ما ادري شنو اقول بس الحقيقة سجلت عشان تساعدوني واملي فيكم كبير انكم تساعدوني
قرات قصص ومشاكل كثيرة انحلت بفضل توجيهاتكم وامل ان توجهوني واقلع عن هذا السم البطيئ
اتعذب كل يوم كرهت نفسي حاولت اداري عيبي قدام زوجي اتعطر اتبخر اتانق اكشخ بس كل يفسده الدخان
زوجي تحملني كثير ازعجته وسببت له احراج ادخن بكل مكان وباي وقت وانا الان اكتب لكم والزقارة بيدي
تعبت من القرف بس كل ما اقول ابطل ما اقدر احسه مزاجي وونيسي بكل شى الصباح اذا قعدت من النوم اتونس على الزقارة والقهوة كاني رجال والي يشوف انوثتي يقول مستحيل هذه تدخن صورتي امام الناس تعكس اصبع اتهام يتوجه لي كمدخنة حاولت اقمت الليل دعيت الله بكيت بطلته كذا يوم وارجع زي المجنونة صحتي ميزانية عندي في الدخان اشتري بالكرز ماهمني صحتي ولا الفلوس بس زوجي احسه بيطلقني بسبب الدخان هو قالي بعد فترة معينة ولازم تبطلي يا انا يا الدخان والحقيقة خايفة يجي هاليوم ويمل من كل شى ويتركني كل كشختي تروح بسبب الدخان احس ان الحياة مالها طعم بدون زقارة ادمان فضيع في ناس تدخن بس مو مثلي انا اخلص على باكين باليوم ودخاني برستيج يعني نحيف وحركات بس ما اقدر اجلس بدون مايطلع الدخان من فمي كل مارميت الزقارة اقولها خلاص كرهتك ما ابيك تحطمين حياتي بس تمر ساعة وارجع واحس ان قراري الي كان قبل ساعة ولا شىء زوجي يشوفني انه فيني نقص كبير لاني مدخنة وقالي من حقي اعيش مع زوجة بدون دخان وهذا ابسط حقوقه بس كيف ابطل ياناس ارجوكم ساعدوني لا تقلون روحي مراكز اقلاع عن التدخين مافي فايدة حاولت ابطل بالتدريج مافي فايدة شنو اسوي اسالكم بالله تساعدوني وخايفة اذا بطلته اصير دبة وزوجي مايحب زيادة الوزن وجربت قبل كذا زاد وزني وصرت احب اكل اي شىء بس زوجي قالي زيادة الوزن ولا التدخين وانا ابي اصير رشيقة وبدون دخان بليز ساعدوني