مساء الخير

انا انسانة ما احب الوحدة والصمت بس مو انسانه اجتماعية بدرجة كبيرة احب اجلس مع الناس واسولف بس مو اي احد انسجم فجلسته ومو اي مجلس يستهويني وهذا الشيء متعبني

كتوضيح في زميلات بالدوام انبسط بجلستهم واندمج فسوالفهم بس في زميلات حتى لم اجلس معهم اسولف بس ما احسني اندمج معهم مو قادرة انسجم وادخل فيهم وبعض الزميلات اتلاشى جلستنا سوا وهذا الشيء يشعرني بالنقص الاحظ الغير وشيء داخلي بعدم راحة واحس يبان على ملامح وجهي واحس الناس ما تفقدني

كمان هالشعور يجيني مع زوجي خاصة لم نكون بالسيارة يكون احيانا فيه صمت ما في بيننا حوار وتبادل حديث وحتى لو جبت سالفة احس اسلوبي مو حلو يجذب للحوار واكمال السالفة

هالشيء متعبني دخلت حسابات انستقرام لتطوير الذات واحفظ كلامهم بس ما احس في ذاك التطور فشخصيتي

اليوم كان اول يوم لي بعد فترة غياب ورجع لي هالاحساس لدرجة اقول انا ام فاشلة لبنتي لان اي بنت تاخذ من شخصية امها اتمنى اكون ام مثالية لها تفتخر بي