الله يعطيك العافيه يادلوعه على هالموضوع والله أنا بصراحه الحين جالسه عند الدفايه والمكيف كمان شغال عالحار وعندنا برد الله لايوريك حنافي شمال المملكه خلاص برد شديد الله يعين وحنا لساتنا بأوله وحتى زيارتنا لطبيب بتصير كثيره بالذات مع هاذا الجو البارد أنا زوجي لوكنت أنا مريضه أو واحد من العيال لمايسأل الطبيب أنا أجاوبه زوجي ماعمره قاطعني أوتكلم عني وحتى لو زوجي تعبان وراح لدكتور ورحت معاه هم ما أنا مقصره لوبغاني أشرح لدكتور مرضه مستعده بس للأسف لوكان تعبان يروح لحاله ويتعالج ويجي بس من زود اللقافه أروح آخذ علاجاته إللي صرفوها له وأجلس أقرأها وطبعا مافيه علاج إلا وله أعراض جانبيه وأجلس أقوله هذا الدواء يجيب لك كذا وهذا يسبب لك كذا وهاذا أعراضه خطيره وذا يرفع لك الضغط حتى زوجي يقول أنا رحت أبغى منهم علاج ما أبغى أمراض زود على اللي فيه وأحيانا يترك العلاج ماعاد يستخدمه يوم أجلس أشرح له أضراره ومايرضى ياخذه إلا من بعد ما أقوله هاذي مجرد إحتمالات بس إشرب وتوكل عاالله هو الشافي المعافي أخوفه مسكين وبعدها أطمنه الحمدالله والشكر لله زوجي مايحب المستشفيات دايم يضغط على نفسه إلا لوحس إنه مره تعبان يروح حتى عنده مرض السكر ياخذ علاجه من الصيدليه وعنده جهاز فحص في البيت الله يشفيه ويعافيه أما بالنسبه لي أنا وعيالي الظاهر بنشتري بيت جنب المستشفى ونصير جيرانهاعلشان ما عاد نخسر بنزين سياره رايح جاي اليوم بس رحنا مرتين أول شئ إبني عنده إلتهاب بالحلق وكحه وثاني شئ بنت عندها نفس الشئ بس واحد باليل والثاني بالظهر والحمدالله على كل حال طبعا عندي بنت وولد عندهم مرض وراثي بالدم مزمن ونراجع عيادة الدم كل ثلاثه شهور وقبل المراجعه بأسبوع نسوي لهم تحاليل دائما
بأمر من الطبييب حقهم ويوم نروح الموعد عند الدكتور أبوهم مايسأل ويدقق مثلي بس يقوله كيف التحاليل
يرد الدكتور يقول زينه وطيبه مافيها شئ بس أنا أنط وأسأل كم نسبة الدم وكم نسبة الصفائح وكم وكم وهل فيه تطور وأمل في علاجهم في الطب والمهم الدكتور مايصدق يبغى الفكه يكتب لنا وصفة العلاج ويقول راجعونا بعد ثلاث شهور زوجي يقول لي وش بك جننتي الرجال بأسئلتك أقوله أبغى أتطمن على عيالي وتحاليلهم وش فيها لوسألته من حقي أسأله ويجاوب بعدها يسكت وأحيانا لم نروح لدكتور وأناتعبانه ويسأله الدكتور أحيانا يسأل ويتجه بوجهه لعند زوجي زوجي يقول قولي لدكتور وش عندك حتى عيالي لو مرض أحد فيهم وداه أبوه لحاله للمستشفى أقوله أنا من البيت وش الأعراض إللي عنده ولونسي شئ يدق عليه بالجوال أقوله إياه ويعالجه ويجيبه لأنه عارف إن الأم دايم هي الأقرب لطفلها طولت عليك يالغاليه وصدقيني زوجك هاذا عنده طبع بس تعود عليه خليه يقول إللي يبغى أهم شئ أنت أظيفي ملاحظاتك ولا عليك الله يعطيك الصحه والعافيه أنت وأهل بيتك يارب إن شا الله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

والله يبدأ زوجي بعدين أنا أتكلم وأصحح بعض الأشياء إذا كانت المعلومة ضرورية على إنها مو حلوه في حقه

وإذا قال كل شيء وجاوب بشكل صحيح أسكت مع إني أفضل أتكلم عن نفسي في حالة المرض

لكن قلت له مره إذا ما عندك مشكلة أنا بتكلم عن حالتي عشان لا أضطر لتصحيح كلامك

لأن الحرمه تصير مزعجة وقت تقاطع الرجل ،،، مو حلوه في حق الاثنين

وحتى مع الصغار هو يتكلم لكن ألاحظ أطباء الأطفال دائما ينتظرون الاجابة من الأم

وأصلا يسألون أسئلة يضطر زوجي يطالع فيني عشان أجاوب لأنه ما يعرف بالتحديد

وعلى فكرة حلو يتعود الأطفال انهم يتكلمون عن حالتهم ويذكرون للطبيب مما يشكون

ومن ثم نكمل عنهم ونجاوب على أسئلة الطبيب

عشان نغرس مبدأ التعبير عن الذات عندهم وما يتعودون أحد يتكلم بالنايبة عنهم

تصدقين نبهتيني عن هالشيء صح دايم زوجي يقاطعني وهو يتكلم لو اناالمريضه بس احيان تجيني فهايه اذا قابلت الطبيب او الطبيبه ماتوصف يضطر زوجي يتكلم يقولي ااااا تكلمي بسرعه وانا اقول بفكر شوي وارتب كلامي ..
هههههههههه
بس عايدي خليه يتكلم وانتي وراه قولي الجمل الناقصه ولاتزعلين يادلوعه مودي ..

زوجي بالعاده هو اللي يبدا سواء انا المريضه او احد العيال
واحيان ينسى معلومات اروح اصححها او اذكرها
يعني مره هو ومره انا
واسال الدكتور احيان عن بعض الاعراض والاحتمالات ولا يبدي امتعاض او اعتراض
ومع انه غييييييور الا انه في هالشئ عادي جدا

بالتوفيق للجميع

__________________
اللهم صلي على نبينا محمد وعلى اله وصحبه اجمعين

انا زوجي يجاوب عني ومره انتبه على نفسه وطلعنا من عند الطبيب واعتذر عن تصرفه بس رجع نفس اول هو مايقصد بس ينسى ويجاوب عني

حسب الطبيب

بعض الأطباء يحترم نفسه قبل احترامه للمريض

يسأل بهدوء دون أن يوجه نظره للمريضة .. في هذه الحالة أنا من يجيب على الأسئلة .


و بعض الأطباء ...

أصمت تماماً .. يرتفع ضغطي من كلامه .. و زوجي يتحدث معه حتى نخرج !


و الأساس عندي هو المراجعة عند طبيبة ( امرأة ) إلا في حالة الضرورة القصوى

عندما لا أجد امرأة تمارس التخصص الذي أقصده .

شكراً لصاحبة الموضوع

__________________

بالنسبة لي إذا كنت انا مريضة , ادخل لحالي على الطبيبة,,,,
أما لما تكون بنتي مريضة و ندخل على طبيب الأطفال ’’’هو يقول له الشكوى بشكل عام ,
و انا اجاوب على التفاصيل , لأني اعلم بها و كنت جنبها طول الوقت , يعني لما يسأل الطبيب
عن طعامها و رغبتها بالأكل او اخراجها و انتو بكرامة , يعني شيء غريب يجاوب الزوج اللي معروف ان المرأة هي تهتم بتفاصيل ولدها من اكله و حمامه و ملاحظة اي شيء على جسمه وو الخ

أخي م زيتون هذا لا يعني اننا ننحي الرجل عن الإهتمام بالأسرة
منطقيا الدكتور يسأل أسألة , وقتها الزوج ما كان موجود لعمله و دوامه الله يجزاه خير

أما إذا كان شيء بسيط ,,او كان متواجد من لحظة المرض
ادعه هو يتكلم ..

عزيزتي دلوعة مودي ’’’احسني الظن قد يكون زوجك يغار عليك كثيرا و يغار حتى من ظهور صوتك و هذا جميل

__________________

انا راح اجاوبك من ناحية اني طبيب انا اشوف الاغلبية الي يرد الزوجة وفي حالات يرد الزوج و في حالات غريبة الي هي يجي زوجها ومايدخل معها بس مو كثير

موضوووع حلووو مثلك يا دلووووعه ...

بالنسبة لي ... اذا كنت انا المريضه زوجي يصر انه يدخل معاي عند الطبيب لاني بصراحه ما اكون صادقه مع الطبيب واكذب
خوفا من الحقنه ...فزوجي يدخل معاي علشان يكشفني ...وهو اللي يتكلم ويشرح له ..

اذا احد من عيالي مريض ... زوجي ياخذه للمستشفى وانا اعطيه المعلومات ...او نروح مع بعض وانا اللي اتكلم ...

مشكوره حبيبتي ... وربي يحفظك ويسعدك ..

__________________

زوجي سواء كنت مريضه او بنتي الله لايقدر مريضه
هو يرد عني والملاحضات اقولها له وهو يقولها للطبيب ومره سألأت الطبيب شي جا على بالي فجأه وزعل تخيلو عاد بس هذا من زود غيرته علي فديته مع انه اوقات يمصخها بس وش اسوي مااعطي هذي الامور بال اطنش

__________________
ربي اجعلني مقيما الصلاة و ذريتي ربنا وتقبل دعاء
يارب ارزقني واختي الاولاد الصالحين تامين الخلق والخلقه يااااااارب
اتمنى كل من يشوف توقيعي يدعيلي ويدعي لاختي