السلام عليكم ورحمة الله وبركاته
يسعدلي ايامكم يارب

قديما كنت فقط زآئرة متابعة لمواضيع المنتدى أعرف بعض أعضاء وعضوات المنتدى من خلال كتاباتهم

عندي مشكله مع زوجي واتمنى انكم تتحملوني وتساعدوني

انا متزوجة من 4 شهور تقريباً , وأنتقلت مع زوجي لمدينته التي تبعد عن مدينة أهلي تقريباً 4 أو 5 ساعات تقريباً , وعمله في مدينة أخرى فهو يعمل في مجال التنقيب عن البترول فهو يغيب عني مدة اسبوعين إلى ثلاثة اسابيع واجازته اسبوعين فقط , وأنأ اسكن مع اهل زوجي في منزلهم
علماً بأن سكني مع أهله مؤقتاً ( كما شرطت عليه )

من ايام الملكة مشآكل تعتبر بسيطة , يمكن لأني لم اتقبله كليا أو احبه , فهو كان مندفع معي ويريد كل شي أن يحدث بسرعة بينما أنا كنت عكسه كنت أحب أخذ وقتي وأتمهل :11 ويضغط علي في اشياء
فهو وللأمانه ليس بذاك السوء , فيه من الصفات الطيبة ولله الحمد ولكن هل يوجد انسان كآمل .؟!
أغلبيه أيامنا تقريباً مشاكل أنأ اعتبرها جدا بسيطه وتافهه ,
أعاني مع زوجي وتفكيره وطبآعه من أيام الملكة , فهو تفكيره ( قديم ) ولا أقصد بذلك التريقة أو السخرية
وصعب التناقش واتفاهم معه فهو ينفعل ويعصب ومتمسك برأيه حتى ولو كان خطأ دائما اقول له ( مو شرط اتفق معاك برأيك أو تجبرني على أن اقتنع برأيك كل واحد وله وجهه نظر ) أخبرته بأني لا احب النقاش معه

الاسابيع اللي فات سار بيننا مشاكل , بس بتكلم عن مشكله وحده بس
وعشان لاتطفشوا من كلامي الكثير بجزأ لكم مشكلتي

طلبت منه زياره بعض صديقاتي القدامى عندما ازور اهلي فاجأني برده واخبرني بـ ( لا )
استنكرت رده وقلت ليش ْ ؟ اخبرني بأن ( ماعندو حريم يخرجوا من البيت ) والله تعالى يقول ( قرنً في بيوتكن )
وأنتي امانة عندي وانا ما احب الصحبات ووووو )
قلت له ماتقدر تحرمني وتقطعني عن صحباتي بيننا سنيين وسنوات مع بعض وعشرة ومواقف كثيرة مالك حق .!!
قال لي بأنه مايعرف صديقاتي وكيف هي اخلاقهم .؟ قلت له يحق لك تخاف علي بس لازم تثق فيا وصحباتي امي واخواتي يعرفوهم ) قلت له صحباتي القدامى اللي قبل ما اعرفك واتزوجتك منعتني عنهم وبتقطعني عنهم
اجل كيف هنا وانا عندك مابتخليني اتعرف ويكون ليا ناس وجيران وصحبات , بتحبسني عندك وبتخليني قطعه من الديكور

بعدها قلت له بأن النقاش والكلام معاه ضايع وقمت عنه غاضبانه لغرفه النوم , جاني وهو زعلان قالي انا ماحرمتك من شي كل اللي تبغيه بوفرلك هو واي مكان تبغيه بوديكي بس اتمنى يجي يوم وتحبيني زي ماتحبي صحباتك وخرج مع اصحابو سهر وسمر معاهم لحد 12 او 1 الليل
وبعدها جلسنا 3 ايام ما نتكلم الا في اشياء بسيطة ( زعلانين ) نزلني عند أهلي بعد ما أصر عليا ينزلني وقلت له لاحق على الفكه الا بتنزلني غصب بغيب اكثر من 3 اسابيع
قال لي لو تحبي العمر كله كمان قلت له طيب وجزاك الله خير
وقبلها قايل لي انتي حره شورك في يدك لو تحبي تخرجي وتروحي اي مكان انتي حره قلت له متأكد ؟؟ انا ما ابغاك تكون كده يعني مو متشدد ولا سايب مره , ماعندك حل وسط ؟؟!
نزلت عند اهلي عادي ومابينت لهم شي وهو سلم على امي عادي كنت ادخل واخرج من المجلس بعد ماضيفتو جلست وقالت امي اشبك انتو متزاعلين قلت ي أمي وي الله لايجيب الزعل لا عادي وهي مصره انو في شي وزوجي وقف بعدها واستأذن وانا اصلا قد بان وجهي حمر والدموع بتطلع وخرجت عند اخواتي ولحقتنيوقلت ايش في ومدري كيف قمت بكيت وقلت مافي شي ي امي عادي وحاولت فيا هي واخواتي بس ماقلت لهم شي , بعدها بيوم ماقدرت إلأ وانا راسل له رساله وقلت له انا اسفه مو قصدي انو صحباتي اهم منك انت زوجي وحبيبي وابو عيالي ان شاءالله وسندي بعد الله وبنكبر وبنخرف مع بعض لاتقارن نفسك مع صحباتي انت غير اكيد عنهم ومن دا الكلام بس لازم تفهم انو الواحد يحتاج ناس وصحبات وكدا
واعتذرت له عن اشياء سارت مشاكل قديمه وخلصنا وعدت الليله على خير
اليوم الثاني قلت له انا بروح عند الدكتوره مارد عليا طنشني وانا قمت لبست بطلع مع اختي وانا خارجه امي منعتني من الخروج وقالت لا قلت ليش قالت زوجك قايل انو انتي امانه وما اطلعك قلت ي امي ترى هو عندو خبر وهو معطيني الصلاحية التامه قالت حرام وانا ما اتحمل وهو محملني امانه قلت طيب بكلموا وكلمتوا وقالي انا ماليا صلاح قلت طيب كلم امي عشان ترتاح قالي انا مو مكلم احد قلت طيب بعدين قال ليا لو طلبتي مني انا مو موافق على الخروج بس امك رضيت انا ماليا شغل قلت طيب انت ليش زعلان دحين ؟؟ وقفلت منو عادي وخلصت مشواري ورجعت
استقبلتني امي وقالت ليا بأنو ماكان راضي وكدا انتي اتصرفي معاه قلت طيب , وفي الليل ارسلت له
قهرتني وزعلتني كنت في موقف بايخ قدام امي واختي !!
رد عليا بأنو هو مو موافق على خروجي وقلت له كيف تقول ليا شي وتغيروا وانا مدري اعطيني خبر على الاقل مو اسلوب , وليش تقول لأمي امانه ومدري كيف ماكان في داعي ابداً .!!
قالي انا ما احب تطلعي مع اي احد وفهمتك من قبل ,





تعديل العنوان بما يتناسب مع المضمون

وبعدين اكتشفت انو هو قايل لأامي انو طفش من المشاكل معايا وانا مأزمتو في حياتو
قلت له انا وعند اهلك مابينت شي قدامهم ابدا ونحن متفقين مشاكلنا محد يعرفها ونحلها بيننا تقوم انت تدخل امي وتقول طفشت من المشاكل .!! بعدين قال ليا ( طلع محد قادر عليا ) ورديت عليه وقلت له انا اطلع من النقاش احسن بوفر وقتي واذا مطفشتك روح اتزوج باللي تسعدك وتقدر عليها .!! لانو باين انو نحن مو متفقين في شي ابداً ومختلفين زي ماقلت لي ..!
قام اتصل مارديت ارسلت له انا تعبانه ومافيا اتكلم قالي ردي .. رديت وقا لي لمن اتصل تردي فاهمه وغصباً عني وكدا قلت راح اقفل قام عصب قال لي لو قفلتي راح تكبر واقول لأمك قلت انت يعني غلطان وكمان بتهددني بتحسب انك بتخوفني بأمي قلت اللي فيها فيها وهي اصلا كبرت المشاكل وانا بايعتها وقلت راح اقفل وقفلت
قام اتصل بأمي الساعه 2 او 3 الصباح وقال لها عن كل شي امي طبعا جاتني قلقانه وتقول زوجك كلمني ويبغاكي وقالتلي ايش في قلت ي امي مافي شي قالتلي قال لي عن كل شي ليش تقولي له اتزوج وليش انتي تفضلي صحباتك عنو وكدا قمت بكيت وقلت لها بس عن مشكله الصحبات وانو يغير كلامو كل شويا يحيرني معاه قالت خلاص انا اتفاهمت معاه واذا على الخروج وافق انك تخرجي
بعدها راسلني قال ليا اذا خرجتي راح تكبر المشكله اكبر واكبر ..!! ماقلت لأمي وسكت وماسرنا نكلم بعض بعدها بكم يوم استأذنت منو وقلت له بروح السوق قال لي لا قلت طيب بروح عن صحبتي قال ليا لا
ماقدرت وروحت اقول لأمي بروح عند صحبتي وانا قدي مخنوقه وطفشانه بس هو مانعني قالت انا كلمتوا وهو وافق قلت لها بعد ماكلمتيه راسلني وقال ليا مافي خروج ولابتكبر المشكله
امي زعلت واتصلت عليه واتفاهمت معاه برضو معند انو مايبغى صحبات ابداا ابداا قامت قالت طيب تعال بكرى واتفاهموا
جاء ولبست واتشيكت وكانت نيتي انو خلاص نتراضى , بس هو طبعا كان جاف وبديت اتكلم وقلت له كل شي
عندي
قالي صحباتك بحدد لك كم ساعه واذا ماردوا لك الزياره بتقطعي علاقتك فيهم
وانتي اصلا مابتلاقي زي لو تلفي الدنيا معيشك ومستتك لا اطلب منك طبخ ولاغسيل ولاتنضيف
بس انتي نكرتيني وجحدتيني كل افضالي عليكي وفضلتي صحباتك عليا وقام يدعي عليهم ويسبهم انهم السبب في خراب بيته
انا استغربت وقلت انا ماجحدتك زي انت ماجحدتني انت فهمت امي انو انا حتى بسمه ما ابتسمها في وجهك
قام صرخ وقال لي الا انتي جحدتيني عشان مين صحباتك الله يحرقهم ..!
قلت له شوف انت مين تماشي من اصحابك اللي يروحوا يخونوا زوجاتهم وتوصل لدرجه الزنى مع بنات صيع مو تجي تتكلم عن صحباتي بنات ناس ومحترمين وسمعتهم طيبة والحمدلله ( عصب زياده وكان بيجي يصفقني كف وقال لي صوني لسانك ولا بيوريني ( انا خفت على نفسي لايضربني صراحه )
وكملت وقلت له اذا على الغسيل والطبخ انت رافض وانا دايما اجي اقولك بسويلك وافعلك وانت ماتبغى
ابسط شيء طلبتوا منك بيت وانت ماتبغى تتحرك او تسوي شي
قال لي عندك شقه حقت ابويا تعيشي فيها قلت فين كلامك اول اصبري عليا بنبي فله على كيفنا ومن ذوقنا كل دا اتغير .!! قال لي دا اللي عندي ,
قمت عصبت وقلت له اذا تبغى حياتنا تمشي كده انا واللهي مو مناسبتك وانا ماراح اتناقش واتفاهم معاك واستنى امي لمن ترجع اذا حابب تتفاهم معاها والمشكله مو الصحبات ولا الخروجات المشكله في تفكيرك وعقلك انت وطلعت من المجلس
قام هو اتصل بأمي وقال لها واتصل على اخويا كمان واشتكاه مني

ودحين لينا كم يوم مانتكلم , ارسلت له وقلت خلاص لاتدخل بيننا احد يكفي سببت لي مشاكل مع اهلي
والبيت ابدأ عدل في الشقه وصلحها عشان بنقل فيها ان شاءالله واذا في شي ثاني عندك قول عشان نتفاهم عليه
قام طنشني ومارد عليا لحد اليوم

ايش اسوي معاه احس نفسي زي المعلقه كم مره افكر ارسلوا عشان نتكلم ونخلص من المشكله بس افكر واقول لا هو غلطان مره نفسي ماتهون عليا
ولا استنى هو لمن يرد عليا ..!!
امي زعلانه على حالي وقالت اتغير زوجك ماكان كدا فين الصوت الهادي دحين سار يوقف ويرد ويزعق امي منصدمه منو وقبلها كنت زعلانه مره وفكرت بالطلاق اعرف انوا المشكله تفاهه وماتحوج للطلاق بس انا احس خلاص كرهتو زياده وكسر فيا اشياء كثيره في نفسي واحس حياتي بتكون صعبه معاه

انتي ماعرفتي تسايسيه
ياختي لاتخسري زوجك عشان صاحبات

يسعدك ربي مبتعثة

يعني والحل ..؟
ارضى بعيشتي معاه انا بعيده عن اهلي وطبيعي بحن وبفتقد للناس وللمة
بالعكس احس اني سايست زوجي كثير واتنازلت كثير واكرمتو ومراعيه حق الله فيه حتى ونا زعلانه منو
بس انو يحرمني من الناس ..؟ ويحرمني من صحباتي اللي وقفوا معايا في اعز حاجتي وضيقتي ..!!
وبعدين انا مو اجتماعية كثير ولا خروجي كثير انا صحباتي ينعدوا على اصابعي والباقيين بس بيننا سلام وسؤال عن الحال
اتعرفت على وحدة في مدينه زوجي ماصدقت اخيراً لقيت وحده قريبة من سني
وقلت له بروح لها هيا ساكنه في نفس الحي معانا
رفض وقال لي ماااافي ليش اعطيني سبب ؟؟ بس كدا
قلت له مايسير يعني ما اخرج من البيت الا معاك او مع مامتك عند صحباتها ماهم من سني كبار
احس انها تجرجرني معاها البسي دا واللون دا واحتشمي ومدري كيف احس نفسي زي الباربي احس اروح منظرة والناس تتفرج عليا وارجع البيت ثاني
قلت له ما ابغى علاقتي تكون محكورة بمامتك وصحباتها الكبار ولا اخواتك وصحباتهم يحق لي يكون عند ناس وصحبه وجيرة .!!

مع الوقت بيلين
هو يعاندك بس
قولي خلاص مابغى صاحبات والله يعيني وهالشي يصايقني بس عشانك ماابغى
واكسري عينه بطيبك
وبين فتره وفتره اطلعي معاه قولي تعويض عن تضحيتي بصاحباتي
والله يسخره لك

مايليين والله
هو قال لأمي انا نهائيا ما ابغى صحبات ..!! عندي حساسية منهم
والين متى اصبر ..! بعد سنوات بعد ما اخلف واجيب عيال بيتكرم عليا ويتفضل ويسمح لي بأن يكون عندي ناس وجيره وصحبات ..! انا ما اضمن انو يتغير لأنو تفكيروا كده
لو زاد واتمادى واتفرعن ..! برضو اصبر واعيش
حفله تخرج صحبتي اعز صاحبة عندي وقت الملكه قال لي ماتروحي ليش ..!! بس كدا اجلسي في بيتك
قلت لازم اروح وانا مجهزه معاها حفلتها ومخططه معاها
اضايقت وماعرفت ايش اسوي بس في الاخير اتنازلت وقلت له صح صحبتي مهمه بس انت اهم وانا عشانك مو رايحه
ماقدر هالشيء
عنده طبيعي والمفروض انو الحرمه تسوي كدا وترضي زوجها بأي طريقه لو افنت عمرها اهم شي ترضيه ..!

أختي الكريمة...

أنتي و زوجك لساتكم عرسان جددّ...و طبيعي جدا تصرفات زوجك...

أغلب الرجال يرغبون في فرد عضلاتهم في الفترات الأولى من الزواج...

و اعتذر منك لكن عليّ قول الحقيقة...تصرفاتك معه تدل على قلّة وعي منك... فردودك له فيها الكثير من العندية و التحدي...

و هذا ما يكرهه الرجل بالذات...

في السنة الاولى ن الزواج تحتاجين للكثيـــــــــــر من التنازلات عن حقوقـك... هذا واقع لا مفر منه... تحملي نظامه و قوانينه الصارمة و عقليته مهما اعترضتي عليها، إلا أن يمّل من ممارسة السطوة و لعب دور السي سيد...

بالعشرة سيلين زوجك إلى حدّ مـا و حينها ستنعمين بحياة اجتماعية طبيعية...

حاولي مراضاته الآن...و كفي عن استئذانه للخروج من البيت إلا استدعت الضرورة القصوى... فواضح جدا أن زوجك يستشيط غضبا منك عندما تحاولين كسر كلامه بطلبك للخروج للصديقات...

لذا فالأجدر ألا تقتربي من خط النار هذا...

موفقة أختي الكريمة...

__________________
يا ربي هدي سري و حققلي حلمي..

أختكم السفيرة لمو

كلام السفيره لمو كله صح
اكسبي زوجك
ماراح تتفعك صاحبات اذا اتخرب بيتك
ماتشوفي معظم البنات تختفي بعد زواجها بفتره
لان الزوج بعالفتره يحاول يفرد عظلاته مع العشره بيفك

السفيرة لمو .. يسعدك ربي

والله اني متنازلة كثير واولها سكني الشرعي .. وا.نا صحباتي من بعد زواجي ماطلبت ازورهم الا بعد 4 شهور
ومره وحده اللي طلبت اشوفهم بس .. يعني مو دايماً ..
غير انه مبين لأهلي اني سيئة معاه ومطفشتو في عيشتوا
ومبين لأهلوا نفس الشيء ..! غير انو نكرني قدام امي واخوي
مره امي جات تقول ليا ( البسي ومره سوي خفايف واجلسي معاه واتكلمي واضحكي
قلت لها امي ..!! تحسبيني جالسه معاه مكشره والله اضحك معاه واتشاقى والعب ونسهر ونطلع مع بعض
قلت لها لاتحسبيني نكدية ونفسيه معاه .!!
ويقول لأمي انو انا ما احترموا ولازم اغير من نفسي ..!! والله انو جاحد محترمتو ومقدرتوا
ومراعية حق الله فيه حتى وانا زعلانة
وانا اجي على نفسي واتنازل وارضى في الاخير واكبر راسي بس لحد متى ..!!
والله مدري ايش اقول تاني غير اني مستحمله تصرفاتو وشكوا ليا وتفتيشوا لجوالي وكذبه بعض الاحيان
بس اذا انتو شايفين اني غلطانة ولازم اتنازل اكثر كمان وكمان
ما اقول غير الله يعينني ويرزقني الصبر والحكمة

مدري ليش مصرين على انو صحباتي بيخربوا بيتي .!!
انا ابدا مافضلت صحباتي عليه ولا اازن عليه بصحباتي وصحباتي فعلوا وعملوا ..!
او مثلا اسمع كلامهم او بينصحوني بنصايح تخرب عليا بيتي ..!!