيط
 الصورة الرمزية يوم مشرق أخر
تاريخ التسجيل: Mar 2010
المشاركات: 109
يوم مشرق أخر غير متصل  
اتعرف على تفكيرها
قبل ماتعرف تفكيرها اعرف نفسك
ايش مستوى التفكير اللي يناسبك؟
اذا كنت مثقف تأكد ان البنت مثقفه
اذا كان عقلك منفتح تأكد ان البنت عقلها منفتح
و اهم شي تتأكد اذا بنت محافظه على الصلاة
افهم ايش يعني الزواج لهادي البنت؟
و اسأل نفسك نفس السؤال
كيف تحب تربي اطفالها؟
و اسأل نفسك نفس السؤال
لا تخجل تسألها ليش مصرة تكمل الدراسه قبل الزواج؟
التوافق الفكري مهم لنجاح الزواج
اكتب قائمه بالامور التي لا تتنازل عنها في زوجتك ولا تستطيع ان تعيش معها بدونها
و تأكد انها موجوده فيها
و اكتب قائمه بالأمورر الثانويه اللي بالنسبالك ممكن تتنازل عنها

بالنسبه للبنت الكبيرة بما اني البنت الكبيرة
دائما تكون مسالمه وصبورة و عندها احساس بالمسؤوليه وفيها دلع
لكن تكون اقل حكمه من البنت الوسطانيه و حساسه اكتر

بالتوفيق
قديم 23-03-2010, 08:55 AM
  #3
عــ الكلام ــذب
عضو نشيط
تاريخ التسجيل: Aug 2005
المشاركات: 165
عــ الكلام ــذب غير متصل  
اقتباس:
المشاركة الأصلية كتبت بواسطة يوم مشرق أخر مشاهدة المشاركة
اتعرف على تفكيرها
قبل ماتعرف تفكيرها اعرف نفسك
ايش مستوى التفكير اللي يناسبك؟
اذا كنت مثقف تأكد ان البنت مثقفه
اذا كان عقلك منفتح تأكد ان البنت عقلها منفتح
و اهم شي تتأكد اذا بنت محافظه على الصلاة
افهم ايش يعني الزواج لهادي البنت؟
و اسأل نفسك نفس السؤال
كيف تحب تربي اطفالها؟
و اسأل نفسك نفس السؤال
لا تخجل تسألها ليش مصرة تكمل الدراسه قبل الزواج؟
التوافق الفكري مهم لنجاح الزواج
اكتب قائمه بالامور التي لا تتنازل عنها في زوجتك ولا تستطيع ان تعيش معها بدونها
و تأكد انها موجوده فيها
و اكتب قائمه بالأمورر الثانويه اللي بالنسبالك ممكن تتنازل عنها

بالنسبه للبنت الكبيرة بما اني البنت الكبيرة
دائما تكون مسالمه وصبورة و عندها احساس بالمسؤوليه وفيها دلع
لكن تكون اقل حكمه من البنت الوسطانيه و حساسه اكتر

بالتوفيق


مشكورة اختي يوم مشرق آخر على ردك الطيب
وخصوصا اللي لونته ازرق.. طريقة القائمة اعجبتني لاني احيانا الاشياء الثانوية لا اراديا اركز عليها بزيادة
مدري ليه .. ممكن حرص زايد


اسعدني رأيك والله يوفقك
__________________
قديم 23-03-2010, 11:02 AM
  #4
Ms. Blue
عضو مميز
تاريخ التسجيل: Feb 2010
المشاركات: 707
Ms. Blue غير متصل  
.. مبــــــــــــــــــــــــــــــــرووك مقدما , والله يكتب لك الا فيه صلاح لك ..

.. اخي الكريم .. مثل ما قالت لك الاخت ( يوم مشرق آخر ) , لازم تعرف انت شنو تريد من مواصفات تكون بزوجة المستقبل , وعلى فكرة البنت الكبيره تكون على قدر المسؤليه , لانها دائما تكون عونا ومساعدة لوالدتها في شؤن البيت , وفي تربية اخوانها .. لذلك هي تتحمل المسؤليه من صغرها ..
ولازم تعرف انت شنو تقدر تستغني عنه في زوجة المستقبل وشنو ما تقدر تستغني عنه بزوجه المستقبل ,, مثلا عادي انها تكون ما تجيد الطبخ , لانك مثلا ما تهتم بامور الاكل كثير ,, بس مو عادي عندك أنها تلبس عباءة كتف , لانك تفضل انها تلبس عباءة رأس << مجرد مثال

.. اما عن كونها مصره تكمل دراستها قبل الزواج , يمكن لانه اهلها يبون يضمنون انها تكمل دراستها , وما تلتهي الزوج والعيال ,, وتقصر بدراستها , وانت اعطيها فكرة انك راح تسمح لها انها تكمل الدراسه بعد الزواج , وانه في كليه بتخصصها بنفس مدينتك , وانك راح تكون عون لها , بس لازم تكون على قد كلمتك ..

.. اما عن سالفة انه مده الخطوبه راح تكون سنتين , فهي طويله , فالافضل انك تملك عليها , علشان تقدر تكلمها جوال وتتفاهم معاها وتطمن عليها وتناقش معاها أموركم الخاصة , وتقدر تزورها بين فتره وفتره ,, وتتعرف عليها زين .. ويمكن تغير رأيها وتصير فتره الملكه سنه وتتزوجوا ..

.. وانت لازم تسئلها كم سؤال بيوم الشوفة , ومن اجوبتها تعرف شخصيتها وتعرف كيف تفكر .. ولازم تخبرها بالامور الا حاب انها تكون فيها .. وحط في بالك انه الانسان مو كامل والكمال لله وحده فقط سبحانه نتعالى ..

.. ولازم تخبرها عن نفسك , علشان هي بعد تكون عنك فكره , وتعرفك زين , وتفهم طريقه تفكيرك ..

.. مو بس تروح وتشوفها وبس .. تكلم معاها ,, واذا امكن يكون معاكم اختك او امك علشان البنت ما تستحي ,,وترتبك , وتصير ما تعرف تجاوب ..
قديم 24-03-2010, 06:41 AM
  #5
جمااال الروح
عضو نشيط جدا
 الصورة الرمزية جمااال الروح
تاريخ التسجيل: Feb 2010
المشاركات: 586
جمااال الروح غير متصل  
طيب واذا كانت الكبيررررررررره؟؟؟؟؟؟؟؟هذي موووضه جديده!!!!!!!!!بالعكس ممكن تكون حاسه بمسؤولية أهلها وخواااتها


وهي اللي لها الكلمه في بيت أهلها وأعتقد هذي حااااجه كويسه!!!وأهم أهم أهم شي التوفيق....

لكن شرطها انها تكمل دراستها المشكله عندها انها بعد الزواج راح تتشتت عن الدرااسه وتنشغل بالبيت والمسؤولية وأنت أفضل لك انك تاخذها وهي مخلصه درااستها وهمها أنت وبس

وبالنسبه لفترة الخطووبه قبل العقد عادي مهما طولت لكن المشكله فترة الملكه اذا طولت !!!!!

وبالاول والاخير استخير ياأخي ولما تخطب البنت خلك مقتنع بكل حااجه فيها...............


وأنا بالنسبه لي أحس الحاجات اللي ذكرتهاا كلها ثانويه...........والبنت اسأل عن أخلاقه وجماله وأهلها أبوها وأمها



وبالتووووووووووووووووووووفيق يااارب

التعديل الأخير تم بواسطة جمااال الروح ; 24-03-2010 الساعة 06:43 AM
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 03:47 PM.


images